1 year ago
April 29, 2023
काठमाडौं (हाम्रो खेलकुद) – नेपालले एसिसी प्रिमियर कपको पहिलो सेमिफाइनल खेलमा आज कुवेतसँग खेल्दैछ । खेल बिहान ९ बजे टियु क्रिकेट मैदानमा सुरु हुनेछ । घरेलु टोली नेपाल समूह ए को विजेता र कुवेत समूह बी को उपविजेताको रुपमा सेमिफाइनलमा स्थान बनाएका हुन् ।
नेपाल कुवेतलाई हराउँदै फाइनलमा स्थान पक्का गर्न चाहन्छ । तर कुवेतदेखी भने नेपाल सजग छ । कुवेतले समूह चरणको अन्तिम खेलमा हङकङलाई ३० रनले हराउँदै सेमिफाइनलमा स्थान बनाएको थियो । उक्त खेलमा कुवेतले मुलपानी मैदानमा २ सय ७२ रन बनाएको थियो । कुवेत पनि घरेलु टोली नेपाललाई स्तब्ध पार्दै फाइनलमा पुग्न चाहन्छ।
उता आजकै दोस्रो सेमिफाइनल खेलमा युएई र ओमानबीच मुलपानीमा प्रतिस्पर्धा हुनेछ । योसँगै मुलपानी मैदान विश्वको २ सय १६ औं ओडिआई मैदान बन्नेछ । नेपालले आजको टोलीमा एक परिवर्तन गर्ने सम्भावना छ।
कतारविरुद्ध विश्राम दिएका तीव्र गतिका बलर करण केसी टोलीमा फर्किदा गुलशन झा बेन्चमा बस्ने उच्च सम्भावना देखिन्छ । गुलशनको बलिङ त्यति धेरै प्रभावकारी नहुँदा करणलाई नै पहिलो रोजाईमानै निरन्तरता दिनेछ ।
ज्ञानेन्द्र मल्ल र प्रतिश जि.सी आज पनि बेन्चमा बस्ने सम्भावना छ । नेपालका ओपनर आसिफ शेख र कुशल भुर्तेल यस प्रतियोगितामा चलेका छैनन् । उनीमाथि नेपालले थप विश्वास गर्ने हुँदा ज्ञानेन्द्र बेन्चमा नै बस्ने सम्भावना छ । अन्य खेलाडी परिवर्तन गर्ने सम्भावना भने छैन ।
नेपालको ब्याटिङ १० नम्बर सम्म छ । त्यसैले सबै ब्याटरले जिम्मेवारी प्रदर्शन गर्नुपर्ने हुन्छ । भीम सार्की, रोहित पौडेल र कुशल मल्लको प्रदर्शन निकै महत्वपूर्ण हुनेछ । उता स्पिनर सन्दीप लामिछाने नेपालका प्रमुख हतियार हुन् । उनको उत्कृष्ट प्रदर्शन बिना नेपाललाई जित निकाल्न कठिन पर्नसक्छ ।
कतारलाई हराउन सन्दीपले ४२ रन बनाउनुको साथै ५ विकेट लिएका थिए । उनलाई ललितनारायण राजवंशीले अर्को एण्डबाट साथ दिनेछन् । करण र सोमपाल कामीबाट नेपाल पावर प्लेमा पनि उत्कृष्ट सुरुवात चाहन्छ ।
नेपालको बायाँ हाते (देब्रे) बलरसँग त्यति राम्रो इतिहास छैन । कतारविरुद्ध १ सय ५७ रनमा अल आउट हुनुको मुख्य कारण नै त्यहि थियो । उता कुवेतमा यासिन पटेल र मोहम्मद अस्लाम बायाँ हाते स्पिनर हुन् । नेपालको कमजोरीको फाइदा उठाउन सक्छन् । नेपाल सजग रहनु पर्छ ।
उता कुवेतको तुलनात्मक रुपमा बलिङ र फिल्डिङ कमजोर रहेपनि ब्याटिङमा भने सानदार प्रदर्शन गर्दै आएको छ । ब्याटिङ नै कुवेतको प्रमुख हतियार हो । कुवेती ब्याटर विष्फोटक ब्याटिङमा प्रभाव जमाउँदै आएका छन् । मुलपानी मैदानमै कुवेतले हङकङविरुद्ध २ सय ७२ रन बनाउँदै जितको आधार तय गरेको थियो ।
