2 years ago
April 26, 2023
एजेन्सी – कोलकाता नाइट राइडर्सले इन्डियन प्रिमियर लिग (आइपिएल) २०२३ को ३६ औं खेलमा रोयल च्यालेन्जर्स बेंगलोरलाई २१ रनले पराजित गरेको छ । कोलकाता तेस्रो जितका साथ अंक तालिकामा सातौं स्थानमा उक्लिएको छ ।
जितको लागि २ सय १ रनको विशाल विजयी लक्ष्य पछ्याएको बेंगलोरले निर्धारित २० ओभरमा ८ विकेट गुमाउँदै १ सय ७९ रन बनायो । बेंगलोरका कार्यवाहक कप्तान विराट कोहलीले ३७ बलमा ६ चौकासहित सर्वाधिक ५४ रन बनाएपनि टोलीको हार टार्न सकेनन् ।
कोहली आन्द्रे रसेलको १३ औं ओभरको पहिलो बलमा विराट कोहली डिप मिडविकेटमा वेंकटेश ऐरबाट क्याच आउट भएपछि जितको सम्भावना कठिन बनेको थियो । फाफ डु प्लेसिस ७ बलमा १ चौका र २ छक्कासहित १७ र ग्लेन म्याक्सवेल ५ रनमा आउट भएपछि दबाबमा परेको थियो ।
शहबाज अहमद २, दीनेश कार्तिक २२ र सुयश प्रभुदेशाई १० र वानिन्दु हसरंगा ५ रनमा आउट भए । युवा खेलाडी महिपाल लोमरोेर १८ बलमा १ चौका र १ छक्कासहित २२ रनमा आउट भए । डेविड विल्ली ११ र विजयकुमार १३ रनमा नटआउट रहे ।
कोलकाताको जितमा बरुण चक्रवर्तीले ४ ओभरमा २७ रन खर्चेर ३ विकेट लिए । सुयश शर्माले ४ ओभरमा ३० रन खर्चेर २ विकेट लिए । आन्द्रे रसेलले ४ ओभरमा २८ रन खर्चेर २ विकेट लिए ।
त्यसअघि चिन्नास्वामीमा टस हारेर पहिला ब्याटिङको निम्तो पाएको कोलकाताले निर्धारित २० ओभरमा ५ विकेट गुमाउँदै २ सय रन बनाएको थियो । कोलकाताको जितमा ओपनर जेसन रोयले २९ बलमा ४ चौका र ५ छक्कासहित सर्वाधिक ५६ रन बनाएका थिए । कोलकातालाई ओपनर नारायण जगदिशन र जेसन रोयले ९.२ ओभरमा ८३ रनको साझेदारी गर्दै राम्रो सुरुवात दिलाएका थिए ।
विजय कुमार वैश्यकको बलमा जगदीशन २९ बलमा ४ चौकासहित २७ रनमा डेविड विल्लीबाट क्याच आउट भए । विजयकुमारले नै अर्का ओपनर रोयलाई बोल्ड आउट गरेका थिए । कप्तान नितिश राणा २१ बलमा ३ चौका र ४ छक्कासहित ४८ रनमा आउट भए । वेंकटेश ऐर २६ बलमा ३ चौकासहित ३१ रनमा आउट भए । रिंकु सिंह १० बलमा २ चौका र १ छक्कासहित १८ रनमा अविजित रहे ।
डेविड विजा ३ बलमा २ छक्कासहित १२ रनमा अविजित रहे । मोहम्मद शिराजले आन्द्रे रसेललाई योर्करमा एक रनमा बोल्ड गरे ।
बेंगलोरका वानिन्दु हसरंगाले ४ ओभरमा २४ रन खर्चेर २ विकेट लिए । विजयकुमारले ४ ओभरमा ४१ रन खर्चेर २ विकेट लिए । मोहम्मद शिराजले ४ ओभरमा ३३ रन खर्चेर १ विकेट लिएका थिए ।
बेंगलोरले अव सोमबार लखनऊ सुपर जायन्ट्ससँग खेल्नेछ । कोलकाताले शनिबार गुजरात टाइटन्ससँग खेल्नेछ । कोलकाता ८ खेलमा ३ मा जित र ५ मा हारसहित ६ अंकका साथ सातौं स्थानमा छ ।
बेंगलोर ८ खेलमा ४ मा जित र ४ मा हारसहित पाँचौं स्थानमा छ । चेन्नई सुपर किंग्स ७ खेलमा ५ मा जितसहित १० अंकका साथ शीर्ष स्थानमा छ ।
May 20, 2025
काठमाडौं (हाम्रो खेलकुद)- थाइल्याण्डले आइसिसी महिला टि२० विश्वकप एसिया छनोटको उपाधि जितेको छ। नेपाललाई आज ७८ रनको फराकिलो अन्तरले हराउँदै आयोजक थाइल्याण्ड च्याम्पियन बनेको हो। ग्लोबल क्वालिफायरमा नेपाल र थाइल्याण्ड दुवै छनोट भैसकेका छन्। टेडथाइई क्रिकेट मैदानमा १ सय ५९ रनको विशाल लक्ष्य पछाएको नेपाल २० ओभरमा ९ विकेट गुमाउँदै मात्र ८० रनमा समेटियो। नेपालले […]
May 20, 2025
काठमाडौं (हाम्रो खेलकुद) – आइसीसी महिला टि२० विश्वकपको एसिया क्षेत्र छनोटको उपाधि जित्न नेपाललाई थाइल्याण्डले १ सय ५९ रनको बलियो लक्ष्य प्रस्तुत गरेको छ । नेपालले टस जितेर पहिलो फिल्ड गर्ने निर्णय लिएपनि थाइल्याण्डलाई रोक्न सकेन । ओपनर नाताया बुचाथाम र नानापात कोन्चरोएन्काइले अर्धशतक प्रहार गरेपछि थाइल्याण्डले २० ओभरमा २ विकेट गुमाउँदै १ सय ५८ […]
May 20, 2025
काठमाडौं (हाम्रो खेलकुद) – आइसीसी महिला टि२० विश्वकप एसिया क्षेत्र छनोट अन्तर्गत सुपर थ्री को अन्तिम खेलमा नेपालले थाइल्याण्डविरुद्ध टस जितेर पहिलो फिल्डीङ गर्ने निर्णय लिएको छ । प्रतियोगिताको उपाधि जित्न नेपालले यो खेल जित्नुपर्ने हुन्छ । नेपाल र थाइल्याण्ड दुवै सुपर थ्री को शीर्ष दुईमा रहेर विश्वकपको ग्लोबल छनोटमा भने अघि बढिसकेका छन् । […]