default_image

1 year ago

April 23, 2023

रनको वर्षासँगै सिंगापुरमाथि युएईको फराकिलो जित

162 views

0 Bookmark

काठमाडौं (हाम्रो खेलकुद) – कप्तान मोहम्मद वासिम र वृत्य अरविन्दले रनको वर्षा बनाउँदै शतक बनाएपछि युएईले एसिसी प्रिमियर कपमा सिंगापुरलाई २ सय १ रनको फराकिलो अन्तरले हराएको छ । यो फराकिलो जितसँगै युएईले सेमिफाइनल खेल्ने सम्भावना मजबुत बनाउँदा सिंगापुर एक खेल अगावै बाहिरिएको छ ।

जितको लागि ४ सय ७२ रनको विशाल विजयी लक्ष्य पछ्याएको सिंगापुरले निर्धारित ५० ओभरमा ९ विकेट गुमाउँदै २ सय ७० रन बनायो । सिंगापुरका मध्यक्रमका ब्याटर मनप्रीत सिंहले ६४ बलमा ५ चौका र ४ छक्कासहित सर्वाधिक ६६ रन बनाएका थिए ।

उनी स्पिनर कार्तिक मयाप्पनको बलमा बोल्ड आउट भए । ओपनर रोहन रंगराजन २ रनमै जुनैद सिद्धिकको बलमा बोल्ड आउट भए । कप्तान अरित्र दत्त ३२ बलमा ४ चौका र ३ छक्कासहित ३८ रनमा आउट भए । अब्दुल रहमान १६, अर्यान मोदी डक र विनोथ वास्करन १८ रनमा आउट भए । सुरेन्द्र चन्द्रमोहन ५७ बलमा ३८ रनमा आउट भए । थिलिपन ओमैदुरै ५६ बलमा ४ चौका र ३ छक्कासहित ५२ रनमा आउट भए ।

युएईका आयन खान, कार्तिक मयाप्पन र सन्चित शर्माले दुई दुई विकेट लिए । जुनैद सिद्धिक, रोहन मुस्तफा र जहुर खानले समान एक विकेट लिए ।

त्यसअघि टियु क्रिकेट मैदानमा टस जितेर पहिला ब्याटिङ रोजेको युएई निर्धारित ५० ओभरमा ४ सय ७१ रनमा अल आउट भएको थियो । युएईको जितमा युवा खेलाडी वृत्य अरविन्दले १ सय ३३ बलमा १७ चौका र ७ छक्कासहित १ सय ७४ रनको सानदार शतकीय इनिङ खेले । उनले टियु मैदानमा लगातार दोस्रो शतक हानेका हुन् । यसअघिको खेलमा उनले कुवेतविरुद्ध १ सय ८५ रन बनाएका थिए ।

कप्तान मोहम्मद वासिमले ८२ बलमा ९ चौका र १६ छक्कासहित १ सय ६० रनको विष्फोटक इनिङ खेलेका थिए । उनी आदित्य भर्गवको २८ औं ओभरमा पाँचौं बलमा थर्डम्यानमा मनप्रीत सिंहबाट क्याच आउट भएपछि दोहोरो शतकको अवसर गुमाएका थिए ।

दोस्रो विकेटका लागि वृत्य अरविन्द र मोहम्मद वासिमले दोस्रो विकेटका लागि २ सय ४६ रनको साझेदारी गर्दै विशाल योगफलको आधार तय गरेका थिए । युवा ओपनर आर्यन लाक्रा ७ बलमा २ चौकासहित १२ रनमा आउट भए । रमिज शाहजाद शून्यमा आउट भए । आसिफ खान ११ र रोहन मुस्तफा ३ रनमा आउट भए ।

छैटौं विकेटका लागि आयन खान र वृत्य अरविन्दले १ सय ५१ रनको साझेदारी गर्दै ४ सय रनको योगफल आकडा पार गरेका थिए । आयन खान ५० बलमा ९ चौका र ३ छक्कासहित ७४ रनमा आउट भए । अन्तिम १६ बलमा १७ रन जोड्दा पाँच विकेट गुमाएपछि युएईले ५ सय रन बनाउने अवसर गुमाएको थियो ।

सिंगापुरका आदित्य भर्गवले ८ ओभरमा ८५ रन खर्चेर ४ विकेट लिए । विनोथ भास्करनले १० ओभरमा ६१ रन खर्चेर २ विकेट लिए । मनप्रीत सिंहले ८ ओभरमा ५६ रन खर्चेर १ विकेट लिए । थिलिपनले ९ ओभरमा ९९ रन खर्चिए । रमेशले कलिमुथुले ८ ओभरमा ७३ रन खर्चेर ३ विकेट लिए ।

युएईले अन्तिम खेल बहराइनसँग बुधबार खेल्नेछ । युएई समूह बी मा ३ खेलमा २ मा जित र १ मा हारसहित ४ अंकका साथ दोस्रो स्थानमा छ । हङकङ २ खेलमा ४ अंकका साथ शीर्ष स्थानमा छ ।

युएईले पहिलो खेलमा कुवेतलाई १ सय ४३ रनले हराउँदा दोस्रो खेलमा हङकङसँग ६७ रनले डकवर्थ लेविस पद्धतिको आधारमा पराजित भएको थियो अन्तिम खेलमा विजयी भएमा युएई सेमिफाइनल खेल्नेछ । उता सिंगापुरले अन्तिम खेल मंगलबार कुवेतसँग खेल्नेछ । सिंगापुर भने प्रतियोगिताबाट बाहिरि सकेको छ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.