2 years ago
April 7, 2023
एजेन्सी – सनराइजर्स हैदराबादले इन्डियन प्रिमियर लिग (आइपिएल) २०२३ को १० औं लखनऊ सुपर जायन्ट्सलाई १ सय २२ रनको सामान्य लक्ष्य दिएको छ । लखनऊमा भएको टस जितेर पहिला ब्याटिङ रोजेको हैदराबादले निर्धारित २० ओभरमा ८ विकेट गुमाउँदै १ सय २१ रन बनायो ।
हैदराबादका राहुल त्रिपाठीले ४१ बलमा ४ चौकासहित सर्वाधिक ३५ रन बनाए । ओपनर अनोमलप्रित सिंह २६ बलमा ३ चौका र १ छक्कासहित ३१ रनमा आउट भए । अब्दुल सामद १० बलमा १ चौका र २ छक्कासहित २१ रनमा अविजित रहे । अन्य कुनैपनि ब्याटरले राम्रो प्रदर्शन गर्न सकेनन् ।
ओपनर मयंक अग्रवाल र सिंहले पहिलो विकेटका लागि २.५ ओभरमा २१ रनको साझेदारी गरेका थिए । क्रुनाल पान्ड्याले ओपनर मयंक अग्रवाललाई ८ रनमा क्याच आउट गराए । क्रुनालले अनोमल सिंहलाई एलबीडब्लू आउट गरे । कप्तान एडेन माक्ररम उनकै बलमा बोल्ड हुँदै गोल्डेन डक पेभेलिएन फर्केपछि समस्यामा परेको थियो ।
अक्सनमा १३ करोड २५ लाख भारुमा किनेका ह्यारी ब्रुक दोस्रो खेलमा पनि चल्न सकेनन् । ह्यारी ब्रुक स्पिनर रवि विश्रोईको बलमा निकोलस पुरनबाट तीन रमा स्टम्पिङ आउट भए ।
वासिन्टन सुन्दर २८ बलमा १६, आदिल राशिद ४ र उमरान मलिक शून्यमा आउट भए । लखनऊका क्रुनाल पान्ड्याले ४ ओभरमा १८ रन खर्चेर ३ विकेट लिएका थिए ।
अमित मिश्राले ४ ओभरमा २३ रन खर्चेर २ विकेट लिए । यश ठाकुर र रवि विश्रोईले एक एक विकेट लिए । पहिलो खेलमा पनि खराब ब्याटिङ गर्दै हैदराबाद राजस्थान रोयल्ससँग ७२ रनले पराजित भएको थियो ।
July 17, 2025
काठमाडौं (हाम्रो खेलकुद) – तिरहुत टाइगर्सले लगातार दोश्रो पटक सप्तरी प्राइड लिगको उपाधि जितेको छ। बिहिबार सम्पन्न प्रतियोगिताको फाइनलमा टाइगर्सले राजविराज राजदेवी रोयल्स लाई ९ विकेटले पराजित गर्दै उपाधि आफ्नो पोल्टामा पार्न सफल भयो। सप्तरीको राजविराज स्थित पब्लिक विन्देश्वरी स्कुल मैदानमा ९३ रनको सामान्य लक्ष्य तिरहुतले १५.३ ओभरमा मात्र १ विकेट गुमाएर पूरा गर्यो। टाइगर्सका […]
July 16, 2025
एजेन्सी – जिम्बाब्वेमा जारी त्रिकोणात्मक टि ट्वान्टी आई सिरिजको दोस्रो खेलमा न्युजिल्याण्डले दक्षिण अफ्रिकामाथि जित हासिल गरेको छ । हरारे स्पोर्टस क्लबमा बुधवार न्युजिल्याण्डले दक्षिण अफ्रिकालाई २१ रनले पराजित गरेको हो । १ सय ७४ रनको लक्ष्य पछ्याएको दक्षिण अफ्रिका १८.२ ओभरमा १ सय ५२ रनमा समेटियो । दक्षिण अफ्रिकाका डिवाल्ड ब्रेभिस १८ बलमा १ […]
July 16, 2025
काठमाडौं (हाम्रो खेलकुद) – नेपाल प्रिमियर लिग (एनपीएल) को टोली सुदूरपश्चिम रोयल्सले धनगढीस्थित एसपिए कलेजसँगको सम्झौता नवीकरण गरेको छ । एसपिएका प्रबन्ध निर्देशक सुवास शाही र सुदूरपश्चिमका प्रमुख कार्यकारी अधिकृत (सिइओ) प्रकाश खड्काले बिहिवार सम्झौतामा हस्ताक्षर गरे । एसपिएले नेपालमा क्यान निलम्बनमा रहँदा फ्रेन्चाइज लिगको अवधारणामा धनगढी प्रिमियर लिग (डिपिएल) आयोजना गरेको थियो । यसबाहेक […]