1 year ago
April 21, 2023
काठमाडौं (हाम्रो खेलकुद) ( नेपालका युवा बायाँ हाते अलराउन्डर कुशल मल्ल एसिसी प्रिमियर कपमा ओमानविरुद्ध प्लेयर अफ द म्याच चुनिएका छन् । कुशल नेपालको दुबै जितमा प्लेयर अफ द म्याच चुनिएका हुन् । नेपालले ओमानलाई ८४ रनले हराउँदै लगातार दोस्रो जित हात पारेको छ ।
नेपाललाई लगातार दोस्रो जित दिलाउन युवा ब्याटर कुशल मल्लले ६४ बलमा ९ चौका र १० छक्कासहित सर्वाधिक १ सय ८ रनको सानदार शतकीय इनिङ खेलेका थिए । नेपालले दुबै ओपनरलाई शून्यमा गुमाएको थियो । भीम सार्की ३३ र रोहित पौडेल २३ रनमा आउट भएपछि नेपाल एक समय २०.३ ओभरमा ७२-४ को अवस्थामा थियो । तर त्यसपछि कुशल मल्लले विष्फोटक ब्याटिङ गर्दै नेपाललाई ३ सय १० रनको योगफलमा पुर्याएका थिए ।
यो नेपालले ओडिआईमा बनाएको हालसम्मकै उच्च योगफल हो । यसअघि नेपालले ओडिआईमा उच्च योगफल अघिल्लो महिना आइसिसी विश्वकप लिग २ मा पपुवा न्युगिनीविरुद्ध टियु मैदानमा २ सय ९७ रन थियो ।
कुशल नेपालबाट ओडिआईमा सर्वाधिक छिटो शतक हान्ने खेलाडी बनेका थिए । कुशलले कप्तान रोहित पौडेलको कीर्तिमान तोडेका हुन् । यसअघि २०२२ रोहित पौडेलले टियुमा नै पपुवा न्युगिनीविरुद्ध ९१ बलमा हानेको शतकको कीर्तिमान तोडेका हुन् ।
नेपालले पहिलो खेलमा मलेसियालाई ६ विकेटले हराएको थियो । उक्त खेलमा कुशल मल्लले ४० बलमा ५ चौका र ५ छक्कासहित ७० रनमा अविजित रहँदै प्लेयर अफ द म्याच चुनिएका थिए ।
समूह ए मा नेपाल, ओमान, कतार, मलेसिया र साउदी छन् । नेपालले पहिलो खेलमा मलेसियालाई ६ विकेटले पराजित गरेको थियो । नेपालले आफ्नो तेस्रो खेल सोमबार साउदी अरेवियासँग खेल्नेछ ।
समूह बी मा हङकङ, युएई, कुवेत, बहराइन र सिंगापुर छन् । हरेक समूहबाट शीर्ष दुई टोलीले सेमिफाइनलमा स्थान बनाउनेछन् । फाइनल हुँदै विजेता टोलीले एसिया कपमा भारत र पाकिस्तानसँग खेल्न पाउनेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]