1 year ago
April 28, 2023
एजेन्सी – ओपनर फखार जमानको शतकमा पाकिस्तानले पहिलो ओडिआई खेलमा न्युजिल्यान्डलाई ५ विकेटले पराजित गरेको छ । योसँगै पाँच ओडिआई खेलको सिरिजमा पाकिस्तानले १–० को अग्रता लिएकोछ।
जितको लागि २ सय ८९ रनको बलियो विजयी लक्ष्य पछ्याएको पाकिस्तानले ४८.३ ओभरमा ५ विकेट गुमाउँदै पूरा गर्यो । पाकिस्तानको जितमा ओपनर फखार जमानले १ सय १४ बलमा १३ चौका र १ छक्कासहित सर्वाधिक १ सय १७ रनको योगदान दिए ।
अर्का ओपनर इमाम उल हक ६५ बलमा ५ चौका र १ छक्कासहित ६० रनमा आउट भए । पहिलो विकेटका लागि ओपनर फखार जमान र इमाम उल हकले २१.२ ओभरमा १ सय २४ रनको शतकीय साझेदारीका साथ राम्रो सुरुवात दिलाएका थिए ।
कप्तान बाबर आजम ४६ बलमा ३ चौका र १ छक्कासहित ४९ रनमा आउट भए । मोहम्मद रिजवान ३४ बलमा ६ चौका र १ छक्कासहित ४२ रनमा अविजित रहे ।
न्युजिल्यान्डका एडम मिल्नेले ९ ओभरमा ६० रन खर्चेर २ विकेट लिए । ब्लेयर टिकनर, ईश सोधी र रचिन रविन्द्रले समान एक विकेट लिए ।
त्यसअघि रावलपिंडी क्रिकेट स्टेडियममा टस हारेर पहिला ब्याटिङको निम्तो पाएको न्युजिल्यान्डले निर्धारित ५० ओभरमा ७ विकेट गुमाउँदै २ सय ८८ रन बनाएको थियो । न्युजिल्यान्डका डर्याल मिचेलले १ सय १५ बलमा ११ चौका र १ छक्कासहित सर्वाधिक १ सय १३ रन बनाएपनि जितको लागि पर्याप्त हुन सकेन ।
ओपनर विल योंग ७८ बलमा ८ चौका र २ छक्कासहित ८६ रनमा आउट भए । चाद बोवेस १८, टम लाथम २०, मार्क च्यापम्यान १५, हेनरी निकोलस २० र रचिन रविन्द्र ९ रनमा आउट भए । पाकिस्तानका शाहिन शाह अफ्रिदी, नसिम शाह र हरिस रौफले समान दुई दुई विकेट लिए । दोस्रो खेल शनिबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]