एजेन्सी – ग्लेन म्याक्सवेल र फाफ डु प्लेसिसको उत्कृष्ट ब्याटिङमा रोयल च्यालेन्जर्स बेंगलोरले इन्डियन प्रिमियर लिग (आइपिएल) २०२३ को ३२ औं खेलमा राजस्थान रोयल्सललाई १ सय ९० रनको बलियो लक्ष्य दिएको छ । चिन्नास्वामी रंगालामा टस हारेर पहिला ब्याटिङ थालेको बेंगलोरले निर्धारित २० ओभरमा ९ विकेट गुमाउँदै १ सय ८९ रन बनायो ।

बेंगलोरका ग्लेन म्याक्सवेलले ४४ बलमा ६ चौका र ४ छक्कासहित सर्वाधिक ७७ रनको योगदान दिए । फाफ डु प्लेसिस ३९ बलमा ८ चौका र २ छक्कासहित ६२ रनमा आउट भए ।

एक समय १२-२ को अवस्थामा पुगेको बेंगलोरलाई तेस्रो विकेटका लागि ग्लेन म्याक्सवेल र फाफ डु प्लेसिसले ६६ बलमा १ सय २७ रनको सानदार साझेदारीका साथ विशाल योगफलको आधार तय गरेका थिए ।

१४ औं ओभरको दोस्रो बलमा डु प्लेसिस यशस्वी जैसवालबाट रन आउट भए । त्यो समय बेंगलोर १३९(३ को अवस्थामा थियो । तर डु प्लेसिसको विकेटपछि लगातार मध्यक्रममा ब्याटरलाई गुमाउन पुग्यो । अर्को ओभरको अन्तिम बलमा म्याक्सवेल क्याच आउट भए ।

महिपाल लोमरोर ८, दीनेश कार्तिक १६, सुयश प्रभुदेशाई डक र वानिन्दु हसरंगा ६ रनमा रन आउट भए । कप्तान विराट कोहली भने ट्रेन्ट बोल्टको पहिलो ओभरको पहिलो बलमै एलबीडब्लू आउट भएका थिए ।

राजस्थान रोयल्सका ट्रेन्ट बोल्टले ४ ओभरमा ४१ रन खर्चेर २ विकेट लिए । सन्दीप शर्माले ४ ओभरमा ४९ रन खर्चेर २ विकेट लिए । रविचन्द्रन आश्विन र युजभेन्द्र चहलको नाममा समान एक विकेट रह्यो ।