ओपनर आदनान इद्रिसले यस प्रतियोगितामा ३ खेलमा १ सय ३९ रन बनाएका छन् । सैयद मोनिब यस प्रतियोगितामा सर्वाधिक स्ट्राइक रेटमा ब्याटिङ गर्ने ब्याटर समेत हुन् । युवा ब्याटर मित भावसार कुवेतका ठूला आसालाग्ला ब्याटर हुन् । यी तीन ब्याटरको प्रदर्शनले कुवेतको योगफल धेरै निर्धारण गर्नेछ ।
मितले अघिल्लो वर्ष नेपाली यू-१९ टोलीलाई हराउन उनले एक्लै १ सय ७५ रनको अविजित इनिङ खेलेका थिए । डेब्यू खेलमै युएईविरुद्ध ७ छक्का हानेका परविन्दरबाट पनि नेपाल सजग हुनुपर्छ ।
आदनान इद्रिस, रविजा सानदरवान, परविन्दर कुमार, मोहम्मद अस्लाम, मित भावसर, शिराज खान, उस्मान पटेल र सैयद मोनिब कुवेतक ब्याटर हुन् । जसमा मोनिब, परविन्दर र इद्रिस घातक बन्न सक्छन् ।
युवा स्पिनर यासिन पटेलको यस प्रतियोगितामा प्रदर्शन सानदार छ । यस प्रतियोगिताकै सर्वाधिक उत्कृष्ट २.८२ को इकोनमीमा बलिङ गरेका छन् । यासिन पटेल, मोनिब र शाहरुख क्युदुस कतारका प्रमुख बलर हुन् ।
कुवेत विना दबाब क्रिकेट खेल्ने छ । उसलाई गुमाउनु केहि हुनेछैन । विना दबाब आफ्नो उत्कृष्ट क्रिकेट खेल्न चाहन्छ । नेपाली दर्शक सामू खेल्न भने केहि कठिन हुनसक्छ । उनीहरुले नेपाली दर्शक जस्तो भिडमा खेल्ने अवसर पाएका छैनन् ।
हेड ट हेड :
नेपालले कुवेतसँग ५० ओभरको खेलमा पछिल्लो पटक २०१२ मा खेलेको थियो । एसिसी इलिट ट्रफीमा नेपाल कुवेतसँग ४ विकेटले पराजित भएको थियो । पारस खड्का १ सय ६ र ज्ञानेन्द्र मल्लले ५३ रन बनाएपछि कुवेतलाई २ सय ८१ रनको लक्ष्य दिएको थियो । उक्त लक्ष्य कुवेतले ४६.२ ओभरमै पुरा गरेको थियो । नेपालले पछिल्लो पटक कुवेतसँग टि२० विश्वकप छनोट २०१९ मा खेलेको थियो ।
फाइनल सोमबार हुनेछ । यस प्रतियोगिता विजेता टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछ । एसिया कपमा भारत र पाकिस्तानसँग खेल्न पाउनेछ । त्यस्तै आज सेमिफाइनलमा पराजित भएका दुई टोलीबीच तेस्रो स्थानका लागि प्रतिस्पर्धा हुनेछ । फाइनलमा पुग्ने दुई र तेस्रो स्थानमा रहने तीन टोली गरि ३ टोलीले आगमी जुनमा एसिसी इमर्जिङ टिम्स एसिया कप खेल्न पाउनेछ ।
मौसम :
आज काठमाडौंमा हल्का वर्षा हुने सम्भावना छ । यदि वर्षाको कारण नतिजा नभएमा खेल सुपर ओभरको हुनेछ । सुपर ओभर पनि हुन नसकेमा नेपाल र युएई समूह विजेताको रुपमा फाइनलमा स्थान बनाउनेछन् ।
कुवेतको टोली :
मोहम्मद अस्लाम (कप्तान), आदनान इद्रिस, सैयद मोनिब, उस्मान पटेल, बिलाल ताहिर, मोहम्मद अमिन, रजिवा संदरुवान, मित भावसार, शिराज खान, परविन्दर कुमार, यसिन इशक पटेल, क्लिन्टो एन्टो, शाहरुख कुद्दुस र इलियास अहमद ।
नेपालको टोली :
रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, आरिफ शेख, सोमपाल कामी, दीपेन्द्रसिंह ऐरी, गुलशन झा, करण केसी, सन्दीप लामिछाने, भीम सार्की, प्रतिश जि.सी र ललित राजवंशी ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]