एजेन्सी – साविक विजेता गुजरात टाइटन्सले इन्डियन प्रिमियर लिग (आइपिएल) २०२३ को १३ औैं खेलमा कोलकाता नाइट राइडर्सविरुद्ध टस जितेर पहिला ब्याटिङ गर्ने निर्णय लिएको छ । नरेन्द्र मोदी स्टेडियम अहमदाबादमा गुजरातका कप्तान राशिद खानले टस जितेर पहिला ब्याटिङ गर्ने निर्णय लिएका छन् ।

नियमित कप्तान हार्दिक पान्ड्या आजको खेलमा उपलब्ध छैनन् । उनी केहि अस्वस्थ हुँदा जोखिम नखिएको राशिद खानले बताएका छन् । गुजरातले एक परिवर्तन गरेको छ । हार्दिकको स्थानमा विजय शंकरलाई मौका दिएको छ । विजय शंकरले पछिल्लो खेलमा इम्प्याक्ट प्लेयरको रुपमा खेलेका थिए ।

उता कोलकाताले दुई परिवर्तन गरेको छ । ब्याटर मन्दीप सिंहको स्थानमा नारायण जगदीशनलाई मौका दिएको छ । त्यस्तै टिम साउथीको स्थानमा लोकी फर्गुसनलाई मैदान उतारेको छ । टोलीमा अन्य परिवर्तन छैन ।

गुजरातले पहिलो खेलमा चेन्नई सुपर किंग्सलाई ५ विकेट र दोस्रो खेलमा दिल्ली क्यापिटल्सलाई ६ विकेटले पराजित गरेको थियो । उता कोलकाता पहिलो खेलमा पन्जाबसँग ७ रनले पराजित भएको थियो । दोस्रो खेलका कोलकाताले रोयल च्यालेन्जर्स बेंगलोरलाई ८१ रनले हराएको थियो ।

कोलकाताको प्लेइङ ११ :

रहमानउल्लाह गुरबाज(विकेटकिपर, नारायण जगदीशन, नितिश राणा(कप्तान), रिंकु सिंह, आन्द्रे रसेल, सुनिल नारायण, शार्दुल ठाकुर, सुयश शर्मा, लोकी फर्गुसन, उमेश यादव र बरुण चक्रवर्ती ।

गुजरातको प्लेइङ ११ :

ऋद्धिमान शाह(विकेटकिपर), शुभमन गिल, साई सुदर्शन, विजय शंकर, डेविड मिलर, राहुल टेवाटिया, अभिनव मनोहर, राशिद खान(कप्तान), मोहम्मद शामी, अल्जारी जोशेफ र यश दयाल ।