एजेन्सी – ओपनर ऋद्धिमान शाह र शुभमन गिलको सानदार ब्याटिङमा गुजरात टाइटन्सले इन्डियन प्रिमियर लिग(आइपिएल) २०२३ को ५१ औं खेलमा लखनऊ सुपर जायन्ट्सलाई २ सय २८ रनको विशाल लक्ष्य दिएको छ । नरेन्द्र मोदी स्टेडियम अहमदाबादमा टस हारेर पहिला ब्याटिङको निम्तो पाएको गुजरातले निर्धारित २० ओभरमा २ विकेट गुमाउँदै २ सय २७ रन बनायो ।

गुजरातका ओपनर शुभमन गिल ५१ बलमा २ चौका र ७ छक्कासहित सर्वाधिक ९४ रनमा नटआउट रहे । अर्का ओपनर ऋद्धिमान शाहले ४३ बलमा १० चौका र ४ छक्कासहित ८१ रनको सानदार इनिङ खेल्दै आउट भएका थिए । पहिलो विकेटका लागि गिल र शाहले १२.१ ओभरमा १ सय ४२ रनको सानदार शतकीय साझेदारीका साथ विशाल योगफलको आधार तय गरेका थिए । शाह आवेश खानको बलमा वैकल्पिक फिल्डर प्रेराक मांकडबाट क्याच आउट भए ।

हार्दिक १५ बलमा १ चौका र २ छक्कासहित २५ रनमा आउट भए । डेविड मिलर १२ बलमा २ चौका र १ छक्कासहित २१ रनमा नटआउट रहे ।

लखनऊका मोहसिन खानले ३ ओभरमा ४२ रन खर्चेर १ विकेट लिए । आवेश खानले ४ ओभरमा ३४ रन खर्चेर १ विकेट लिए । यस खेलमा गुजरातको हार्दिक र लखनऊको क्रुनालगरि दुई पान्ड्या दाजुभाइले कप्तानी गरेका छन् ।