default_image

10 months ago

April 25, 2023

सिंगापुरलाई हराएसँगै कुवेतको सेमिफाइनल सम्भावना मजबुत

काठमाडौं (हाम्रो खेलकुद) – कुवेतले एसिसी प्रिमियर कपमा सिंगापुरलाई ४ विकेटले हराउँदै सेमिफाइनल खेल्ने सम्भावना मजबुत बनाएको छ । कुवेतले दोस्रो जितका साथ सेमिफाइनल खेल्ने सम्भावना मजबुत बनाउँदा सिंगापुर जित विहीन हुँदै प्रतियोगिताबाट बाहिरिएको छ । जितको लागि १ सय १४ रनको सामान्य विजयी लक्ष्य पछ्याएको कुवेतले २६.३ ओभरमा ६ विकेट गुमाउँदै पूरा गर्यो । […]

209 views

0 Bookmark

काठमाडौं (हाम्रो खेलकुद) – कुवेतले एसिसी प्रिमियर कपमा सिंगापुरलाई ४ विकेटले हराउँदै सेमिफाइनल खेल्ने सम्भावना मजबुत बनाएको छ । कुवेतले दोस्रो जितका साथ सेमिफाइनल खेल्ने सम्भावना मजबुत बनाउँदा सिंगापुर जित विहीन हुँदै प्रतियोगिताबाट बाहिरिएको छ ।

जितको लागि १ सय १४ रनको सामान्य विजयी लक्ष्य पछ्याएको कुवेतले २६.३ ओभरमा ६ विकेट गुमाउँदै पूरा गर्यो । कुवेतको जितमा युवा ब्याटर मित भावसर ५० बलमा १ चौका र १ छक्कासहित २७ रनमा अविजित रहे । उनले स्पिनर अक्षर पुरीलाई कभरको माथी छक्का हान्दै खेल सकाएका थिए ।

यासिन पटेल २५ बलमा २ चौका र १ छक्कासहित २१ रनमा अविजित रहे । सातौं विकेटका लागि मित र यासिनले ३६ रनको अविजित साझेदारीका साथ खेल सकाएका थिए । कुवेतका ओपनर अद्नान इद्रिसले २८ बलमा २ चौका र ३ छक्कासहित सर्वाधिक ३८, रविजा सनदरुवान ५, कप्तान मोहम्मद अस्लाम ९ र शिराज खान १० रनमा आउट भए ।

सिंगापुरका अक्षर पुरीले ८.३ ओभरमा ३३ रन खर्चेर २ विकेट लिए । विनोथ भास्करनले ९ ओभरमा ४२ रन खर्चेर २ विकेट लिए । आदित्य भर्गव र थिलिपनले समान एक विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको सिंगापुर ३१.४ ओभरमा १ सय १३ रनमा अल आउट भएको थियो । सिंगापुरका आमत्य कौलले ६० बलमा ९ चौकासहित सर्वाधिक ४५ रन बनाएपनि जितको लागि पर्याप्त हुन सकेन । मनप्रीत सिंह ४४ बलमा ३ चौका र १ छक्कासहित २८ रनमा आउट भए ।

कुवेतको स्पिन आक्रामण सामू निरिह बन्नेक्रममा सिंगापुरका ८ खेलाडीले दोहोरो अंकमा रन बनाउन सकेनन् । स्पिनर मोहम्मद इस्लाम र शिराज खानले सिंगापुरको इनिङ धरासयी बनाएका थिए । ओपनर अरित्र दत्त ४, अवि दिक्षित २, विनोथ भास्करन, सुरेन्द्र चन्द्रमोहन ६, थिलिपन १३, अर्यान मोदी, अक्षय पुरी र रमेश कलिमुथुले खाता खोल्न सकेनन् ।

कुवेतको जितमा स्पिनर तथा कप्तान मोहम्मद इस्लामले ८.४ ओभरमा २० रन खर्चेर सर्वाधिक पाँच विकेट लिए । अर्का स्पिनर शिराज खानले ६ ओभरमा १४ रन खर्चेर ३ विकेट लिए । यासिन पटेलले ९ ओभरमा २४ रन खर्चेर १ विकेट लिए ।

कुवेत ३ खेलमा २ मा जित र १ मा हारसहित ४ अंकका साथ तेस्रो स्थानमा छ । कुवेतले अन्तिम खेलमा बिहीबार हङकङसँग मुलपानी मैदानमा खेल्नेछ । उक्त खेलमा विजयी भएमा कुवेतले सेमिफाइनलमा स्थान बनाउनेछ । पराजित भएमा वा अंक बाँडेको खण्डमा भने कुवेत बाहिरिनेछ ।

कुवेत पहिलो खेलमा युएईसँग १ सय ४३ रनले पराजित हुँदा दोस्रो खेलमा बहराइनलाई दुई विकेटले हराएको थियो । सिंगापुर भने सबै खेलमा हारका साथ बाहिरिएको छ ।

समूह बी मा हङकङ ३ खेलमा ५ अंकका साथ शीर्ष स्थानमा छ । युएई ३ खेलमा २ मा जित र १ मा हारसहित ४ अंकका साथ दोस्रो स्थानमा छ । बहराइन ३ खेलमा १ मा जित, एक मा हार र एक खेलमा अंक बाँड्दै ३ अंकका साथ तेस्रो स्थानमा छ। नेपाल समूह ए बाट ३ खेलमा ५ अंकका साथ सेमिफाइनलमा पुगि सकेको छ ।

समूह ए बाट साउदी अरेविया र ओमानबीचको विजेता सेमिफाइनलमा पुग्नेछ । प्रतियोगिता विजेताले एसिया कपमा भारत र पाकिस्तानसँग खेल्न पाउनेछ ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.