वासिम ८२ बलमा १ सय ६० रन बनाउँदै आउट भए

एजेन्सी – युएईका कप्तान मोहम्मद वासिमले एसिसी प्रिमियर कपमा सिंगापुरविरुद्ध टियु क्रिकेट मैदानमा चौका र छक्को वर्षा गराउँदै ८२ बलमा १ सय ६० रन बनाउँदै आउट भएका छन् । वासिम ८२ बलमा ९ चौका र १६ छक्कासहित १ सय ६० रनमा आउट भएका छन् ।

उनी आदित्य भर्गवको २८ औं ओभरमा पाँचौं बलमा थर्डम्यानमा मनप्रीत सिंहबाट क्याच आउट भएपछि दोहोरो शतकको अवसर गुमाएका थिए । वासिमले ३४ बलमा अर्धशतक पूरा गरेका थिए । ६२ बलमा शतक पूरा गरेका थिए । ७८ बलमा १ सय ५० रन पूरा गरेका थिए ।

दोस्रो विकेटका लागि वृत्य अरविन्द र मोहम्मद वासिमले दोस्रो विकेटका लागि २ सय ४६ रनको साझेदारी गरेका थिए । टियु क्रिकेटम मैदानमा टस जितेर पहिला ब्याटिङ रोजेको युएईले २९ ओभरमा ३ विकेट गुमाउँदै २ सय ७९ रन बनाएको छ । वृत्य अरविन्द ८४ बलमा १३ चौका र १ छक्कासहित ९२ रनमा क्रिजमा छन् ।