default_image

1 year ago

April 5, 2023

बलियो नेपाल कप : कर्णाली र पोखराको विजयी सुरुवात

205 views

0 Bookmark

काठमाडौं (हाम्रो खेलकुद) – तेस्रो संस्करणको बलियो नेपाल कपमा कर्णाली र पोखरा क्रिकेट एकेडेमीले विजयी सुरुवात गरेका छन् । पोखरा क्रिकेट मैदानमा भएको पहिलो खेलमा कर्णाली क्रिकेट एकेडेमीले पल्सर एक्सिलेन्स सेन्टर (सिईसी) लाई १० रनले पराजित गर्यो ।

टस हारेर पहिला ब्याटिङको निम्तो पाएको कर्णालीले निर्धारित २० ओभरमा ४ विकेट गुमाउँदै १ सय ३४ रन बनाएको थियो । कर्णालीका विराटसिंह भण्डारीले ५२ बलमा ४ चौका र ४ छक्कासहित सर्वाधिक ५९ रनको योगदान दिए । खेमराज खड्काले ४९ बलमा ६ चौकासहित ४९, मनिष थापा ९ र रोशन सिंह ७ रनमा आउट भए । सिइसीका दयानन्द मण्डलले ४ ओभरमा २९ रन खर्चेर सर्वाधिक ४ विकेट लिए ।

जितको लागि १ सय ३५ रनको विजयी लक्ष्य पछ्याएको सिइसी १९.५ ओभरमा १ सय २४ रनमा अल आउट भयो । सन्दीप विष्टले ४४ बलमा ३ चौकासहित सर्वाधिक ३७ रन बनाए । ओपनर प्रशान्त पण्डित १, रोशन साउद १६,संगम विष्ट १, विशाल रायमाझी ९ र कैलाश भट्टाई ८ रनमा आउट भए । विपिन न्यौपाने २० बलमा ३ चौकासहित २०, मनोज यादव ८ र करण घर्तीमगर ६ रनमा अविजित रहे ।

कर्णालीका लक्की बम र विराटले समान दुई विकेट लिए । त्यस्तै विराट क्षेत्री, विपिन प्रसाद शर्मा, आदित्य विक्रम शाह र दीप पौडेलले समान एक विकेट लिए । कर्णालीले बिहीबार लमही क्रिकेट एकेडेमीसँग खेल्नेछ । सिईसीले शुक्रबार लमहीसँग खेल्नेछ ।

अर्को खेलमा पोखराले जनकपुर क्रिकेट एकेडेमीलाई ६ विकेटले हरायो । जितको लागि १ सय २ रनको सामान्य विजय लक्ष्य पछ्याएको पोखराले १७ ओभरमा ४ विकेट गुमाउँदै पूरा गर्यो । पोखराका लागि युवा खेलाडी सिब्रिन श्रेष्ठले २१ बलमा २ चौका र २ छक्कासहित २७ रनमा अविजित रहे । सोहेल कुँवर २७ बलमा ३ चौका र १ छक्कासहित २७, विज्ञान पाण्डे १०, ईशान श्रेष्ठ ३, सफल श्रेष्ठ १९ र रोहित चन्दले ६ रन बनाए ।

जनकपुरको लागि अखिल श्रवणले ४ ओभरमा १६ रन खर्चेर २ विकेट लिए । राजेश कुमार दास र रोशन यादवले एक एक विकेट लिए । त्यसअघि टस जितेर पहिला ब्याटिङ रोजेको जनकपुरले निर्धारित २० ओभरमा १ सय १ रनमा अल आउट भएको थियो । जनकपुरका लागि रोशन कुमार यादवले २४ बलमा २ चौका र १ छक्कासहित सर्वाधिक २५ रन बनाए । साजन यादवले १२ रन बनाउँदा अन्य कुनैपनि ब्याटरले दोहोरो अंकमा रन बनाउन सकेनन् ।

पोखराका प्रदीप अर्यालले ४ ओभरमा १२ रन खर्चेर ३ विकेट लिए । नितिश गिरी, सिब्रिन श्रेष्ठ र समिर भुषालले समान दुई विकेट लिए । नितिन छत्यालले एक विकेट लिए । पोखराले बिहीबार स्टार क्रिकेट एकेडेमीसँग खेल्नेछ । जनकपुरले शुक्रबार स्टारसँग खेल्नेछ ।

प्रतियोगितामा इलाम, कर्णाली, स्टार, जनकपुर, पोखरा क्रिकेट एकेडेमी, पल्सर क्रिकेट एक्सीलेन्स सेन्टर छन् । लिग कम नकआउटको आधारमा टि–२० फर्मयाटमा प्रतियोगिताका खेलहरु सञ्चालन हुनेछन् । प्रतियोगिताको विजेताले ५० हजार रुपैयाँ र उपविजेताले २५ हजार हजार रुपैयाँ प्राप्त गर्नेछन ।

इमर्जिङ प्लेयरले ५ हजार रुपैयाँ, उत्कृष्ट बलर र ब्याटरले समान ७ हजार तथा प्लेयर अफ दि सिरीजले १० हजार रुपैयाँ पुरस्कार प्राप्त गर्नेछन् । हरेक खेलमा म्यान अफ दि म्याचले २५ सय रुपैयाँ पाउनेछन् ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.