1 year ago
April 17, 2023
एजेन्सी – इन्डियन प्रियिमर लिग (आइपिएल) २०२३ को २४ औं खेलमा आज रोयल च्यालेन्जर्स बेंगलोर र चेन्नई सुपर किंग्सबीच प्रतिस्पर्धा हुँदैछ । खेल नेपाली समय अनुसार साँझ ७: ४५ मा बेंगलोरको घरेलु मैदान चिन्नास्वामीमा हुनेछ।
चेन्नईको कप्तानी महेन्द्रसिंह धोनी र बेंगलोरको फाफ डु प्लेसिसले गर्नेछन् । चेन्नई ४ खेलमा २ मा जित र २ मा हारसहित ४ अंकका साथ छैटौं स्थानमा छ । बेंगलोर ४ खेलमा २ मा जित र २ मा हारसहित ४ अंक भएपनि नेटरनरेटको कारण सातौं स्थानमा छ । चेन्नई पहिलो खेलमा गुजरात टाइटन्ससँग विकेट विकेटले पराजित भएको थियो ।
त्यसपछि चेन्नईले लखनऊलाई १२ रन र मुम्बईलाई ७ विकेटले हराएको थियो । अन्तिम खेल राजस्थान रोयल्ससँग तीन रनले पराजित भएको थियो । बेंगलोरले पहिलो खेलमा मुम्बईलाई ८ विकेटले हराएको थियो । त्यसपछि कोलकातासँग ८१ रन र लखनऊसँग एक विकेटले पराजित भएको थियो । दिल्लीलाई २३ रनले हराएको थियो ।
चेन्नईका ओपनर ऋतुराज गायकवाड र बेंगलोरका विराट कोहली राम्रो लयमा छन् । ऋतुराजले ४ खेलमा २ मा अर्धशतकसहित १ सय ९७ रन बनाएका छन् । विराट कोहलीले ४ खेलमा ३ मा अर्धशतकका साथ २ सय १४ रन बनाएका छन् । विराट बेंगलोरका प्रमुख ब्याटर हुन् । उनको प्रदर्शन निकै महत्वपूर्ण हुनेछ । युवा खेलाडी ऋतुराज पनि चेन्नईका प्रमुख ब्याटर हुन् ।
बेंगलोरका विराटसँगै ग्लेन म्याक्सवेल र फाफ डु प्लेसिसले उत्कृष्ट ब्याटिङ गरेका छन् । बेंगलोर यी तीन खेलाडीमा बढी निर्भरछ । बेंगलोरको मध्यक्रम र तल्लोक्रम कमजोरीको रुपमा छ । दीनेश कार्तिकबाट बेंगलोर राम्रो अन्त्य चाहन्छ । बेंगलोरले टोलीमा परिवर्तन गर्ने सम्भावना कम छ ।
मोहम्मद शिराज, वायन पार्नेल र विजयकुमार वैश्यक तीव्र गतिका बलिङ हतियार हुन् । स्पिनरमा वानिन्दु हसरंगा र शहबाज अहमद छन् । उता चेन्नईका अजिक्या रहाणे पनि राम्रो लयमा छन् । अजिक्या रहाणे, ऋतुराज र डेभन कन्वे प्रमुख ब्याटर हुन् । यी तीन ब्याटरबाट चेन्नई राम्रो सुरुवात चाहन्छ ।
मध्यक्रममा मोईन अली, शिवम दुबे र अम्बाती रायुडू हुनेछन् । कप्तान महेन्द्रसिंह धोनी राम्रो लयमा छन् । पछिल्लो खेलमा धोनीले राजस्थानविरुद्ध १७ बलमा १ चौका र ३ छक्कासहित ३२ रनमा अविजित रहेपनि झिनो हार टार्न सकेका थिएनन् । फिनिसर धोनी फेरि घातक बन्न सक्छन् ।
चेन्नईको बलिङ आक्रामण भने केहि कमजोरीको रुपमा छ । चेन्नईले आज सिसान्डा मगलाको स्थानमा मथिसा पाथिराना वा ड्वेन प्रिटोरियसलाई मौका दिनसक्छ । महेश थिक्सेना र रविन्द्र जडेजा प्रमुख स्पिनर हुन् ।
हेड टु हेड :
आइपिएलमा चेन्नई र बेंगलोरबीच कुल ३० खेल भएका छन् । चेन्नई १९ र बेंगलोर १० खेलमा विजयी भएका छन् । पछिल्ला पाँच खेलमा चेन्नई चार खेलमा विजयी भएको छ ।
बेंगलोरविरुद्ध चेन्नईको उच्च योगफल २ सय १६ र सबैभन्दा कम ८२ रन छ । चेन्नईविरुद्ध बेंगलोरको उच्च योगफल २ सय ५ र कम योगफल ७२ रन छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]