1 year ago
April 22, 2023
काठमाडौं (हाम्रो खेलकुद) – साउदी अरेविया क्रिकेट टोलीका कप्तान हिशाम शेखले एसिसी प्रिमियर कपमा आफूहरु उपाधि जित्न नेपाल आएको बताएका छन् । दोस्रो खेलमा साउदीले कतारलाई ७ विकेटले हराएपछि उनले उक्त प्रतिक्रिया दिएका हुन् ।
जितको लागि २ सय १७ रनको लक्ष्य साउदीले ३४.२ ओभरमा ३ विकेट गुमाउँदै पूरा गर्यो । साउदीका ओपनर अब्दुल वहिदले १ सय ८ बलमा २१ चौका र १ छक्कासहित १ सय २४ रनको सानदार शतकीय इनिङ खेलेका थिए । कप्तान हिशामले अब्दुल साउदीका उत्कृष्ट ब्याटर भएको बताए ।
‘यो लामो समयको देयको कारण हो । उनी घर फर्किनु अघि धेरै रन र शतक प्रहार गरेको आशा गरेका छौं । उनले आफूलाई फेरि पुनः प्रमाणित गरेका छन् । उनी हाम्रो देशका उत्कृष्ट ब्याटर हुन् । आज आफ्नो क्लास पनि देखाएका छन्’, अब्दुल वहिदको शतकको प्रसंशा गर्दै साउदीका कप्तान हिशाम शेखले भने ।
पहिलो खेलमा साउदी मुलपानी मैदानमा मलेसियासँग ८ विकेटले पराजित भएको थियो । साउदीको असली परिक्षा टियु मैदानमा थियो । उनी कन्डिसन अनुसार मुलपानीमा खेल्न नसकेको बताए ।
‘मुलपानी हाम्रो लागि खराब दिन थियो । मलाई विश्वास थियो की हामीले कन्डिसन अनुसार खेल्न सकेका थिएनौं । पिच फरक थियो । त्यसै अनुसार खेललाई विश्लेषण गरेका थियौं । विशेष योजनाका साथ आएका थियौं’, उनले भने ।
उनी एसिसी प्रिमियर कपमा उपाधि जित्न नेपाल आएको बताए । ‘हामी उपाधि जित्ने लक्ष्यका साथ नेपाल आएका हौं । तर सहज भने छैन । हामीले केहि कुरा अघि हेरेका छौं । मलाई मेरा खेलाडीको क्षमता र मानसिकतामा विश्वास छ । त्यो खेलको दिन कसले राम्रो क्रिकेट खेल्छ त्यसैले नै जित्ने हो । विश्वास छ हामी राम्रो खेल्दै उपाधि जित्नको लागि जाने छौं’, उनले भने ।
उनले कतारसँगको लयलाई खेलमा निरन्तरता दिने बताए । ‘यस जितले खेलाडीमा धेरै आत्माविश्वास आएको छ । सबैले ड्रेसिङ रुममा राम्रो अनुभव मानेका र खुसी छन् । क्रिकेट मानसिकता र आत्माविश्वासको खेल हो । विश्वको कुनैपनि शीर्ष टोलीलाई हराउन सकिन्छ’, उनले भने ।
साउदीले सोमबार माथिल्लो मुलपानी क्रिकेट मैदानमा खेल्नेछ । कप्तान हिशामले नेपालविरुद्ध पनि जित्नेका लागि नै खेल्ने बताए । ‘नेपाल शीर्ष टोली हो । हामी उसको सम्मान गछौं । तर हामी हाम्रो उत्कृष्ट दिँदै जित्नको लागि खेल्ने छौं’, उनले भने ।
समूह ए मा नेपाल २ खेलमा ४ अंकका साथ शीर्ष स्थानमा छ । मलेसिया, ओमान र साउदीको समान २ खेलमा १ मा जित र १ मा हारसहित २-२ अंक भएपनि नेटरनरेटको कारण क्रमश दोस्रो, तेस्रो र चौथो स्थानमा छन् । कतार दुबै खेलमा हारका साथ पुछारमा छ ।
साउदील सोमबार नेपाल र बुधबार ओमानसँग खेल्नेछ । शीर्ष दुईमा रहन सके सेमिफाइनलमा स्थान बनाउनेछ । समूह बी मा हङकङ २ खेलमा ४ अंकका साथ शीर्ष स्थानमा छ । बहराइन, युएई र कुवेतको समान २ खेलमा १ मा जित र १ मा हारसहित २-२ अंक भएपनि नेटरनरेटको कारण दोस्रो, तेस्रो र चौथो स्थानमा छन् ।
सिंगापुर २ खेलमा जित विहीन हुँदै पुछारमा छ । यस प्रतियोगिता विजेता टोलीले एसिया कपमा भारत र पाकिस्तानसँग खेल्न पाउनेछ । साउदी अघिल्लो महिना एसिसी च्यालेन्जर कपको उपाधि जित्दै प्रिमियर कपमा आएको हो । फाइनलमा साउदीले बहराइनलाई २६ रनमा अल आउट गरेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]