काठमाडौं (हाम्रो खेलकुद) – लगातार वर्षासँगै एसिसी प्रिमियर कपमा नेपाल र साउदी अरेवियाबीचको खेल नहुने पक्का भएको छ । खेल बिहान ९ बजे सुरुहुनुपर्ने हो । तर मुलपानीमा लगातार वर्षा छ । मुलपानीमा लगातार वर्षा बढेसँगै खेल नहुने पक्का भएको हो । त्यसैको कारण नेपाली क्रिकेट टोलीले समर्थकलाई भेटेर धन्यावाद दिएका छन् ।

अन्य समयमा खेलपछि मात्रै टोलीले समर्थकलाई धन्यावाद दिने गर्दथे । तर खेल नहुने पक्का भएपछि पहिला कप्तान रोहित पौडेल आएर खेलाडीसँग सेल्फी खिचेका थिए । पछि नेपाली पुरै टोलीले मुलपानीमा खेल हेर्न आएका दर्शकलाई धन्यावाद दिएका छन् । लगातार पानी परेपनि खेलाडीले समर्थकलाई धन्यावाद दिएका छन् । खेलाडीहरुले दर्शकसँग पानीमा भिजेर सेल्फी र तस्विर लिने काम गरेका छन् ।

तर म्याच रेफ्रीले औपचारिक रुपमा खेल नहुने भने घोषणा गरेका छैनन् । अहिले मुलपानीमा पिच र ३० यार्ड पुरै कभरले ढाकिएको छ । म्याच रेफ्रीले केहि समयमा खेल नहुने औपचारिकता घोषणा गर्नेछन् । खेलको कट अफ टाइम २ः १५ रहेको छ ।

यो खेलमा नेपालले अंक बाँड्दा पनि सेमिफाइनलमा भने पुग्नेछ । एक अंक बाँड्दा नेपालको ३ खेलमा ५ अंक हुनेछ । अन्तिम खेलमा नेपाल कतारसँग पराजित भएमा पनि सेमिफाइनलमा पुग्ने पक्का हुनेछ ।

आजको खेलमा साउदी र नेपालले अंक बाँड्दा समूह ए बाट कतार र मलेसिया बाहिरिनेछन् । ओमान र साउदी अरेवियाबीच बुधबार हुने खेलको विजेता टोली सेमिफाइनलमा पुग्नेछ । आजको खेलमा अंक बाँड्दा साउदी र ओमानबीचको खेल क्वाटरफाइनल सरह हुनेछ ।

यस खेलमा नेपाल विजयी हुँदा पाँच अंक हुनेछ । अन्तिम खेलमा नेपाल पराजित भएमा पनि समूह ए को शीर्ष दुईमा रहनेछ । त्यसैले आजको खेल नहुँदा पनि नेपाल सेमिफाइनलमा पुग्ने पक्का भएको हो । नेपालले समूह चरणको अन्तिम खेल बिहीबार कतारसँग टियुमा खेल्नेछ । समूह ए मा ओमान र साउदीबीचको खेल क्वाटरफाइनल सरह हुनेछ । विजेता टोली सेमिफाइनलमा पुग्नेछ । यदि अंक बाँडेमा भने ओमान सेमिफाइनलमा पुग्नेछ ।