default_image

10 months ago

April 27, 2023

नेपालले आज कतारसँग खेल्दै

काठमाडौं (हाम्रो खेलकुद) – नेपालले एसिसी प्रिमियर कपमा समूह ए को अन्तिम खेलमा आज कतारसँग खेल्दैछ । खेल बिहान ९ बजे टियु क्रिकेट मैदानमा सुरु हुनेछ । घरेलु टोली नेपाल कतारलाई हराउँदै अपराजितका साथ समूह विजेता बन्दै सेमिफाइनलमा खेल्ने लक्ष्यका साथ मैदान उत्रनेछ । नेपाल ३ खेलमा २ मा जित र १ मा अंक बाँड्दै […]

155 views

0 Bookmark

काठमाडौं (हाम्रो खेलकुद) – नेपालले एसिसी प्रिमियर कपमा समूह ए को अन्तिम खेलमा आज कतारसँग खेल्दैछ । खेल बिहान ९ बजे टियु क्रिकेट मैदानमा सुरु हुनेछ । घरेलु टोली नेपाल कतारलाई हराउँदै अपराजितका साथ समूह विजेता बन्दै सेमिफाइनलमा खेल्ने लक्ष्यका साथ मैदान उत्रनेछ ।

नेपाल ३ खेलमा २ मा जित र १ मा अंक बाँड्दै ५ अंकका साथ दोस्रो स्थानमा छ । कतार तीनै खेलमा जित विहीन हुँदै प्रतियोगिताबाट बाहिरिएको छ । नेपालले पहिलो खेलमा मलेसियालाई ६ विकेट, दोस्रो खेलमा ओमानलाई ८४ रनले हराउँदा साउदीसँग वर्षाको कारण अंक बाँडेको थियो ।

उता कतार ओमानसँग ४० रन, साउदीसँग ७ विकेट र मलेसियासँग ३ विकेटले पराजित भएको थियो । नेपाल यस खेलमा विजयी भएमा वा कुनै कारण अंक बाँडेमा समूह विजेता बन्नेछ । ओमान ४ खेलमा ३ मा जित र १ मा हारसहित ६ अंकका साथ शीर्षस्थानमा रहँदै सेमिफाइनलमा स्थान बनाएको थियो ।

नेपाल पराजित भएको खण्डमा ओमान समूह ए को विजेता बन्नेछ । नेपालले कतारसँग बेन्चमा रहेका ज्ञानेन्द्र मल्ल र प्रतिश जि.सीलाई आजको खेलमा मौका दिनसक्छ । यी दुई खेलाडीलाई मौका दिन नेपालले सन्दीप लामिछाने र सोमपाल कामीलाई विश्राम दिन सक्छ । नेपालका कुशल मल्ल, रोहित पौडेल र करण केसीको प्रदर्शन महत्वपूर्ण हुनेछ ।

ओपनर आसिफ शेख र कुशल भुर्तेललाई राम्रो प्रदर्शनको दबाब हुनेछ । ज्ञानेन्द्र मल्लले मौका पाएमा उनलाई टोलीमा स्थान बनाई राख्न यस खेलमा सानदार प्रदर्शन गर्नुपर्ने हुन्छ । अन्यथा ज्ञानेन्द्रले मौका पाउने सम्भावना कम हुनेछ ।

ओमानविरुद्ध ५९ बलमै शतक हानेका कुलश मल्ल पुन घातक बन्नसक्छन् । कुशल क्रिजमा टिकेको खण्डमा भने एक्लै सहज जितको आधार तय गर्नसक्छन् । तल्लोक्रमका दीपेन्द्रसिंह ऐरी र आरिफ शेखलाई पनि यस खेलमा राम्रो ब्याटिङको अवसर हुनेछ । प्रमुख बलरमा करण केसी, प्रतिश र ललितनारायण राजवंशी हुनसक्छन् । पार्टटाइमा दीपेन्द्र र कुशल मल्ल हुनेछन् ।

कतारका श्रीलंकन मुलका इमाल लियानागे नेपाली बलरलाई घातक बन्नसक्छन् । श्रीलंकाबाट घरेलु क्रिकेट खेलि सकेका इमाल राम्रो प्रभाव जमाउन सक्छन् । कप्तान मोहम्मद रिजलान प्रमुख ब्याटर हुन् । जाहिर इब्राहिम, कमरन खान, मोहम्मद तनविर र खुराम शाहजाद ब्याटरको रुपमा छन् । तीव्र गतिका बलरका मोहम्मद मुरद प्रमुख बलर हुन् । कतार पहिलो जित निकाल्ने सोचमा हुनेछ ।

