default_image

1 year ago

April 9, 2023

लगातार तेस्रो जित निकाल्ने सोचमा गुजरात 

209 views

0 Bookmark

एजेन्सी – साविक विजेता गुजरात टाइटन्सले इन्डियन प्रिमियर लिग (आइपिएल) २०२३ को १३ औैं खेलमा आज कोलकाता नाइट राइडर्ससँग खेल्दैछ । खेल नेपाली समय अनुसार दिउँसो ३ ः ४५ मा अहमदाबादमा सुरुहुनेछ ।

हार्दिक पान्ड्याको कप्तानीमा रहेको घरेलु टोली गुजरात लगातार तेस्रो जितका साथ शीर्ष स्थानमा उक्लिन चाहन्छ । तर कोलकाताका स्पिन आक्रामण सामु सहज हुनेछैन । उता कोलकाता लगातार दोस्रो जित हात पार्ने दाउमा हुनेछ ।

गुजरातले पहिलो खेलमा चेन्नई सुपर किंग्सलाई ५ विकेट र दोस्रो खेलमा दिल्ली क्यापिटल्सलाई ६ विकेटले पराजित गरेको थियो । उता कोलकाता पहिलो खेलमा पन्जाबसँग ७ रनले पराजित भएको थियो । दोस्रो खेलका कोलकाताले रोयल च्यालेन्जर्स बेंगलोरलाई ८१ रनले हराएको थियो ।

बेंगलोरलाई हराउन शार्दुल ठाकुरले ६८ र रिंकु सिंहले ४६ रनको महत्वपूर्ण योगदान दिएका थिए । ओपनर रहमानउल्लाह गुरबाजले ५७ रन जोडेका थिए । आज टिम साउथीको स्थानमा जेसन रोेय खेल्ने सम्भावना छ । कोलकाताले गुरबाज र जेसन रोयलाई ओपनिङ गराउँदै मजबुत सुरुवात चाहन्छ ।

मन्दीपसिंहको स्थानमा एक तीव्र गतिका बलर खेलाउने सम्भावना छ। जसमा तीव्र गतिका बलर वैभव आरोराको सम्भावना छ । बेंगलोरलाई हराउन तीन स्पिनर बरुण चक्रवर्ती, सुनिल नारायण र सुयश शर्माको प्रदर्शन सानदार थियो । यी तीन बलरलाईबाट कोलकाता त्यस्तै प्रदर्शन चाहन्छ ।

गुजरातका ब्याटरलाई खेल्न सहज पनि हुने छैन । मध्यक्रममा कप्तान नितेश राणाबाट आजको खेलमा ठूलो इनिङको अपेक्षा गर्नेछ । पछिल्लो खेलमा शार्दुल र रिंकुको इनिङले कोलकाता पुरै टिमको मनोबल पनि उच्च छ । आन्द्रे रसेल प्रमुख हतियार हुन् । उनीबाट विष्फोटक ब्याटिङ चाहन्छ ।

उता दिल्लीलाई हराउन युवा ब्याटर शाई सुदर्शनले ६२ रनको इनिङ खेलेका थिए । गुजरात ओपनर ऋद्धिमान शाह र शुभमन गिलबाट राम्रो सुरुवात चाहन्छ । हार्दिक मध्यक्रममा खेल्नेछन् । गुजरातका डेविड मिलर प्रमुख ब्याटर हुन् । मिलर विपक्षी बलरको लागि किलर बन्न सक्छन् ।

राहुल टेवाटिया र राशिद खान पनि राम्रो बलिङ गर्ने गर्दछन् । गुजरातले चार तीव्र गतिका बलरलाई नै मैदान उतार्ने सम्भावना छ । अल्जारी जोशेफ, मोहम्मद शामी, यश दयाल र जोशुवा लिटिल तीव्र गतिका बलरको रुपमा टोलीमा छन् । राशिद खान प्रमुख बलर हुन् ।

गुजरातले भने टोलीमा परिवर्तन गर्ने सम्भावना निकै कम देखिन्छ । गुजरात र कोलकाताबीच एक खेल भएको छ । जसमा गुजरात भएको छ ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.