12 months ago
March 31, 2023
एजेन्सी – ओपनर ऋतुराज गायकवाडको विष्फोटक ब्याटिङमा चेन्नई सुपर किंग्सले इन्डियन प्रिमियर लिग (आइपिएल) २०२३ को पहिलो खेलमा साविक विजेता गुजरात टाइटन्सलाई १ सय ७९ रनको प्रतिस्पर्धात्मक लक्ष्य दिएको छ । नरेन्द्र मोदी स्टेडियम अहमदाबादमा टस हारेर पहिला ब्याटिङको निम्तो पाएको चेन्नईले निर्धारित २० ओभरमा ७ विकेट गुमाउँदै १ सय ७८ रन बनायो । चेन्नईका […]
एजेन्सी – ओपनर ऋतुराज गायकवाडको विष्फोटक ब्याटिङमा चेन्नई सुपर किंग्सले इन्डियन प्रिमियर लिग (आइपिएल) २०२३ को पहिलो खेलमा साविक विजेता गुजरात टाइटन्सलाई १ सय ७९ रनको प्रतिस्पर्धात्मक लक्ष्य दिएको छ ।
नरेन्द्र मोदी स्टेडियम अहमदाबादमा टस हारेर पहिला ब्याटिङको निम्तो पाएको चेन्नईले निर्धारित २० ओभरमा ७ विकेट गुमाउँदै १ सय ७८ रन बनायो । चेन्नईका ओपनर ऋतुराज गायकवाडले ५० बलमा ४ चौका र ९ छक्कासहित सर्वाधिक ९२ रनको इनिङ खेले ।
गायकवाड तीव्र गतिका बलर अल्जारी जोशेफको १८ औं ओभरको पहिलो फुलटस बलमा छक्का हान्ने धुनमा लङअनमा शुभमन गिलबाट क्याच आउट भएपछि शतक बनाउन ८ रनले चुकेका थिए ।
गायकवाडले २०२१ मा अबुधामी मैदानमा राजास्थान रोयल्सविरुद्ध ६० बलमा १ सय १ रनको शतकीय इनिङ खेलेका थिए । गायकवाड चेन्नईबाट एकै खेलमा सर्वाधिक छक्का हान्ने दोस्रो खेलाडी हुन् । उनी अघि मुरली विजयले २०१० मा राजस्थानविरुद्ध ११ छक्का हानेका थिए ।
तीव्र गतिका बलर मोहम्मद शामीले तेस्रो ओभरको दोस्रो बलमा ओपनर डेभन कन्वेलाई एक रनमा बोल्ड गरेका थिए । योसँगै शामीले आइपिएल करिअरमा एक सय विकेट पूरा गरेका थिए । मोईन अली १७ बलमा ४ चौका र १ छक्कासहित २४ रनमा क्याच आउट भए । अली राशिद खानको बलमा ऋद्धिमान शाहबाट क्याच आउट भए ।
राशिद खानको बलमा चेन्नईका प्रमुख ब्याटर बेन स्टोक्स एज लागेर शाहबाट क्याच आउट हुन पुगे । स्टोक्सले ६ बलमा १ चौकासहित ७ रन बनाए । बायाँ हाते तीव्र गतिका बलर जोशुवा लिटिलले अम्बाती रायुडूलाई १२ रनमा बोल्ड गरे । लिटिल आयरल्यान्डबाट आइपिएल खेल्ने पहिलो खेलाडी बनेका छन् ।
शिबम दुबे १८ बलमा १ छक्कासहित १९, रविन्द्र जडेजा १ रनमा आउट भए । कप्तान महेन्द्रसिंह धोनी ७ बलमा १ चौका र १ छक्कासहित १४ रनमा अविजित रहे ।
गुजरातका राशिद खानले ४ ओभरमा २६ रन खर्चेर २ विकेट लिए । मोहम्मद शामीले ४ ओभरमा २९ रन खर्चेर २ विकेट लिए । अल्जारी जोशेफले ४ ओभरमा ३३ रन खर्चेर २ विकेट लिए । जोशुवा लिटिलले ४ ओभरमा ४१ रन खर्चेर १ विकेट लिए ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]