1 year ago
April 21, 2023
काठमाडौं (हाम्रो खेलकुद) – नेपालले एसिसी प्रिमियर कपमा ओमानमाथि ८४ रनको सानदार जित हात पार्नेक्रममा पाँच कीर्तिमान बनाएको छ । जितको लागि ३ सय ११ रनको विशाल विजयी लक्ष्य पछ्याएको ओमान ४६.३ ओभरमा २ सय २६ रनमा अल आउट भएको थियो ।
ओमानका मोहम्मद नदीमले ८४ बलमा ७ चौका र १ छक्कासहित सर्वाधिक ६५ रन बनाए । तर विशाल लक्ष्य पछ्याएको ओमानलाई जितको लागि त्यो पर्याप्त थिएन । नेपालका सन्दीप लामिछाने र करण केसीले समान तीन विकेट लिए ।
त्यसअघि घरेलु मैदान टियुमा टस हारेर पहिला ब्याटिङको निम्तो पाएको नेपालले निर्धारित ५० ओभरमा ८ विकेट गुमाउँदै ३ सय १० रन बनाएको थियो ।
नेपालका कुशल मल्लले ६४ बलमा ९ चौका र १० छक्कासहित १ सय ८ रनको विष्फोटक शतकीय इनिङ खेलेका थिए । सोमपाल कामी ४८ बलमा ९ चौकासहित ६३ रनमा नटआउट रहँदै विशाल योगफलमा पुर्याएका थिए । नेपालको सानदार जितमा बनेका पाँच कीर्तिमान यस प्रकार छन् ।
५. कम उमेरमा शतक हान्ने नेपाली खेलाडी
कुशल मल्ल नेपालबाट अन्तर्राष्ट्रय क्रिकेटमा सर्वाधिक कम उमेरमा शतक हान्ने खेलाडी बनेका छन् । कुशलले १९ वर्ष ४७ दिनमा ओडिआईमा शतक हाने । यसअघि नेपालबाट ओडिआईमा कप्तान रोहित पौडेलले २०२२ मा पपुवा न्युगिनीविरुद्ध टियु मैदानमा १९ वर्ष २ सय ४ दिनमा शतक पूरा गरेका थिए ।
कुशलले रोहितको कीर्तिमान तोडेका हुन् । कुशल विश्वकै कम उमेरमा ओडिआईमा शतक हान्ने आठौं खेलाडी बनेका छन् । ओडिआईमा सबैभन्दा कम उमेरमा पाकिस्तानका शाहिद अफ्रिदीले १६ वर्ष २ सय १७ दिनमा श्रीलंकाविरुद्ध शतक हानेका थिए ।
४. एकै खेलमा धेरै छक्का
कुशल नेपालबाट अन्तर्राष्ट्रिय क्रिकेटमा एकै खेलमा सर्वाधिक छक्का हान्ने खेलाडी बनेका छन् । कुशलले यस खेलमा १० छक्का हान्ने । यसअघि नेपालबाट एकै खेलमा सर्वाधिक छक्का पारस खड्का र ज्ञानेन्द्र मल्लले टि२० आईमा समान ९ छक्का हानेका थिए । २०१९ मा पारसले सिंगापुर र ज्ञानेन्द्रले भुटानविरुद्ध शतक हानेका थिए ।
उक्त कीर्तिमान कुशलले तोडेका हुन् । ओडिआईमा एकै खेलमा सर्वाधिक छक्का इंग्ल्यान्डका ओईन मोर्गनले प्रहार गरेका छन् । २०१९ को एकदिवसीय विश्वकपमा इंग्ल्यान्डका पूर्वकप्तान मोर्गनले एकै खेलमा १७ छक्का हानेका थिए ।
३. सर्वाधिक छिटो शतक
उनले ५९ बलमा आफ्नो अन्तर्राष्ट्रिय क्रिकेट करिअरको पहिलो शतक हाने । उनी ओडिआईमा नेपालबाट सर्वाधिक छिटो शतक हान्ने खेलाडी बनेका छन् ।
यसअघि २०२२ मा पपुवा न्युगिनीविरुद्ध रोहित पौडेलले ९१ बलमा शतक हानेका थिए । टि२० आईमा भने नेपालका पूर्व कप्तान पारस खड्काले २०१९ मा सिंगापुरविरुद्ध ४९ बलमै शतक हानेका थिए ।
२. सन्दीपको दुर्लभ विश्व कीर्तिमान
सन्दीप ओडिआई क्रिकेट इतिहासकै सर्वाधिक छिटो एक सय विकेट पूरा गर्ने खेलाडी बनेका छन् । सन्दीपले ओमानविरुद्ध पहिलो विकेट लिँदै ४२ खेलमा यस सफलता हात पारेका थिए ।
सन्दीपले अफगानिस्तानका राशिद खानको ४४ खेलको कीर्तिमान तोडेका हुन् । त्यस्तै सन्दीप नेपालबाट पनि ओडिआईमा एक सय विकेट लिने पहिलो खेलाडी बनेका छन् ।
१.सर्वाधिक ठूलो योगफल
३ सय १० रन नेपालले ओडिआईमा बनाएको सर्वाधिक ठूलो योगफल हो । यसअघि नेपालको ओडिआईमा सर्वाधिक ठूलो योगफल २ सय ९७ रन थियो । नेपालले उक्त योगफल अघिल्लो महिना पपुवा न्युगिनीविरुद्ध टियु मैदानमा बनाएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]