1 year ago
April 23, 2023
काठमाडौं (हाम्रो खेलकुद) – ओपनर जतिन्दर सिंहको सानदार शतकमा ओमानले एसिसी प्रिमियर कपमा मलेसियालाई ८ विकेटले पराजित गरेको छ । ओमानले दोस्रो जितका साथ सेमिफाइनल खेल्ने सम्भावना मजबुत बनाएको छ।
जितको लागि २ सय २८ रनको मध्यम विजयी लक्ष्य पछ्याएको ओमानले ४१.४ ओभरमा २ विकेट गुमाउँदै पूरा गर्यो । ओमानको जितमा जतिन्दर सिंह १ सय ११ बलमा १३ चौका र १ छक्कासहित १ सय १ रनमा नटआउट रहे । कप्तान जिशान मकसुद ५८ बलमा १० चौकासहित ५२ रनमा आउट भए । दोस्रो विकेटका लागि जिशान मकसुद र जतिन्दर सिंहले १ सय रनको साझेदारी गरेका थिए ।
ओपनर कश्याप प्रजापति ६९ बलमा ९ चौका र १ छक्कासहित ६६ रनमा आउट भए । पहिलो विकेटका लागि कश्याप प्रजापति र जतिन्दर सिंहले २२.३ ओभरमा १ सय २३ रनको सानदार शतकीय साझेदारीका साथ उत्कृष्ट सुरुवात दिलाएका थिए । शोएब खान २ रनमा आउट भए । मलेसियाका मोहम्मद आमिरले ६ ओभरमा २६ रन खर्चेर २ विकेट लिए ।
त्यसअघि माथिल्लो मुलपानी मैदानमा टस हारेर पहिला ब्याटिङको निम्तो पाएको मलेसियाले निर्धारित ५० ओभरमा ९ विकेट गुमाउँदै २ सय २७ रन बनाएको थियो । मलेसियाका युवा ब्याटर विरनदीप सिंहले १ सय ४४ बलमा १३ चौकासहित ९४ रनमा आउट भए ।
जिशान मकसुदको बलमा बोल्ड आउट भएपछि उनी शतक बनाउन ६ रनले चुकेका थिए । मोहम्मद स्याहादतले ६० बलमा ६ चौका र १ छक्कासहित ५५, मोहम्मद आमिर २०, सैद अजिज १८ र मोहम्मद वाफिकले १९ रन बनाए ।
ओमानका जिशान मकसुदले १० ओभरमा ३५ रन खर्चेर ४ विकेट लिए । बिलाल खान र आयन खानले समान दुई विकेट लिए ।
समूह ए मा नेपाल २ खेलमा ४ अंकका साथ शीर्ष स्थानमा छ ।
ओमान ३ खेलमा २ मा जित र १ मा हारसहित ४ अंकका साथ दोस्रो स्थानमा छ । ओमानले कतारलाई ४० रनले हराउँदा नेपालसँग ८४ रनले पराजित भएको थियो । ओमानले अन्तिम खेलमा साउदी अरेवियालाई बुधबार पराजित गर्न सके सेमिफाइनलमा स्थान बनाउने छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]