2 years ago
April 27, 2023
एजेन्सी – दुई दोहोरो शतकसँगै घरेलु टोली श्रीलंकाले दोस्रो टेस्ट खेलमा आयरल्यान्डविरुद्ध रनको पहाड बनाएको छ । चौथो दिन श्रीलंकाले पहिलो इनिङ ७०४/३ को अवस्थामा इनिङ समाप्तिको घोषणा गर्यो । टेस्ट इतिहासमा एकै इनिङमा सर्वाधिक रनको कीर्तमान श्रीलंकाकै नाममा छ । सन् १९९७ मा श्रीलंकाले भारतविरुद्ध ९५२/६ को इनिङ बनाउँदै इतिहास रचेको थियो ।
आयरल्यान्डविरुद्ध श्रीलंकाका कुशल मेन्डिसले २ सय ९१ बलमा १८ चौका र ११ छक्कासहित सर्वाधिक २ सय ४५ रनको दोहोरो शतकीय इनिङ खेले । युवा ओपनर निशान मदुशका ३ सय ३९ बलमा २२ चौका र १ छक्कासहित २ सय ५ रनमा आउट भए ।
यो कुशल र निशान दुबैको करिअरको पहिलो दोहोरो शतक हो । दोस्रो विकेटका लागि यी दुई ब्याटरले २ सय ६८ रनको साझेदारी गरेका थिए ।
पहिलो विकेटका लागि कप्तान दिमुथ करुणारत्ने र निशानले २ सय २८ रनको साझेदारी गरेका थिए । करुणारत्ने १ सय ३३ बलमा १५ चौकासहित १ सय १५ रनमा आउट भए । अनुभवी ब्याटर एन्जिलो म्याथ्युजले १ सय १४ बलमा ६ चौका र ४ छक्कासहित १ सय रनमा अविजित रहे ।
दोस्रो इनिङमा आयरल्यान्ड ५४-२ को अवस्थामा चौथो दिनको खेल सकिएको छ । आयरल्यान्ड १ सत्रय ५८ रनले पछि छ ।
त्यसअघि आयरल्यान्ड दोस्रो टेस्टको दोस्रो दिन पहिलो इनिङमा ४ सय ९२ रनमा अल आउट भएको थियो । यो आयरल्यान्डले आफ्नो टेस्ट इतिहासमा बनाएको उच्च योगफल थियो ।
आयरल्यान्डको यस अघि टेस्टमा उच्च योगफल २०१८ पाकिस्तानविरुद्ध ३ सय ३९ रन थियो । आयरल्यान्डका युवा अलराउन्डर कर्टिस क्याम्फरले २ सय २९ बलमा १५ चौका र २ छक्कासहित सर्वाधिक १ सय ११ रनको सानदार शतकीय इनिङ खेलेका थिए । त्यस्तै स्टर्लिङले १ सय ८१ बलमा ९ चौका र ४ छक्कासहित १ सय ३ रनमा आउट भएका थिए ।
कप्तान एन्डी बालबिर्नी १ सय ६३ बलमा १४ चौकासहित ९५ बनाउँदै शतक बनाउनबाट चुके । युवा विकेटकिपर लोर्कान टकर १ सय ६ बलमा १० चौकासहित ८० रनमा आउट भएका थिए ।
श्रीलंकाका स्पिनर प्रवथ जयसूर्याले सर्वाधिक पाँच विकेट लए । दुई टेस्ट खेलको सिरिजमा श्रीलंका १–० ले अघि छ । पहिलो खेलमा श्रीलंका २ सय ८० रनको इनिङ अन्तरले विजयी भएको थियो ।
June 14, 2025
काठमाडौं (हाम्रो खेलकुद) – पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी जिल्ला स्तरीय पाँचपोखरी टि२० क्रिकेट प्रतियोगिताको सेमिफाइनल समीकरण पूरा भएको छ । कीर्तिपुरस्थित त्रिवि क्रिकेट मैदानमा समूह ‘ए’ बाट पाँचपोखरी क्रिकेट क्लब र द माइटी साँगाचोक क्लब तथा समूह ‘बी’बाट मेलम्ची नगरपालिका र भोटेचौर स्पोर्टस क्लबले अन्तिम चारको यात्रा तय […]
June 14, 2025
एजेन्सी – दक्षिण अफ्रिकाले अस्ट्रेलियालाई ५ विकेटले पराजित गर्दै वर्ल्ड टेस्ट च्याम्पियनसिपको उपाधि जितेको छ। दक्षिण अफ्रिकाले लामो समयदेखि प्रतीक्षित अन्तर्राष्ट्रिय उपाधि जित्ने सपना पूरा गरेको छ। दक्षिण अफ्रिकाको सिनियर क्रिकेट टोलीले सन् १९९८ पछि पहिलो पटक आइसिसी उपाधि जितेको हो। दक्षिण अफ्रिकाले जितको लागि दोस्रो इनिङ्समा २ सय ८२ रनको लक्ष्य पाएको थियो। चौथो […]
June 14, 2025
सुर्खेत (हाम्रो खेलकुद)- मधेश प्रदेशले टिबी शाह स्मृति प्रथम यु १६ राष्ट्रिय क्रिकेट प्रतियोगिताको उपाधि जितेको छ। वीरेन्द्रनगरको कालुंगचोक मैदानमा शनिवार भएको फाइनलमा बागमतीलाई ७ विकेटले हराउँदै मधेशले उपाधि जितेको हो। लिग चरणमा बागमतीले मधेशलाई हराएको थियो। १ सय १३ रन लक्ष्य पछ्याएको मधेशले १३.४ ओभरमा मात्र ३ विकेट गुमाएर पूरा गरेको थियो। ओपनर आयान […]