3 years ago
April 30, 2023
काठमाडौं (हाम्रो खेलकुद) – नेपालले एसिसी प्रिमियर कपको फाइनलमा सोमबार युएईसँग खेल्दैछ । खेल बिहान ९ बजे टियु क्रिकेट मैदानमा सुरुहुनेछ । नेपाल उपाधि जित्दै एसिया कपमा भारत र पाकिस्तानसँग खेल्न चाहन्छ ।
नेपालले सेमिफाइनल खेलमा कुवेतको टोलीबाट परिवर्तन गर्ने सम्भवना भने देखिदैन । नेपालले पछिल्लो समय करण केसीको स्थानमा गुलशन झालाई मौका दिँदै आएको छ । कुवेतविरुद्ध करण केसीले ४.३ ओभरमा १ मेडनसहित १० रन खर्चेर ५ विकेट लिएका थिए । करणले पावर प्लेमा सानदार प्रदर्शन गरेका हुँदा उनलाई टोलीबाट बेन्चमा राख्ने कल्पना गर्न सकिदैन ।
अर्को परिवर्तन गर्नसक्ने नाम दीपेन्द्रसिंह ऐरी हुन् । तर दीपेन्द्र ब्याटिङमा चल्न नसकेपनि फिल्डिङ र बलिङमा भने लगातार सानदार प्रदर्शन गर्दै आएका छन् । त्यसैको कारण टोलीले उनलाई बेन्चमा राख्ने जोखिम लिने सम्भावना देखिदैन । टोलीमा त्यसैले परिवर्तन गर्ने सम्भावना भने देखिदैन ।
ओपनरमा आसिफ शेख र कुशल भुर्तेल हुनेछन् । कुवेतविरुद्ध आसिफ र कुशलले ७७ रनको साझेदारी गरेका थिए । यी दुई युवा ओपनरबाट नेपाल राम्रो सुरुवात चाहन्छ । तेस्रो नम्बरमा भीम सार्की हुनेछन् । भीमबाट नेपाल परिपक्क प्रदर्शन चाहन्छ । चौथो नम्बरमा रोहित पौडेल हुनेछन् । रोहित नेपालका प्रमुख ब्याटर हुन् । रोहितले कुवेतविरुद्ध ९४ रनको इनिङ खेलेका थिए ।
पाँचौं नम्बरमा कुशल मल्ल हुनेछन् । कुशलले यस प्रतियोगितामा एक शतक र दुई अर्धशतक प्रहार गरेका छन् । ओमानविरुद्ध ५९ बलमै शतक हानेका कुशलबाट नेपालले ठूलो अपेक्षा राख्नेछ । त्यसपछि आरिफ शेख र दीपेन्द्र हुनेछन् । यी दुबै ब्याटरले उच्च प्रदर्शन गर्नुपर्ने हुन्छ ।
नेपालको ब्याटिङमा गहिराई छ । तल्लोक्रममा सोमपाल कामी, करण केसी र सन्दीप लामिछाने हुनेछन् । यी तीन खेलाडीलाई नेपालले परिस्थीति अनुसार ब्याटिङ गराउनेछ । तीव्र गतिका बलरमा करण र सोमपालको जोडी हुनेछ । यी दुई तीव्र गतिका बलरबाट नेपाल पावर प्लेमा उत्कृष्ट सुरुवात चाहन्छ ।
स्पिनर सन्दीप लामिछाने नेपालका प्रमुख बलर हुन् । सन्दीपबाट नेपालले मध्यक्रममा उत्कृष्ट प्रदर्शनको अपेक्षा गर्नेछ । दोस्रो स्पिनरमा ललितनारायण राजवंशी हुनेछन् । पार्टटाइमा दीपेन्द्र र कुशल हुनेछन् । तीव्र गतिका बलरमा आरिफ शेख पार्टटाइम बलर हुनेछन् ।
नेपालको सम्भावित प्लेइङ ११ :
आसिफ शेख (विकेटकिपर), कुशल भुर्तेल, भीम सार्की, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, सोमपाल कामी, करण केसी, सन्दीप लामिछाने र ललित नारायण राजवंशी ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
