default_image

2 years ago

April 1, 2023

कोलकातालाई हराउँदै पन्जाबको विजयी सुरुवात

300 views

0 Bookmark

एजेन्सी – पन्जाब किंग्सले इन्डियन प्रिमियर लिग (आइपिएल) २०२३ मा कोलकाता नाइट राइडर्सलाई डकवर्थ लेविस पद्धतिको आधारमा ७ रनले हराउँदै विजयी सुरुवात गरेको छ ।

जितको लागि १ सय ९२ रनको विजयी लक्ष्य पछ्याएको कोलकाताले १६ ओभरमा १४६–७ को अवस्थामा वर्षाको कारण खेल रोकिएको थियो । त्यसपछि खेल डिएलएस मेथर्डमा निकालिएको थियो । कोलकाताका आन्द्रे रसेलले १९ बलमा ३ चौका र २ छक्कासहित सर्वाधिक ३५ रन बनाए । तर त्यो जितको लागि पर्याप्त हुन सकेन ।

साम करनको १५ औं ओभरको पाँचौं बलमा रसेल डिप मिडविकेटमा सिकन्दर राजाबाट क्याच आउट भएपछि जितको सम्भावना टाढिएको थियो । कोलकाताको सुरुवात भने खराब रह्यो । ओपनर मन्दीप सिंह दुइ रनमै क्याच आउट भए ।
नाथन एलिसले रहमानउल्लाह गुरबाजलाई २२ रनमा बोल्ड गरे ।

डेब्यू खेल खेलेका गुरबाजले १६ बलमा ३ चौका र १ छक्का प्रहार गरे । अर्शदीपले अनुकुल रोयलाई ४ राजाबाट क्याच गराएपछि खराब सुरुवात गरेको थियो । डेब्यू खेल खेलेका राजाले कप्तान नितिश राणालाई दशौं ओभरको दोस्रो बलमा क्याच आउट गराए ।

राणाले १७ बलमा ३ चौका र १ छक्का प्रहार गरे । वेंकटेश ऐरले २८ बलमा ३ चौका र १ छक्कासहित ३४ रनमा क्याच आउट भए । उनी अर्शदीपको १६ औं ओभरको तेस्रो बलमा प्वाइन्टमा क्याच आउट भएका थिए ।

पन्जाबका अर्शदीप सिंहले ३ ओभरमा १९ रन खर्चेर ३ विकेट लिए । साम करन, नाथन एलिस, सिकन्दर राजा र राहुल चाहरले एक एक विकेट लिए ।

त्यसअघि मोहालीमा टस हारेर पहिला ब्याटिङको निम्तो पाएको पन्जाबले निर्धारित २० ओभरमा ५ विकेट गुमाउँदै १ सय ९१ रन बनाएको थियो । पन्जाबको जितमा भानुका राजपक्षेले ३२ बलमा ५ चौका र २ छक्कासहित सर्वाधिक ५० रनको योगदान दिए । कप्तान शिखर धवन २९ बलमा ६ चौकासहित ४० रनमा आउट भए ।

दोस्रो विकेटका लागि राजपक्षे र धवनले ८६ रनको साझेदारी गरेका थिए । ओपनर प्रभसिमरन सिंह १२ बलमा २ चौका र २ छक्कासहित २३ रनमा आउट भएका थिए ।

जतिश शर्मा ११ बलमा १ चौका र २ छक्कासहित २१ रनमा आउट भए । डेब्यु खेल खेलेका सिकन्दर राजा १६ रनमा आउट भए । साम करन १७ बलमा २ छक्कासहित २६ तथा शाहरुख खान ७ बलमा २ चौकासहित ११ रनमा अविजित रहे ।

कोलकातका टिम साउथीले ४ ओभरमा ५४ रन खर्चेर २ विकेट लिए । उमेश यादव, सुनिल नारायण र बरुण चक्रवर्तीले समान एक विकेट लिए । पन्जाबले दोस्रो खेलमा बुधबार राजस्थानसँग खेल्नेछ ।

कोलकाताले बिहीबार रोयल च्यालेन्जर्स बेंगलोरसँग खेल्नेछ । आजको दोस्रो खेलमा दिल्ली क्यापिटल्स र लखनऊ सुपर जायन्ट्सबीच प्रतिस्पर्धा हुँदैछ । दिल्लीले टस जितेर पहिला फिल्डिङ गर्ने निर्णय लिएको छ ।

July 13, 2025

सप्तरी प्राइड लिग : राईनोज र वीरपुर विजयी

काठमाडौं (हाम्रो खेलकुद) – राजविराजमा जारी सप्तरी प्राइड लिग अन्तर्गत चौंथो दिन सम्पन्न दुईवटा खेलमा कञ्चनरूप राइनोज र रोयल च्यालेन्जर्स बाह्री वीरपुर विजयी भएका छन्। आइतबारको पहिलो खेलमा राजपुर वारियरलाई राइनोजले ५ विकेटले पराजित गर्यो । १ सय २५ रनको लक्ष्य राइनोजले १६ ओभरमा पाँच विकेट गुमाएर भेटायो। राइनोजका लागि ओपनर राकेश कामतले अर्धशतक बनाउने […]

July 13, 2025

आदिल सहित ३२ क्रिकेटर प्रशिक्षणमा बोलाइए

काठमाडौं (हाम्रो खेलकुद) – टि ट्वान्टी विश्वकप एसिया तथा पूर्वी एसिया प्यासेफिक छनोटका लागि मोहम्मद आदिल आलम सहित ३२ क्रिकेटरलाई प्रशिक्षणमा बोलाइएको छ । नेपाल क्रिकेट संघ (क्यान) ले आइतवार आदिल सहित ३२ क्रिकेटरलाई प्रशिक्षणमा बोलाएको छ । आदिलले करिब ३ वर्ष पछि राष्ट्रिय टोलीको प्रारम्भिक टोलीमा अटाएका हुन् । आदिल केही वर्ष अघि नेपाल […]

July 13, 2025

अस्ट्रेलियाको मध्यम योगफल

एजेन्सी – अस्ट्रेलिया घरेलु टोली वेस्ट इण्डिजविरुद्धको तेस्रो टेस्टको पहिलो इनिङमा मध्यम योगफलमा समेटिएको छ । जमैकामा शनिवार सुरु डे नाइट टेस्टमा टस जितेर ब्याटिङ गरेको अस्ट्रेलिया पहिलो इनिङमा २ सय २५ रनमा समेटिएको हो । अस्ट्रेलियाका स्टिभ स्मिथले सर्वाधिक ४८ रन बनाए । क्यामरुन ग्रिन ४६, कप्तान प्याट कमिंस २४, ओपनर उस्मान ख्वाजा २३, […]

Success

Thank you for your time.