1 year ago
April 21, 2023
काठमाडौं (हाम्रो खेलकुद) – ओपनर अंशुमन रथको सानदार शतकमा हङकङले एसिसी प्रिमियर कपमा युएईलाई डकवर्थ लेविस पद्धतिको आधारमा ६७ रनले हराएको छ । लगातार दोस्रो जितसँगै हङकङले समूह बी बाट समूह विजेता बन्दै सेमिफाइनल खेल्ने सम्भावना उच्च बनाएको छ ।
जितको लागि २ सय ६४ रनको विशाल विजयी लक्ष्य पछ्याएको युएईले २७ ओभरमा ६ विकेट गुमाउँदै १ सय १७ रन बनाउँदा खेल रोकिएको थियो । तर हाबाहुरीको कारण खेल रोकिएपछि पुन हुन सकेको थिएन । त्यसपछि डकवर्थ लेविस पद्धतिको आधारमा युएई पराजित भएको थियो ।
युएएईका आयन लाक्रा ७१ बलमा ६ चौका र १ छक्कासहित सर्वाधिक ५२ रनमा अविजित रहे । रमिज शाहजद ४४ बलमा २ चौका र २ छक्कासहित ३४ रनमा आउट भए । कप्तान मोहम्मद वासिम ८, वृत्य अरविन्द ७, आसिफ खान १, रोहन मुस्तफा ४ र आयन खान अफ्जल शून्यमा आउट भए ।
हङकङका एहसान खानले ५ ओभरमा १ मेडनसहित २३ रन खर्चेर २ विकेट लिए । आयुश शुक्ला, अजिज खान, यासिम मुर्तजा र मोहम्मद गजानफरले समान एक विकेट लिए ।
त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको निर्धारित हङकङले ५० ओभरमा ८ विकेट गुमाउँदै २ सय ६३ रन बनाएको थियो । हङकङको जितमा ओपनर अंशुमन रथले १ सय १७ बलमा ११ चौकासहित १ सय ६ रनको सानदार शतकीय इनिङ खेलेका थिए ।
ओपनर निजाकत खान २२, किन्चित शर्मा३५, अजिज खान २७ र एहसान खानले २३ रन बनाए । युएईका स्पिनर आयन खान अफ्जलले १० ओभरमा २ मेडनसहित ५० रन खर्चेर सर्वाधिक ५ विकेट लिएपनि टोलीको हार टार्न सकेनन् । सन्चित शर्माले दुई र जुनैद सिद्धिककले एक विकेट लिए ।
समूह ए मा नेपाल, ओमान, कतार, मलेसिया र साउदी छन् । समूह बी मा हङकङ, युएई, कुवेत, बहराइन र सिंगापुर छन् । हङकङले पहिलो खेलमा सिंगापुरलाई ८ विकेटले हराएको थियो । हङकङले सोमबार बहराइन र विहीबार कुवेतसँग खेल्नेछ । दुई मध्य एक खेल जितेमा हङकङले सेमिफाइनलमा स्थान बनउनेछ ।
उता युएईले पहिलो खेलमा कुवतेलाई ४० रनले हराएको थियो । युएईले आइतबार सिंगापुर र बुधबार बहराइनसँग खेल्नेछ । युएईलाई सेमिफाइनल खेल्न दुबै खेल जित्नुपर्ने दबाब छ । हरेक समूहबाट शीर्ष दुई टोलीले सेमिफाइनलमा स्थान बनाउनेछन् । फाइनल हुँदै विजेता टोलीले एसिया कपमा भारत र पाकिस्तानसँग खेल्न पाउनेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]