1 year ago
April 24, 2023
एजेन्सी – सानदार ब्याटिङका साथ चेन्नई सुपर किंग्सले इन्डियन प्रिमियर लिग (आइपिएल) २०२३ को ३३ औं खेलमा घरेलु टोली कोलकाता नाइट राइडर्सलाई ४९ रनले हराउँदै अंक तालिकामा शीर्ष स्थानमा उक्लिएको छ।
इडेन गार्डेन कोलकातामा टस हारेर पहिला ब्याटिङको निम्तो पाएको चेन्नईले निर्धारित २० ओभरमा ४ विकेट गुमाउँदै २ सय ३५ रन बनायो । चेन्नईका अजिंक्या रहाणेले २९ बलमा ६ चौका र ५ छक्कासहित ७१ रनको सानदार इनिङ खेले । रहाणेले आफ्नो उच्च लयलाई निरन्तरता दिएपछि चेन्नईले विशाल योगफल तयार पारेको थियो ।
शिवम दुबेले २१ बलमा २ चौका र ५ छक्कासहित ५० रनको उत्कृष्ट इनिङ खेल्दै आउट भए । चेन्नईलाई ओपनर ऋतुराज गायकवाड र डेभन कन्वेले ७.३ ओभरमा ७३ रनको साझेदारी गर्दै उत्कृष्ट सुरुवात दिलाएका थिए ।
ऋतुराज २० बलमा २ चौका र ३ छक्कासहित ३५ रनमा बोल्ड आउट भए । उनी स्पिनर सुयस शर्माको बलमा बोल्ड भएका थिए । कन्वे ४० बलमा ४ चौका र ३ छक्कासहित ५६ रनमा आउट भए । रविन्द्र जडेजा ८ बलमा २ छक्कासहित १८ रनमा आउट हुँदा धोनी २ रनमा अविजित रहे ।
कोलकाताका कुलवान्त केजरोलियाले ३ ओभरमा ४४ रन खर्चेर २ विकेट लिए । वरुण चक्रवर्ती र सुयस शर्माले समान एक विकेट लिए ।
जितको लागि २ सय ३६ रनको विशाल विजयी लक्ष्य पछ्याएको कोलकाताले निर्धारित २० ओभरमा ८ विकेट गुमाउँदै १ सय ८६ रन बनायो । कोलकाताका जेसन रोयले २६ बलमा ५ चौका र ५ छक्कासहित सर्वाधिक ६१ रनको योगदान दिए । तर सुरुवात राम्रो नहुँदा जिताउन सकेनन् ।
रिंकु सिंह ३३ बलमा ३ चौका र ४ छक्कासहित ५३ रनमा अविजित रहे । अन्य कुनैपनि ब्याटरले राम्रो प्रदर्शन गर्न सकेनन् । ओपनर जगदीशन नारायण एक, सुनिल नारायण डक, वेंकटेश ऐर २०, नितिश राणा २७, आन्द्रे रसेल ९, डेविड विजा १ र उमेश यादव ४ रनमा आउट भए ।
चेन्नईका स्पिनर महेश थिक्सेनाले ४ ओभरमा ३२ रन खर्चेर २ विकेट लिए । तुषार देशपान्डेले ४ ओभरमा ४३ रन खर्चेर २ विकेट लिए । आकाश सिंह, मोईन अली, रविन्द्र जडेजा र मथिशा पाथिरानाले समान एक विकेट लिए ।
चेन्नई ७ खेलमा ५ मा जित र २ मा हारसहित १० अंकका साथ शीर्ष स्थानमा छ । राजस्थान रोयल्स ७ खेलमा ४ मा जित र ३ मा हारसहित ८ अंकका साथ दोस्रो स्थानमा छ । उता कोलकाता भने ७ खेलमा २ मा जित र ४ मा हारसहित आठौं स्थानमा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]