1 year ago
April 20, 2023
काठमाडौं (हाम्रो खेलकुद) – नेपालले एसिसी प्रिमियर कपमा शुक्रबार टियु क्रिकेट मैदानमा ओमानसँग खेल्दैछ । खेल टियु मैदानमा बिहान ९ बजे सुरु हुनेछ । नेपाल र ओमान दुवै ओडिआई मान्यता प्राप्त टोली हुन् । आइसिसीको नियम अनुसार यस खेलले ओडिआई मान्यता पाउनु पर्ने हो ।
तर खेल सुरु हुन अघिल्लो दिन सम्म ओडिआई खेल हो वा होईन अनिश्चित बनेको छ । नेपाल क्रिकेट संघ (क्यान) ले अन्तर्राष्ट्रिय क्रिकेट परिषद् (आइसिसी) लाई ओडिआई मान्यता दिन पत्र पठाइसकेको छ । तर ओडिआईका लागि स्वीकृति नआउँदा खेलको मान्यता अन्यौलमा परेको छ । यसपटक प्रतियोगिताका खेल ५०- अोभर खेल मात्र भनिएको छ । सामान्यतया आइसिसीको प्रतियोगिता लिस्ट ए मान्यता प्राप्त हुने गर्दथे । तर अन्य खेल लिस्ट ए नभएजस्तै क्यानले पनि आइसिसीबाट स्वीकृति नआउँदासम्म अोमानसँगको खेल ओडिआई मान्यता भन्न नमिल्ने जनाएको छ ।
‘हामी आइसिसीको इमेलको पखाईमा छौं । तर हालसम्म (बिहीबार साँझसम्म) आएको छैन । त्यसैले हामीले कसरी ओडिआई खेल भन्नु । उनीहरुले ओडिआई मान्यता दिने सम्भावना छ । तर आइसिसीले स्वीकृति नदिएसम्म हामीले ओडिआई खेल हो भन्ने अवस्था छैन’, क्यानका कार्यवाहक सचिव दुर्गाराज पाठकले हाम्रो खेलकुदसँग भने ।
त्यसैमा उनले थपे, ‘पछि ओडिआई मान्यता पनि देला । तर तत्काल ओडिआई नै हो भन्ने अवस्था रहेन । सबै कुरा ओडिआई मान्यता अनुसार पनि छ । आइसिसीको प्रतियोगिता हुन्थ्यो भने आफैं हुन्थ्यो । यो प्रतियोगिता एसिसीको हुँदा हामीले स्वीकृति लिनुपर्छ । तर अहिले सम्म स्वीकृति आएको छैन । हामीहरुले कुरा गर्दा उनीहरु सहमत छन् । तर लिखित रुपमा नआएसम्म हामीले आफै भन्न पाएनौं । हामीले आइसिसीले भनेको सबै कागजात पठाइसकेका छौं ।’
२०१८ मा मलेसियामा भएको एसिया कप छनोटमा नेपाल र युएईबीचको खेलले ओडिआई मान्यता पाएको थियो । उक्त खेलमा नेपालका सागर पुनले ओडिआई खेलमा डेब्यू गरेका थिए । यदि ओडिआई मान्यता पाएमा नेपालको यो ५० औं ओडिआई खेल हुनेछ । नेपालले हालसम्म ७ देशसँग ४९ ओडिआई खेल खेलेको छ ।
सन् २०१८ मार्च १५ मा ओडिआई मान्यता प्राप्त गरेको नेपालले हालसम्म ४९ ओडिआई खेलेको छ । ४९ ओडिआईमा नेपालको २६ मा जित, २१ मा हार, एक मा टाई र एक खेलमा नतिजा बिहीन छ । नेपालले कुल ७ देशसँग ओडिआई खेल खेलेको छ ।
४९ मध्य नेपालले आइसिसी विश्वकप लिग–२ मा ३६ खेल खेलेको थियो । बाँकी १२ खेल सिरिजको रुपमा र एक खेल प्रतियोगितामा खेलेको थियो । नेपालले ओडिआईमा सर्वाधिक धेरै खेल युएईसँग १३ र सबैभन्दा कम नेदरल्यान्ड्ससँग २ खेल खेलेको छ ।
नेपालले युएईसँग १३, पपुवा न्युगिनीसँग १०, ओमान, नामिबिया, स्कटल्यान्ड र अमेरिकासँग समान ६ ओडिआई खेल खेलेको छ । नेदरल्यान्ड्ससँग दुई ओडिआई खेल खेलेको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]