1 year ago
April 22, 2023
काठमाडौं (हाम्रो खेलकुद) – ओपनर अब्दुल वहिदको सानदार शतकमा साउदी अरेवियाले एसिसी प्रिमियर कपमा कतारलाई ७ विकेटले पराजित गरेको छ । साउदीले पहिलो जितका साथ सेमिफाइनल पुग्न सक्ने समिकरण कायमै राखेको छ । जितको लागी २ सय १७ रनको मध्यम विजयी लक्ष्य पछ्याएको साउदीले ३४.२ ओभरमा ३ विकेट गुमाउँदै पूरा गर्यो । साउदी अरेवियाको जितमा […]
काठमाडौं (हाम्रो खेलकुद) – ओपनर अब्दुल वहिदको सानदार शतकमा साउदी अरेवियाले एसिसी प्रिमियर कपमा कतारलाई ७ विकेटले पराजित गरेको छ । साउदीले पहिलो जितका साथ सेमिफाइनल पुग्न सक्ने समिकरण कायमै राखेको छ ।
जितको लागी २ सय १७ रनको मध्यम विजयी लक्ष्य पछ्याएको साउदीले ३४.२ ओभरमा ३ विकेट गुमाउँदै पूरा गर्यो । साउदी अरेवियाको जितमा ओपनर अब्दुल वहिदले १ सय ८ बलमा २१ चौका र १ छक्कासहित १ सय २४ रनको सानदार शतकीय इनिङ खेले । टोलीलाई जितको लागि मात्रै दुई रन चाहिँदा खुराम शाहजादको बलमा बोल्ड भएका थिए ।
उनले ९८ बलमा आफ्नो करिअरको पहिलो अन्तर्राष्ट्रिय शतक हानेका थिए । साउदीलाई ओपनर अब्दुल र वाकर उल हसनले १७.५ ओभरमा १ सय १८ रनको सानदार शतकीय साझेदारीका साथ सहज जितको आधार तय गरेका थिए ।
उल हसन ५५ बलमा ९ चौकासहित ५५ रनमा क्याच आउट भए । साद खान शून्यमा बोल्ड आउट भए । कप्तान हिशम शेख ३८ बलमा २ चौकासहित २१ रनमा अविजित रहे । कतारका इक्रमाउल्लाह खानले दुई विकेट लिए ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको कतार ४९.५ ओभरमा २ सय १६ रनमा अल आउट भएको थियो । कतारका मोहम्मद तनविरले ४८ बलमा ७ चौकासहित सर्वाधिक ४६ रन बनाएपनि जितको लागि पर्याप्त हुन सकेन । ओपनर कमरान खान ३९ बलमा ७ चौकासहित ३६ रनमा आउट भए ।
साउदीका तीव्र गतिका बलर अतिफ उर रहमानले ओपनर जाहिर इब्राहिमलाई एक रनमा बोल्ड आउट गरेका थिए । अतिफकै बलमा कामरन खान क्याच आउट भए । विकेटकिपर इमाल लियांगे ३१ बलमा ६ चौकासहित ३१ रनमा आउट भए । कप्तान मोहम्मद रिजलान ३९ बलमा ४ चौकासहित २८, इक्रामउल्लाह खान १४ र आमिर फारुक ४ रनमा आउट भए ।
तल्लोक्रमका खुराम शाहजाद ४३ बलमा ३ चौका र १ छक्कासहित २७ रनमा आउट भए । सनदुन विथानागे १५ बलमा २ चौकासहित १४ रनमा अविजित रहे ।
साउदीका तीव्र गतिका बलर इश्तिक अहमदले ९.५ ओभरमा ४६ रन खर्चेर सर्वाधिक ४ विकेट लिए । अतिफ उर रहमान, जैन उल अबिदीन र अहमद बलाडार्फले समान दुई विकेट लिए ।
समूह ए मा नेपाल, ओमान, कतार, मलेसिया र साउदी छन् । साउदी पहिलो खेलमा मलेसियासँग ८ विकेटले पराजित भएको थियो । साउदीले तेस्रो खेल सोमबार घरेलु टोली नेपालसँग मुलपानी मैदानमा खेल्नेछ । कतार पहिलो खेलमा ओमानसँग ४० रनले पराजित भएको थियो । कतारले तेस्रो खेल मंगलबार मलेसियासँग खेल्नेछ ।
समूह बी मा हङकङ, युएई, कुवेत, बहराइन र सिंगापुर छन् । हरेक समूहबाट शीर्ष दुई टोलीले सेमिफाइनलमा स्थान बनाउनेछन् । फाइनल हुँदै विजेता टोलीले एसिया कपमा भारत र पाकिस्तानसँग खेल्न पाउनेछ।
May 3, 2024
काठमाडौं (हाम्रो खेलकुद) – वेस्ट इन्डिज ए सँगै नेपाल भ्रमणमा आएका तीन खेलाडी समेट्दै सह-आयोजक वेस्ट इन्डिजले आईसिसी टि-२० विश्वकपका लागि टोलीको घोषणा गरेको छ । नेपालमा उत्कृष्ट प्रदर्शन गरेका तीन खेलाडी टोलीमा अटाएका छन् । नेपालमा रहेका वेस्ट इन्डिज ए टोलीका कप्तान रोस्टन चेज, ओपनिङ ब्याटर जोन्सन चार्ल्स र बायाँ हाते अल-राउन्डर गुडकेश मोती […]
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
