default_image

1 year ago

April 12, 2023

चेन्नईमाथि रोमान्चक जितसँगै राजस्थान शीर्षस्थानमा

95 views

0 Bookmark

एजेन्सी – राजस्थान रोयल्सले इन्डियन प्रिमियर लिग (आइपिएल) २०२३ मा चेन्नई सुपर किंग्समाथि तीन रनको रोमान्चक जित हात पारेको छ । रोमान्चक जितका साथ ६ अंक बटुल्दै राजस्थान अंक तालिकामा शीर्ष स्थानमा उक्लिएको छ।

जितको लागि १ सय ७६ रनको विजयी लक्ष्य पछ्याएको चेन्नईले निर्धारित २० ओभरमा ६ विकेट गुमाउँदै १ सय ७२ रन बनायो । चेन्नईलाई जितको लागि अन्तिम १२ बलमा ४० रन चाहिँएको थियो । रविन्द्र जडेजाले १९ औं ओभरमा तीव्र गतिका बलर जेसन होल्डरलाई तेस्रो बलमा चौका, चौथो र अन्तिम बलमा छक्का प्रहार गर्दै कुल १९ रन जोडेका थिए ।

अन्तिम ६ बलमा चेन्नईलाई जितको लागि २१ रन चाहिँएको थियो । पहिलो बल सन्दीप शर्माले धोनीलाई वाइड फ्याँलेका थिए । लगत्तै अर्को बल वाइड फ्याँले । दोस्रो बलमा धोनीले छक्का हाने । त्यसपछि ४ बलमा १३ रन चाहिँएको थियो ।

तेस्रो बलमा पनि छक्का हानेपछि चेन्नई जिततर्फ अघि बढेको थियो । तीन बलमा ७ रन चाहिँएको थियो । त्यसपछि बाँकी दुई बलमा एक एक रन दिए । अन्तिम बलमा धोनीलाई योर्कर फ्याँलेपछि एक रन मात्रै दिँदै रोमान्चक जित दिलाए । अन्तिम दुई बल सन्दीपले योर्कर फ्याँलेका थिए ।

धोनी १७ बलमा १ चौका र ३ छक्कासहित ३२ रनमा अविजित रहे । रविन्द्र जडेजा १५ बलमा १ चौका र २ छक्कासहित २५ रनमा अविजित रहे । सातौं विकेटका लागि ५ ओभरमा ५९ रनको अविजित साझेदारी गरेपनि टोलीको हार टार्न सकेनन् ।

यसअघि तीन खेलमा उच्च प्रदर्शन गरेका युवा खेलाडी ऋतुराज गायकवाड राजस्थानविरुद्ध ८ रनमै आउट भए । तीव्र गतिका बलर सन्दीप शर्माको बलमा गायकवाड यशस्वी जैसवालबाट क्याच आउट भएका थिए ।

मुम्बई इन्डियन्सविरुद्ध १९ बलमै अर्धशतक हानेका अजिक्या रहणे राम्रो प्रदर्शन गर्दै आउट भए । रहाणे १९ बलमा २ चौका र १ छक्कासहित ३१ रनमा आउट भए । मध्यक्रमका शिवम दुबे ८, मोईन अली ७ र अम्बाती रायुडू ७ रनमा आउट भए ।

राजस्थान रोयल्सका युजभेन्द्र चहलले ४ ओभरमा २७ रन खर्चेर २ विकेट लिए । रविचन्द्रन आश्विनले ४ ओभरमा २५ रन खर्चेर २ विकेट लिए । एडम जाम्पाले ४ ओभरमा ४३ रन खर्चेर १ विकेट लिए । सन्दीप शर्माले ३ ओभरमा ३० रन खर्चेर १ विकेट लिए ।

त्यसअघि चेन्नईको घरेलु मैदान एमए चिदाम्बरम स्टेडियम चेपौकमा टस हारेर पहिला ब्याटिङको निम्तो पाएको राजस्थानले निर्धारित २० ओभरमा ८ विकेट गुमाउँदै १ सय ७५ रन बनाएको थियो । राजस्थानका ओपनर जस बटलरले ३६ बलमा १ चौका र ३ छक्कासहित सर्वाधिक ५२ रनको योगदान दिए । स्पिनर मोईन अलीको बलमा बटलर बोल्ड आउट भएका थिए ।

युवा ओपनर यशस्वी जैसवाल ८ बलमा २ चौकासहित १० रनमा आउट भए । दोस्रो विकेटका लागी देवदत्त पाडिक्कल र जस बटलरले ७७ रनको साझेदारी गरेका थिए । पाडिक्कल २६ बलमा ५ चौकासहित ३८ रनमा आउट भए । उनी स्पिनर रविन्द्र जडेजाको बलमा डेभन कन्वेबाट क्याच आउट भएका थिए ।

कप्तान सञ्जु स्यामसन जडेजाको बलमा बोल्ड हुँदै डक आउट भए । रविचन्द्रन आश्विन २२ बलमा १ चौका र २ छक्कासहित ३० रनमा आउट भए । शिम्रन हेटमायर १८ बलमा २ चौका र २ छक्कासहित ३० रनमा अविजित रहे ।

चेन्नईका रविन्द्र जडेजाले ४ ओभरमा २१ रन खर्चेर २ विकेट लिए । तुषार देशपान्डेले ४ ओभरमा ३७ रन खर्चेर २ विकेट लिए । आकाश सिंहले ४ ओभरमा ४० रन खर्चेर २ विकेट लिए । मोईन अलीले २ ओभरमा २१ रन खर्चेर १ विकेट लिए ।

चेन्नई पहिलो खेलमा गुजरात जायन्ट्ससँग ५ विकेटले पराजित भएको थियो । त्यसपछि लखनऊ सुपर जायन्ट्सलाई १२ रन र मुम्बई इन्डियन्सलाई ७ विकेटले हराएको थियो । चेन्नईले अव सोमबार बेंगलोरसँग चिन्नास्वामीमा खेल्नेछ ।

उता राजस्थान पहिलो खेलमा सनराइजर्स हैदराबादलाई ७२ रनले हराएको थियो । दोस्रो खेलमा पन्जाब किंग्ससँग ५ रनले पराजित हुँदा दिल्लीलाई ५७ रनले हराएको थियो । राजस्थानले अव आइतबार गुजरात जायन्ट्ससँग नरेन्द्र मोदी स्टेडियम अहमदाबादमा खेल्नेछ ।

राजस्थान ४ खेलमा ३ मा जित र १ मा हारसहित ६ अंकका साथ नेटरनरेटमा माथि रहँदै शीर्ष स्थानमा छ । लखनऊ सुपर जायन्ट्स ४ खेलमा ३ मा जित र १ मा हारसहित ६ अंकका साथ दोस्रो स्थानमा छ ।

कोलकाता र गुजरातको समान ३ खेलमा २ मा जित र १ मा हारसहित ४–४ अंक भएपनि तेस्रो र चौथो स्थानमा छन् । चेन्नई भने ४ खेलमा २ मा जित र २ मा हारसहित ४ अंकका साथ पाँचौं स्थानमा छ । दिल्ली ४ खेलमा जित विहीन हुँदै पुछारमा छ । जित विहीन हुने दिल्ली एकमात्रै टोली हो ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.