काठमाडौं (हाम्रो खेलकुद) – पुन वर्षासँगै एसिसी प्रिमियर कपमा नेपाल र साउदी अरेवियाबीचको खेल नहुने उच्च सम्भावना भएको छ । मुलपानीमा अहिले वर्षा जारी छ ।

जसको कारण खेल हुनसक्ने सम्भावना निकै कम देखिन्छ । दिउँसो १२ बजेदेखि मौसम पूर्वअनुमानका अनुसार भारी वर्षा हुने सम्भावना छ । जसको कारण खेल नहुने उच्च सम्भावना बनेको हो ।

आइतबार राती र सोमबार बिहान भएको वर्षाले खेल प्रभावित बनेको थियो । पुन वर्षा भएको छ । यो वर्षा तत्काल रोकिएपनि सुकाउन समय लाग्नेछ । तर वर्षा रोकिने कुनै सम्भावना देखिदैन । वर्षा झन् पछि झन् बढ्नेछ । अहिले मैदानमा पिच र ३० यार्ड कभरले ढाकिएको छ । दुबै टोलीका खेलाडी पेभेलिएनमा बसेका छन् । अहिले वर्षाको कारण मैदानका कर्माचारीपनि बाहिर छन् ।

यो खेल दिउँसो २ : १५ सम्म सुरु हुन नसकेका स्थगित हुनेछ । टस २ बजे सम्म सम्पन्न भई सकेको हुनुपर्छ । कम्तिमा पनि खेल २०-२० ओभरको हुनुपर्ने हुन्छ । २०-२० ओभरको पनि हुन नसक्ने भएमा स्थगित हुनेछ । कट अफ टाइम अर्थात पहिलो बल २स् १५ मा फालि सकेको हुनुपर्छ । अन्यथा खेल हुनेछैन । २ बजे सम्म टस नभएमा खेल नहुने पक्का हुनेछ।