default_image

1 year ago

April 12, 2023

रुविनालाई ‘प्लेयर अफ द म्याच अवार्ड’

233 views

0 Bookmark

एजेन्सी – नेपाली महिला क्रिकेट टोलीकी कप्तान रुविना क्षेत्री बेलबासेले बर्मी आर्मीबाट फेयर ब्रेक टि२० प्रतियोगितामा शफायर्स वुमन्सविरुद्ध सानदार प्रदर्शन गरेपछि प्लेयर अफ द म्याच अवार्ड पाएकी छिन् । घातक बलिङ गर्दै पाँच विकेट लिनुको साथै उत्कृष्ट ब्याटिङका साथ रुविनाले प्लेयर अफ द म्याच अवार्ड जितेकी हुन् ।

रुविनाका सानदार अलराउन्ड प्रदर्शनको सहयोगमा बर्मी आर्मी ६१ रनले विजयी हुँदै सेमिफाइनलमा स्थान पक्का गर्यो । जितको लागि १ सय ६९ रनको बलियो लक्ष्य पछ्याएका शफायर्स १५.५ ओभरमा १ सय ७ रनमा अल आउट भएको थियो ।

स्पिनर रुविनाले ४ ओभरमा १ मेडनसहित ११ रन खर्चेर ५ विकेट लिइन् । रुविना फेयर ब्रेकमा पाँच विकेट लिने पहिलो एसोसिएट बलर बन्ने इतिहास रचिन् । समग्रमा एकै खेलमा फेयर ब्रेकमा पाँच विकेट लिने उनी चौथो खेलाडी हुन् । यस प्रतियोगितामा पाँच विकेट लिने उनी पहिलो बलर समेत हुन् ।

रुविनाले लगातार दोस्रो पटक इनिङको बलिङ सुरुवात गरेकी थिइन् । पहिलो ओभरमा रुविनाले ६ रन खर्चेकी थिइन् । बाबेट डि लिडेले दोस्रो बलमा दुई र चौथो बलमा चौका हानेकी थिइन् । अन्य चार बल रुविनाले डट राखेकी थिइन् । पाँचौं ओभरमा रुविनाले मात्रै दुई रन खर्चेर दुई विकेट लिएकी थिइन् ।

पहिलो बलमै इरिन बर्न्सलाई विकेटकिपर विनफिल्ड हिलबाट २१ रनमा क्याच आउट गराएकी थिइन् । उनले १७ बलमा ४ चौका प्रहार गरे । मरिमय उमरले दोस्रो बलमा दुई रन बटुलिन् । त्यसपछि दुई बल डट राखिन् । पाँचौं बलमा उनलाई क्याच आउट गरेकी थिइन् ।

११ औं ओभरमा रुविनाले डबल विकेटमेडन राखेकी थिइन् । लिडेलाई २३ रनमा स्टम्पिङ आउट गरिन् । त्यसपछि लगातार चार बल डट खाएकी करी चान अन्तिम बलमा बाल्ड आउट भइन् । १५ औं ओभरको चौथो बलमा पाकिस्तानकी स्टार खेलाडी साना मीर ९ रनमा क्याच आउट गराउँदै पाँच विकेट पूरा गरेकी थिइन् ।

रुविनाको घातक बलिङ सामु शफायर्सका ८ खेलाडीले दोहोरो अंकमा रन बनाउन सकेनन् । त्यसअघि टस हारेर पहिला ब्याटिङका निम्तो पाएको बर्मी आर्मीले निर्धारित २० ओभरमा ८ विकेट गुमाउँदै १ सय ६८ रन बनाएको थियो । रुविना २५ बलमा १ चौका र २ छक्कासहित ३२ रनमा अविजित रहिन् ।

उनको स्ट्राइक रेट १ सय २८ थियो । यस खेलमा बर्मीको सर्वाधक रन बनाउने दोस्रो ब्याटर हुन् । ओपनर लौरा वोल्भार्डटले ३९ बलमा ९ चौकासहित ४९ रनमा आउट भइन् । शेमेन क्याम्पबेलले १७ बलमा ५ चौकासहित ३० रनमा आउट भइन् ।

५ खेलमा ४ मा जित र १ मा हारसहित १३.५ अंकका साथ दोस्रो स्थानमा रहँदै सेमिफाइनलमा स्थान पक्का गराएको छ । वारियस वुमन्स ५ खेलमा ३ मा जित र १ मा हारसहित १५ अंकका साथ शीर्ष स्थानमा रहँदै सेमिफाइनल यात्रा पक्का गरेको छ ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.