एजेन्सी – पर्चुगलले उत्कष्ट ब्याटिङ गर्दै पहिलो टि२० आई खेलमा जिब्राल्टारमाथि १ सय २४ रनको कीर्तिमानी जित हात पारेको छ । योसँगै पर्चुगलले तीन खेलको सिरिजमा १–० को अग्रता लिएको छ ।

जितको लागि २ सय ९ रनको विशाल लक्ष्य पछ्याएको जिब्राल्टार १५.३ ओभरमा ८४ रनमा अल आउट भयो । पर्चुगलको यो टि२० आईमा सर्वाधिक ठूलो जित हो । यसअघि पर्चुगलको सर्वाधिक ठूलो जित जिब्राल्टारविरुद्धनै २०२१ मा १ सय १० रन थियो । पर्चुगलको यो तेस्रो ठूलो योगफल हो । यसअघि जिब्राल्टारविरुद्ध २०२१ मा २ सय १८ र २ सय १७ रन बनाएको थियो ।

जिब्राल्टारका लुईस ब्रुसले ३३ बलमा २ चौकासहित ३३, कप्तान अवनीश पाई र जेम्श फिट्जगेराल्डले समान १२ रन बनाए । अन्य कुनैपनि खेलाडीले राम्रो गर्न सकेनन् ।

पर्चुगलका सिराजउल्लाह खादिमले ४ ओभरमा १ मेडनसहित १३ रन खर्चेर ३ विकेट लिए । सैद मैसम अली र फ्रेकोइस स्टोमनले समान दुई विकेट लिए ।

त्यसअघि घरेलु टोली पोर्चुगलले सन्तारेम क्रिकेट मैदानमा टस जितेर पहिला ब्याटिङ गर्दै निर्धारित २० ओभरमा ६ विकेटको क्षतिमा २ सय ८ रन बनाएको थियो । पोर्चुगलका ओपनर कुलदीपले ३४ बलमा ९ चौका र ३ छक्कासहित सर्वाधिक ६७ रन बनाए ।

कप्तान शमर्न गोम्स २४ र अमनदीप सिंह २० रनमा आउट भए । मध्यक्रमका ब्याटर मिगुएल मचाडोले २९ बलमा ३ चौका र ३ छक्कासहित ५२ रनमा अविजित रहे ।

जिब्राल्टार ज्याक होरोक्स र इयान ल्याटिनले समान दुई विकेट लिए । दोस्रो र तेस्रो खेल आज नै हुदैछन् । दोस्रो खेल दिउँसो २ : ४५ र तेस्रो खेल साँझ ७ : ४५ मा हुनेछ । त्यसपछि माल्टा, जिब्राल्टार र पोर्चुगलबीच त्रिकोणात्मक टि२० आई सिरिज हुँदैछ ।