default_image

1 year ago

May 1, 2023

डेविडको विष्फोटक ब्याटिङमा मुम्बईको सानदार जित

114 views

0 Bookmark

एजेन्सी – फिनिसर टिम डेविडको विष्फोटक ब्याटिङमा मुम्बई इन्डियन्सले इन्डियन प्रिमियर लिग (आइपिएल) २०२३ को ४२ औं खेलमा राजस्थान रोयल्सलाई ६ विकेटले हराएको छ । चौथो जितका साथ मुम्बईले प्लेअफमा सम्भावना कायमै राखेको छ ।

जितको लागि २ सय १३ रनको विजयी लक्ष्य पछ्याएको मुम्बईले १९.३ ओभरमा ४ विकेट गुमाउँदै पूरा गर्यो । टिम डेविड १४ बलमा २ चौका र ५ छक्कासहित ४५ रनमा अविजित रहे । तिलक बर्मा २१ बलमा ३ चौका र १ छक्कासहित २९ रनमा अविजित रहे ।

सूर्यकुमार यादव २९ बलमा ८ चौका र २ छक्कासहित ५५ रनमा आउट भए । ओपनर रोहित शर्मा ३ र ईशान किशन २८ रनमा आउट भएका थिए । क्यामरन ग्रीन २६ बलमा ४ चौका र २ छक्कासहित ४४ रनमा आउट भए ।

राजस्थानका रविचन्द्रन आश्विनले ४ ओभरमा २७ रन खर्चेर २ विकेट लिए । ट्रेन्ट बोल्ट र सन्दीप शर्माको नाममा समान एक विकेट रह्यो ।

त्यसअघि वानखडेमा टस जितेर पहिला ब्याटिङको निम्तो पाएको राजस्थानले निर्धारित २० ओभरमा ७ विकेट गुमाउँदै २ सय १२ रन बनाएको थियो । राजस्थानका युवा ओपनर यशस्वी जैसवालले ६२ बलमा १६ चौका र ८ छक्कासहित १ सय २४ रनको सानदार शतकीय इनिङ खेलेपनि टोलीको हार टार्न सकेनन् । उनले ५३ बलमा आफ्नो आइपिएल करिअरको पहिलो शतक हानेका थिए ।

एकतर्फबाट निरन्तर विकेट गुमेपनि अर्कोतर्फबाट जैसवालले सानदार प्रदर्शन गर्दै राजस्थानलाई विशाल योगफलमा पुर्याएका थिए । पहिलो विकेटका लागि जस बटलर र जैसवालले ७.१ ओभरमा ७२ रनको साझेदारी गर्दै राम्रो सुरुवात दिलाएका थिए ।

बटलर १९ बलमा २ चौका र १ छक्कासहित १८ रनमा आउट भए । राजस्थानका सञ्जु स्यामसन १४, देवदत्त पाडिक्कल २, जेसन होल्डर ११, शिम्रन हेटमायर ८ र ध्रुव जुरेल २ रनमा आउट भएका थिए ।

मुम्बईका पियुष चवालाले ४ ओभरमा ३४ रन खर्चेर २ विकेट लिए । जोफ्रा आर्चरले ४ ओभरमा ३५ रन खर्चेर १ विकेट लिए । राइली मेरीडिथले ४ ओभरमा ५१ रन खर्चेर १ विकेट लिए । अर्शद खानले ३ ओभरमा ३९ रन खर्चेर ३ विकेट लिए ।

मुम्बई ८ खेलमा ४ मा जित र ४ मा हारसहित सातौं स्थानमा छ । राजस्थान ९ खेलमा ५ मा जित र ४ मा हारसहित १० अंकका साथ तेस्रो स्थानमा छ । गुजरात ८ खेलमा ६ मा जित र २ मा हारसहित १२ अंकका साथ शीर्ष स्थानमा छ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.