default_image

1 year ago

April 2, 2023

माक्ररमको सानदार शतकसँगै दक्षिण अफ्रिका विश्वकप नजिक

106 views

0 Bookmark

एजेन्सी – एडेन माक्ररमको सानदार शतकमा दक्षिण अफ्रिकाले अन्तिम तथा तेस्रो ओडिआई खेलमा नेदरल्यान्ड्सलाई १ सय ४६ रनले हराउँदै विश्वकप नजिक पुगेको छ । आगमी अक्टोबर नोभेम्बरमा भारतमा हुने विश्वकपमा सोझै स्थान बनाउने दक्षिण अफ्रिकाको लगभग पक्कापक्की बनेको छ । तर आयरल्यान्डको अन्तिम नतिजा पर्खनु पर्ने हुन्छ ।

जितको लागि ३ सय ७१ रनको विशाल विजयी लक्ष्य पछ्याएको नेदरल्यान्ड्स ३९.१ ओभरमा २ सय २४ रनमा अल आउट भयो । नेदरल्यान्ड्सका मुसा अहमदले ६९ बलमा ७ चौका र ३ छक्कासहित सर्वाधिक ६१ रन बनाए । म्याक्स ओडाउड ४७, विक्रमजित सिंह २१ र स्कट एडवार्ड्स ४२ रनमा आउट भए ।

दक्षिण अफ्रिका सिसान्डा मगलाले ९ ओभरमा २ मेडनसहित ४३ रन खर्चेर सर्वाधिक पाँच विकेट लिए । एडेन माक्ररमले दुई, तबरेज शाम्सी, मार्को यानसन र लुंगी एनगिडीले एक एक विकेट लिए ।

त्यसअघि टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ८ विकेट गुमाउँदै ३ सय ७० रन बनाएको थियो । दक्षिण अफ्रिकाका एडेन माक्ररमले १ सय २६ बलमा १७ चौका र ७ छक्कासहित १ सय ७५ रनको सानदार शतकीय इनिङ खेले ।

चौथो विकेटका लागि माक्ररम र मिलरले १ सय १८ बलमा १ सय ९९ रनको सानदार शतकीय साझेदारी गरेका थिए । मिलर ६१ बलमा ६ चौका र ४ छक्कासहित ९१ रनमा आउट भए ।

दक्षिण अफ्रिका ओपनर क्विन्टन डि कक ८, टेम्बा बभुमा ६ र रास्सी भान डर डुसेन २८ रनमा आउट भए । हेनरिक क्लासेन २१ बलमा ४ चौकासहित २८ रनमा आउट भए । नेदरल्यान्ड्सका फर्द क्लासेन, भिभियन किंग्मा र पल भान माक्रेनले समान दुई विकेट लिए ।

दक्षिण अफ्रिका सुपर लिगमा २१ खेलमा ९ मा जित र १० मा हारसहित ९८ अंकका साथ आठौं स्थानमा छ । आयरल्यान्ड २१ खेलमा ६ मा जित र १३ मा हारसहित ६८ अंकका साथ ११ औं स्थानमा छ । आगमी महिना आयरल्यान्डले घरेलु मैदानमा बंगलादेशसँग सुपर लिगको तीन खेल खेल्नेछ ।

उक्त तीनै खेलमा आयरल्यान्ड विजयी भएमा ९८ अंक हुनेछ । हेड हु हेडमा सुपर लिगमा दुबै टोलीको १-१ अवस्था छ । आयरल्यान्ड सबै खेलमा विजयी भएमा नेटरनरेटमा निर्भर पर्नेछ । आयरल्यान्ड तीन मध्य एक खेलमा पराजित भएमा वा कुनै कारण अंक बाड्नु परेमा दक्षिण अफ्रिका भारतमा हुने विश्वकप सोझै खेल्नेछ ।

सुपर लिगबाट वेस्टइन्डिज, श्रीलंका, जिम्बावे र नेदरल्यान्ड्सले छनोट खेल्नुपर्ने पक्का भएको छ । आइसिसीको नियम सुपर लिगका आयोजक भारतसहित शीर्ष आठ टोलीले मात्रै विश्वकपमा सोझै स्थान बनाउछन् । भारत, पाकिस्तान, बंगलादेश, अष्ट्रेलिया, न्युजिल्यान्ड, अफगानिस्तान र इंग्ल्यान्ड गरि ७ टोली सोझै विश्वकपमा पुगि सकेका छन् ।

आगमी जुन जुलाईमा जिम्बावेमा हुने विश्वकप छनोटमा १० टोलीको सहभागीता रहनेछ । सुपर लिगका पुछारका पाँच टोली, लिग २ का शीर्ष तीन टोली र क्वालिफायर प्लेअफका शीर्ष दुई गरि कुल १० टोली हुनेछन् ।

विश्वकप छनोटमा १० टोलीलाई दुई समूहमा विभाजन गरिनेछ । शीर्ष तीन तीन टोलीले सुपर सिक्समा स्थान बनाउनेछन् । सुपर सिक्समा एक अर्कासँग सबै टोलीले खेलेपछि शीर्ष दुई टोलीले भारतमा हुने विश्वकपमा स्थान बनाउनेछन् । नेपालले पनि सुपर लिग २ मा शीर्ष तीनमा रहँदै विश्वकप छनोटमा स्थान बनाई सकेको छ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.