default_image

10 months ago

April 22, 2023

‘नेपाली क्रिकेट यहाँ सम्म पुग्नुमा सन्दीपको योगदान महत्वपूर्ण छ’ – सोमपाल

काठमाडौं (हाम्रो खेलकुद) – तीव्र गतिका बलिङ अलराउन्डर सोमपाल कामीले नेपाली क्रिकेट यहाँसम्म पुग्नुमा लेगस्पिनर सन्दीप लामिछानेको योगदान महत्वपूर्ण रहेको बताएका छन् । एसिसी प्रिमियर कपमा ओमानलाई ८४ रनले हराउन तल्लोक्रममा महत्वपूर्ण अर्धशतक प्रहार गरेपछि सोमपालले उक्त प्रतिक्रिया दिएका हुन् । ‘५० औं ओडिआई खेल खेल्दा एकदमै खुसी लागेको छ । हामीले जहिले पनि क्रिकेट […]

96 views

0 Bookmark

काठमाडौं (हाम्रो खेलकुद) – तीव्र गतिका बलिङ अलराउन्डर सोमपाल कामीले नेपाली क्रिकेट यहाँसम्म पुग्नुमा लेगस्पिनर सन्दीप लामिछानेको योगदान महत्वपूर्ण रहेको बताएका छन् । एसिसी प्रिमियर कपमा ओमानलाई ८४ रनले हराउन तल्लोक्रममा महत्वपूर्ण अर्धशतक प्रहार गरेपछि सोमपालले उक्त प्रतिक्रिया दिएका हुन् ।

‘५० औं ओडिआई खेल खेल्दा एकदमै खुसी लागेको छ । हामीले जहिले पनि क्रिकेट खेल्दा ओडिआई खेल्ने सपना थियो । ओडिआई खेलहरु पनि खेल्यौं । त्यसैले आज इतिहास बनाउदा खुसी लागेको छ’, सोमपालले भने ।

सोमपालले २०१८ मा नेपालको दोस्रो ओडिआई खेलमा नेदरल्यान्ड्सविरुद्ध अर्धशतक प्रहार गरेका थिए । त्यसपछि उनले ओमानविरुद्ध आफ्नो करिअरको उत्कृष्ट ब्याटिङ प्रदर्शन गदै ६३ रन बनाए । सोमपाल प्रशिक्षक मोन्टि देशाईले दिएको भूमिकामा काम गरेको बताउँछन् ।

‘मलाई लाग्छ प्रशिक्षकले जुन भूमिका मलाई दिनु भएको थियो । त्यसमा धेरै काम पनि गरे । साइडअम दाइ र प्रशिक्षकहरुले न्यूनतम कुराहरुमा धेरै कामहरु गराउनु भएको थियो । धेरै नयाँ शटहरु सिकियो पनि । पुराना सटहरु छोड्न पनि पर्यो । किनकी हामीले फरक र उच्च स्तरको क्रिकेट खेलि राखेका छौं । आफ्नो टेक्निकहरुमा काम गरेपछि नतिजा राम्रो आयो’, उनले भने ।

नेपालले २०१४ मा टि२० विश्वकप खेलेपछि देशमा क्रिकेटमा नयाँ उचाईमा पुगेको थियो । नेपालले एसिया कपमा स्थान बनाउँदै भारत र पाकिस्तानसँग खेल्न पाएमा त्यसले पनि नेपाललाई अर्कोे स्तरमा पुर्याउने अनुमान गरिएको छ । सोमपाल पनि एकदमै महत्वपूर्ण हुने बताउँछन् ।

‘ओडिआई बचाउने हाम्रो लागि ठूलो उपलब्धी थियो । अव अर्को उपलब्धी एसिया कप क्वालिफायर र विश्वकप छनोट हो । त्यसमा राम्रो गर्ने हो । धेरै अवसरहरु छन् । आशा गरौं त्यो सफलता हात पार्दै जाउ र नेपालमा क्रिकेट खेलाडी अझै बढ्दै जाउन् । एउटा टिमलाई माथिल्लो स्तरको क्रिकेट खेल्न धेरै भन्दा धेरै खेलाडी चाहिँयो । जुन अहिले छैन । आशा गरौं । भविष्यमा त्यो पनि पूरा हुनेछ’, उनले भने ।

सन्दीपले ४२ औं खेलमा एक सय विकेट पूरा गरे । उनी ओडिआईमा सर्वाधिक छिटो शतक पूरा गर्ने पहिलो खेलाडी बनेका छन् । उनले राशिद खानको ४४ खेलको कीर्तिमानलाई पछि पार्दै उक्त सफलता हात पारेका हुन् । सोमपाल नेपाली क्रिकेट जहाँ पुगेको छ त्यहाँ सन्दीपको स्पेलको महत्वपूर्ण योगदान रहेको बताए ।

‘पक्कैपनि एकदमै खुसी लाग्छ । मैले भित्रपनि उसलाई यहि भनेको थिएँ की एउटा जुन सन्दीप लामिछानेको स्पेल छ नि त्यसले हामीलाई एक्स्ट्रा भनौं न नेपाली क्रिकेट जहाँ पुगेको छ, कहिन कोही उसको स्पेलले गर्दा हो । जस्तो टोलीसँग खेलेपनि एक सय विकेट कुनै सामान्य कुरा होईन’, सोमपालले भने ।

त्यसैमा उनले थपे, ‘उसले एकदमै चाहिँएको समयमा विकेट लिएर दिन्छ । आज विकेट निकाल्न गाह्रो थियो । सन्दीपले मात्रै त्यो गर्न सक्थ्यो । सन्दीपले तीन विकेट लिएपछि ओमान पछि धकेलिएको थियो ।’

युवा ब्याटर कुशल मल्लले ६४ बलमा ९ चौका र १० छक्कासहित १ सय ८ रनको सानदार शतकीय इनिङ खेलेपछि नेपालले ३ सय १० रन बनाएको थियो । तल्लोक्रममा सोमपाल कामीले ४८ बलमा ९ चौकासहित ६३ रन बनाएका थिए । सन्दीप लामिछाने र करण केसीले समान तीन विकेट लिएपछि ओमान २ सय २६ रनमा अल आउट भएको थियो ।

समूह ए मा नेपाल, ओमान, कतार, मलेसिया र साउदी छन् । नेपालले पहिलो खेलमा मलेसियालाई ६ विकेटले पराजित गरेको थियो । नेपालले आफ्नो तेस्रो खेल सोमबार साउदी अरेवियासँग खेल्नेछ ।

समूह बी मा हङकङ, युएई, कुवेत, बहराइन र सिंगापुर छन् । हरेक समूहबाट शीर्ष दुई टोलीले सेमिफाइनलमा स्थान बनाउनेछन् । फाइनल हुँदै विजेता टोलीले एसिया कपमा भारत र पाकिस्तानसँग खेल्न पाउनेछ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.