default_image

1 year ago

April 8, 2023

अली खानलाई आइसिसीको प्रतिबन्ध

296 views

0 Bookmark

एजेन्सी – अमेरिकी तीव्र गतिका बलर अली खानलाई अन्तर्राष्ट्रिय क्रिकेट परिषद् (आइसिसी) ले दुई खेलमा प्रतिबन्ध लगाएको छ । आइसिसी विश्वकप क्वालिफायर प्लेअफमा यसै साता जर्सीविरुद्ध ७ विकेट लिएका अली खानको खेल भावना विपरित कार्य गरेपछि उनलाई आगमी दुई खेलमा प्रतिबन्ध लाग्ने भएको हो ।

जर्सीका खेलाडीसँग झगडा गरेपछि म्याच रेफ्रीले उनलाई स्पष्टीकरणको लागि बुधबार बोलाएका थिए । खेलमा अनुशासन उलंघनको कारण अली खानले कारबाही स्वरुप एक डिमेरिट प्वाइन्ट पाएका छन् । आइसिसीको नियम अनुसार कुनैपनि खेलाडीसँग २४ महिना भित्रमा ४ डिमिरेट प्वाइन्ट भएमा एक टेस्ट खेल अथवा दुई ओडिआई वा दुई टि२० आई खेलमा प्रतिबन्ध लाग्ने गर्दछ।

त्यसै अनुसार अली खानलाई आगमी दुई खेलमा प्रतिबन्ध लाग्नेछ । अली खानसँग यसअघिनै तीन डिमिरेट प्वाइन्ट थिए । यस डिमेरिटसँगै २४ महिना भित्रैमा उनले चार डिमेरिट अंक पुर्याएका छन् । जसको कारण उनले दुई टि२० आई वा दुई ओडिआई खेल खेल्न पाउने छैनन् । अमेरिका र जर्सीसँगको खेलमा तीन खेलाडी कारबाहीमा परेका छन् । अली खान, जशदीप सिंह र इलोटन मिल्स कारबाहीमा परेका हुन् ।

उनले आइसिसीको २.५ धारा अनुसार विपक्षी खेलाडीलाई गाली र इशाराहरु गरेको कारण कारबाही गरेको हो । उनी अमेरिकाबाट डेमिरिट प्वाइन्टको कारण प्रतिबन्धमा पर्ने पहिलो खेलाडी हुन् । उनलाई म्याच फि को १५ प्रतिशत पनि जरिवना लागेको छ । उनका साथ जशदीप सिंहलाई ३० प्रतिशत जरिवना र २ डेमेरिट प्वाइन्ट मिलेको छ । जर्सीका मिल्सलाई १५ प्रतिशत म्याच फि जरिवना र एक डिमेरिट प्वाइन्ट मिलेको छ ।

गतवर्ष आइसिसी विश्वकप लिग २ मा नेपाली खेलाडीविरुद्ध पनि अभद्र व्यहबार गरेका थिए । सामाजिक सञ्जालमा नेपाली समर्थक संसारकै खराब बताएका थिए । त्यसपछि उनको चौतर्फी आलोचना भएको थियो । फिल्डिङका क्रममा नेपाली समर्थकलाई उत्तेजित पार्ने हर्कत गरेका अली खानले दोस्रो खेल जितेपछि नेपाली समर्थककै अगाडी भाङ्ग्रा नाच देखाएका थिए । उनको अनुशासनलाई लिएर आलोचना हुँदै आएको छ ।

डिमिरेट प्वाइन्ट खेलाडीको अनुशानको किसिम हेरि म्याच रेफ्रीले दिने गर्दछन् । २०१६ यता नेपालका सन्दीप लामिछाने र आरिफ शेखको नाममा ६ डिमिरेट प्वाइन्ट छ ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.