1 year ago
April 25, 2023
एजेन्सी – इन्डियन प्रिमियर लिग (आइपिएल) २०२३ मा चेन्नई सुपर किंग्सबाट सानदार प्रदर्शन गरेपछि भारतले अजिंक्या रहाणेलाई टोलीमा बोलाएकोछ । भारतले आगमी जुनमा अष्ट्रेलियासँग खेल्ने आइसिसी विश्व टेस्ट च्याम्पियनसिप फाइनलको लागि टोली घोषणा गर्दा रहाणे टोलीमा छन् ।
रहाणले चेन्नई सुपर किंग्सबाट सानदार प्रदर्शन गर्दै आएका छन् । यस सिजनको आइपिएलमा ५ खेलमा २ अर्धशतकसहित २ सय ९ रन बनाएका छन् । रहाणे आक्रामक रुपमा प्रस्तुत हुँदै आएका छन् । कोलकाताविरुद्ध २९ बलमा ६ चौका र ५ छक्कासहित ७१ रनको आक्रामक इनिङ खेलेका थिए ।
मुम्बइविरुद्ध २७ बलमा ७ चौका र ३ छक्कासहित ६१ रनको इनिङ खेलेका थिए । राजस्थान रोयल्सविरुद्ध ३१ र रोयल च्यालेन्जर्स बेंगलोरविरुद्ध ३७ रनमा आउट भएका थिए । रहणेपछिल्लो पटक भारतीय टेस्ट टोलीमा २०२२ जनवरीमा दक्षिण अफ्रिका भ्रमणमा थिए ।
तर दक्षिण अफ्रिका भ्रमणमा खराब प्रदर्शनपछि उनी टोलीबाट बाहिरिएका थिए । त्यसपछि भारतीय टोलीमा स्थान बनाउन सकेका थिएनन् । यस सिजनको आइपिएलमा महेन्द्रसिंह धोनीको कप्तानीमा रहाणे फरक शैलीमा प्रस्तुत हुँदै आएका छन् ।
भारतका दुई प्रमुख खेलाडी श्रेयस ऐर र जस्प्रित बुमराहले भने फाइनल गुमाउने भएका छन् । इंग्ल्यान्डमा जुन ७ देखी सुरुहुने उक्त सिरिजको लागि भारतले पाँच तीव्र गतिका बलरलाई टोलीमा राखेको छ ।
चेतेश्वर पुजाराले मध्यक्रममा सम्हाल्नेछन् । रोहित शर्माको कप्तानीमा घोषणा टोलीमा विराट कोहली र चेतेश्वर पुजारा जस्ता स्टार ब्याटर टोलीमा छन् । उता अष्ट्रेलियाले पनि भारतसँग खेल्ने फाइनलको लागि टोली घोषणा गरि सकेको छ ।
२०२१/२३ सम्म चलेको विश्व टेस्ट च्याम्पियनसिपमा भारत दोस्रो स्थानमा रहँदै फाइनल खेलेको हो । अष्ट्रेलिया शीर्ष स्थानमा रहँदै फाइनल खेलेको हो । यसअघि २०२१ मा भएको पहिलो संस्करणको टेस्ट च्याम्पियनसिप फाइनलमा न्युजिल्यान्डले भारतलाई ८ विकेटले हराउँदै उपाधि जितेको थियो ।
भारतको टोली :
रोहित शर्मा (कप्तान), शुभमन गिल, चेतेश्वर पुजारा, विराट कोहली, अजिंक्या रहाणे, लोकेश राहुल, केएस भरत (विकेटकिपर), रविचन्द्रन आश्विन, रविन्द्र जडेजा, अक्षर पटेल, शार्दुल ठाकुर, मोहम्मद शामी, मोहम्मद शिराज, उमेश यादव र जयदेव उनादकट ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]