त्यस्तै आजनै समूह बी को अन्तिम खेलमा हङकङले कुवेतसँग खेल्नेछ । यस खेलको विजेता टोली सेमिफाइनलमा पुग्नेछ । समूह बी बाट युएई ४ खेलमा ३ मा जित र १ मा हारसहित ६ अंकका साथ शीर्ष स्थानमा रहँदै सेमिफाइनलमा पुगेको छ । आजका यी दुई खेलबाट सेमिफाइनल समिकरण पनि पूराहुनेछ ।

नेपालले कतारसँग ५० ओभरको खेल २००८ पछि पहिलो पटक खेल्न लागेको हो । उक्त खेलमा नेपाल ७ विकेटले विजयी भएको थियो । २०१९ मा टि२० आई खेलमा भने नेपाल कतारसँग पराजित भएको थियो । आइसिसी विश्वकप टि२० एसिया क्षेत्र छनोटमा नेपाल कतारसँग ४ विकेटले पराजित भएको थियो ।

प्रतियोगिता पहिलो सेमिफाइनल खेलमा समूह ए को विजेताले समूह बी को उपविजेतासँग खेल्नेछ । दोस्रो सेमिफाइनल खेलमा समूह बी को विजेताले समूह ए को उपविजेतासँग खेल्नेछ । सेमिफाइनल शनिबार हुनेछ । फाइनल सोमबार हुनेछ । प्रतियोगिता विजेता टोलीले एसिया कपमा भारत र पाकिस्तासँग खेल्न पाउनेछ ।

शीर्ष तीन टोलीले एसिसी इमर्जिङ टिम्स एसिया कप खेल्न पाउनेछन् । इमर्जिङ टिप्समा एसियाका टेस्ट टोलीका यू-२३ टोलीको सहभागिता रहनेछ । एसिया कप सेप्टेम्बरमा पाकिस्तान र इमर्जिङ टिम्स एसिया कप जुलाईमा हुनेछ।

नेपालको टोली :

रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, आरिफ शेख, सोमपाल कामी, दीपेन्द्रसिंह ऐरी, गुलशन झा, करण केसी, सन्दीप लामिछाने, भीम सार्की, प्रतिश जि.सी र ललित राजवंशी ।

कतारको टोली :

जाहिर इब्राहिम, कमरान खान, इमाल लियानागे, मोहम्मद रिजवान (कप्तान), मोहम्मद तनविर, कमरान खान, अमिर, बलिद विटिल, इकरामुउल्लाह खान, मोहम्मद मुरद, गायन मुनाविरा, मोहम्मद नदिम, ओवैस र सानदुन ।

अंक तालिका

समूह ए मा ओमान ४ खेलमा ३ मा जित र १ मा हारसहित ६ अंकका साथ शीर्ष स्थानमा छ । नेपाल ३ खेलमा २ मा जित र एक खेलमा अंक बाँड्दै ५ अंकका साथ दोस्रो स्थानमा छ ।

मलेसिया ४ खेलमा २ मा जित र २ मा हारसहित ४ अंकका साथ तेस्रो स्थानमा रहेर बाहिरियो । साउदी ४ खेलमा १ मा जित, २ मा हार १ खेलमा अंक बाँड्दै ३ अंकका साथ चौथो स्थानमा रहेर बाहिरियो । कतार ३ खेलमा जित विहीन हुँदै पुछारमा रहेर बाहिरिएको थियो ।

समूह बी मा युएई ४ खेलमा ३ मा जित र १ मा हारसहित ६ अंकका साथ शीर्षस्थानमा रहँदै सेमिफाइनलमा स्थान बनाएको छ । हङकङ ३ खेलमा २ मा जित र १ खेलमा अंक बाँड्दै ५ अंकका साथ शीर्ष स्थानमा छ । कुवेत ३ खेलमा २ मा जित र १ मा हारसहित ४ अंकका साथ तेस्रो स्थानमाछ ।

बहराइन ४ खेलमा १ मा जित, २ खेलमा हार र १ खेलमा अंक बाँड्दै ३ अंकका साथ चौथो स्थानमा रहेर बाहिरियो । सिंगापुर सबै खेलमा जित विहीन हुँदै बाहिरियो ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.