default_image

1 year ago

April 20, 2023

ओमानविरुद्ध नेपालको सम्भावित प्लेइङ-११

174 views

0 Bookmark

काठमाडौं (हाम्रो खेलकुद) – नेपालले एसिसी प्रिमियर कपमा शुक्रबार ओमानसँग खेल्दैछ । खेल बिहान ९ बजे टियु मैदानमा सुरुहुनेछ । समूह ए मा रहेको नेपाललाई ओमानसँगको खेल निकै महत्वपूर्ण हुनेछ । नेपाल यस खेलमा विजयी भएमा समूह ए को विजेता बन्दै सेमिफाइनल खेल्ने सम्भावना उच्च बन्नेछ ।

उपाधि दाबेदार ओमान र नेपालबीचको खेल निकै प्रतिस्पर्धात्मक हुने अनुमान गरिएको छ । नेपालको उपाधि दाबेदार मध्यको एक ओमानविरुद्ध आफ्नो उत्कृष्ट प्लेइङ ११ मैदान उतार्ने अनुमान गरिएको छ । त्यसैले टोलीमा केहि परिवर्तनको सम्भावना देखिन्छ । पहिलो खेलमा नेपालले मलेसियालाई ६ विकेटले हराएको थियो ।

नेपालले पछिल्लो समय बलिङमा कमजोर प्रदर्शन गर्दै आएको छ । मलेसियाले नेपालविरुद्ध २ सय ३५ रन बनाएको थियो । आइसिसी विश्वकप लिग–२ को अन्तिम खेलमा अघिल्लो महिना युएईले नेपालविरुद्ध ३ सय १० रन बनाएको थियो । पछिल्ला दुई खेलमा नेपालले टोलीमा परिवर्तन गरेको छैन । तर ओमानविरुद्ध नेपालले टोलीमा एक परिवर्तन गर्ने उच्च सम्भावना छ ।

नेपालले ओमानविरुद्ध तीव्र गतिका बलर करण केसीलाई मौका दिने उच्च सम्भावना छ । गुलशन झाको स्थानमा करण खेल्ने सम्भावना छ । गुलशनले मलेसियाविरुद्ध ५ ओभरमा ३३ रन खर्चिएका थिए । करणको ओमानविरुद्ध इतिहासमा धेरै राम्रो बलिङ प्रदर्शन छ । करणले ओमानविरुद्ध ६ ओडिआई खेलमा २० विकेट लिएका छन् । जसमा दुई पटक पाँच पाँच विकेट लिएका छन् ।

करणले २०२० मा टियु मैदानमा ओमानविरुद्ध पहिलो खेलमा ४ विकेट लिँदा दोस्रो खेलमा विकेट विहीन बनेका थिए । २०२१ मा अल अमरेतमा ओमानविरुद्ध २ र ४ विकेट लिएका थिए । २०२२ मा अमेरिकामा ओमानविरुद्ध ५-५ विकेट लिएका थिए । त्यसैले करणले गुलशनको स्थान लिने उच्च सम्भावना छ ।

करणले तल्लोक्रममा राम्रो ब्याटिङ गर्ने गर्दछन् । गुलशनले पनि राम्रो ब्याटिङ गर्दै आएका छन् । तर गुलशनको बलिङ भने राम्रो हुन सकेको छैन । टोलीमा अन्य खेलाडी भने परिवर्तनको सम्भावना देखिदैन । ओपनरमा आसिफ शेख र कुशल भुर्तेलले निरन्तरता पाउनेछन् । नेपाल कुशलबाट आक्रामक र आसिफबाट ठूलो इनिङ चाहन्छ ।

तेस्रो नम्बरमा भीम सार्कीले खेल्नेछन् । भीमले लगातार परिपक्क प्रदर्शन गर्दै आएका छन् । उनीबाट नेपाल त्यस्तै खेल चाहन्छ । चौथो नम्बरमा रोहित पौडेल र पाँचौं नम्बरमा कुशल मल्ल हुनेछन् । कप्तान रोहित नेपालका सर्वाधिक भरपर्दा ब्याटर हुन् । महत्वपूर्ण खेलमा रोहितबाट कप्तानी इनिङ चाहन्छ । कुशल मल्ल लयमा छन् ।

मलेसियाविरुद्ध ४० बलमा ५ चौका र ५ छक्कासहित ७० रनमा अविजित रहेका थिए । कुशल विष्फोटक ब्याटिङ गर्न रुचाउँछन् । अर्कोतर्फ बायाँ हाते (देब्रे) खेलाडी हुँदा पनि रणनीतिक हिसाबमा प्रयोग गर्न सक्छ।

ओमानमा तीव्र गतिका बलर बिलाल खान, स्पिनर जिशान मकसुद र आयन खान बायाँ हाते बलर हुँदा पनि कुशलको प्रदर्शन निकै महत्वपूर्ण हुनेछ । बायाँ हाते ब्याटरलाई बायाँ हाते बलर खेल्न निकै सहज हुन्छ । कुशल स्पिन बल धेरै राम्रो खेल्दै आएका छन् ।

नेपालको ब्याटिङमा भने निकै गहिराई छ । मध्यक्रम र शीर्षक्रम चल्न नसक्दा पनि बलियो योगफल पूरा गर्नसक्छ । छैटौं र सातौं नम्बरमा नेपालका दुई प्रमुख ब्याटर दीपेन्द्रसिंह ऐरी र आरिफ शेख हुनेछन् । त्यसपछि सोमपाल कामी र करण केसी हुनेछन् । करण र सोमपाल पनि राम्रो ब्याटिङको लागि चिनिन्छन् । नेपालको नौं नम्बरसम्म ब्याटिङक्रम मजबुत छ । सन्दीप लामिछानेले पनि राम्रो ब्याटिङ गर्दै आएका छन् ।

नेपालले दुई स्पिनरमा सन्दीप लामिछाने र ललितनारायण राजवंशीलाई मैदान उतार्नेछ । ललित नयाँ बलका साथ पावर प्लेमा राम्रो गर्दै आएका छन् । सन्दीपबाट मध्यक्रममा उत्कृष्ट प्रदर्शन चाहन्छ । करण केसी र सोमपाल कामी प्रमुख तीव्र गतिका बलर हुन् । पावर प्ले र डेथ ओभरमा नेपालले उत्कृष्ट प्रदर्शन गर्नुपर्ने हुन्छ ।

डेथ ओभर र पावर प्ले बलिङ नेपालको कमजोरीको रुपमा रहँदै आएको छ । पार्ट टाइम स्पिनरमा दीपेन्द्र र कुशल मल्ल हुनेछन् । आवश्यक परेका रोहित पनि विकल्पमा हुनेछन् । तीव्र गतिको बलिङ विकल्पमा आरिफ शेख हुनेछन् ।

नेपालको सम्भावित प्लेइङ–११ :

आसिफ शेख (विकेटकिपर), कुशल भुर्तेल, भीम सार्की, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, सोमपाल कामी, करण केसी, सन्दीप लामिछाने र ललितनारायण राजवंशी ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.