default_image

1 year ago

May 4, 2023

पाकिस्तानलाई दुई खेल अगावै सिरिज

74 views

0 Bookmark

एजेन्सी – पाकिस्तानले तेस्रो ओडिआई खेलमा न्युजिल्यान्डलाई २६ रनले हराउँदै दुई खेल अगावै सिरिज जितेको छ । पाँच खेलको ओाडिआई सिरिजमा पाकिस्तानले ३–० को अग्रता लिएको छ ।

जितको लागि २ सय ८८ रनको विजयी लक्ष्य पछ्याएको न्युजिल्यान्ड ४९.१ ओभरमा २ सय ६१ रनमा अल आउट भयो । न्युजिल्यान्डका ओपनर टम ब्लन्डेलले ७८ बलमा ७ चौकासहित सर्वाधिक ६५ रन बनाए ।

अर्का ओपनर विल योंग ४१ बलमा ३ चौकासहित ३३, डर्याल मिचेल २१, मार्क च्यापम्यान १३, हेनरी निकोलस १, एडम मिल्ने ३ र हेनरी शिफ्ले ७ रनमा आउट भए ।

कोले म्याककोन्ची ४५ बलमा ६ चौका र २ छक्कासहित ६४ रनमा नटआउट रहँदा टम लाथम ६० बलमा ३ चौकासहित ४५ रनमा आउट भए । पाकिस्तानका शाहिन अफ्रिदी, नसिम शाह र मोहम्मद वासिम जुनियरले समान दुई विकेट लिए ।

त्यसअघि नेशनल स्टेडियम कराँचीमा टस हारेर पहिला ब्याटिङको निम्तो पाएको पाकिस्तानले निर्धारित ५० ओभरमा ६ विकेट गुमाउँदै २ सय ८७ रन बनाए । पाकिस्तानका इमाम उल हकले १ सय ७ बलमा ७ चौका र १ छक्कासहित सर्वाधिक ९० रनको योगदान दिए । अर्का ओपनर फखार जमान १९ रनमा आउट भए ।

कप्तान बाबर आजम ६२ बलमा ३ चौका र १ छक्कासहित ५४, अब्दुल्लाह शफिक १९, मोहम्मद रिजवान ३२ र अघा सलमान ३१ रनमा आउट भए । मोहम्मद नवाज ११ र शादब खान २१ रनमा नटआउट रहे ।

न्युजिल्यान्डका म्याट हेनरीले १० ओभरमा २ मेडनसहित ५४ रन खर्चेर ३ विकेट लिए । एडम मिल्नेले १० ओभरमा १ मेडनसहित ५६ रन खर्चेर २ विकेट लिए । पाकिस्तान पहिलो खेलमा ५ विकेट र दोस्रो खेलमा ७ विकेटले विजयी भएको थियो । चौथो खेल शुक्रबार र पाँचौं खेल आइतबार हुनेछ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.