default_image

2 years ago

May 8, 2023

नाटकीय खेलमा हैदराबादको कीर्तिमानी जित

267 views

0 Bookmark

एजेन्सी – सनराइजर्स हैदराबादले इन्डियन प्रिमियर लिग (आइपिएल) २०२३ को ५२ औं खेलमा राजस्थान रोयल्समाथी नाटकीय रुपमा ४ विकेटको कीर्तिमानी जित हात पारेको छ ।

जितको लागि २ सय १५ रनको विशाल विजयी लक्ष्य पछ्याएको हैदराबादले निर्धारित २० ओभरमा ६ विकेट गुमाउँदै पूरा गर्यो । हैदराबादले यो आफ्नो आइपिएल इतिहासकै सर्वाधिक ठूलो लक्ष्य पूरा गरेको हो । यसअघि हैदराबादले सर्वाधिक ठूलो लक्ष्य २०१९ मा नै राजस्थान रोयल्सविरुद्ध १ सय ९९ रनको लक्ष्य पूरा गरेको थियो । आइपिएल इतिहासमै सर्वाधिक ठूलो जित भने २०२० मा राजस्थानले पन्जाब किंग्सविरुद्ध २ सय २४ रनको लक्ष्य पूरा गरेको थियो ।

हैदराबादलाई जितको लागि अन्तिम १२ बलमा ४१ रन चाहिँएको थियो । १९ औं ओभरमा तीव्र गतिका बलर कुलदीप यादवलाई ग्लेन फिलिप्सले सुरुवातीन तीन बलमा छक्का र चौथो बलमा चौकासहित कुल २४ रन जोडेका थिए । फिलिप्स भने पाँचौं बलमा शिम्रन हेटमायरबाट क्याच आउट हुन पुगेका थिए ।

अन्तिम ६ बलमा हैदराबादलई जितको लागि १७ रन चाहिँएको थियो । सन्दीप शर्माले २० औं ओभरको पहिलो बलमा अब्दुल सामदलाई दुई रन दिए । ओबेद म्याककोयले क्याच ड्रप गर्न पुगेका थिए । लगत्तै अर्को बलमा छक्का हाने । तेस्रो बलमा दुई, चौथो र पाँचौं बलमा एक एक रन दिएपछि जित नजिक पुगेको थियो । पाँचौं बल उनले डट राखेका थिए । तर नो बल भएपछि अन्तिम बलमा अब्दुल सामदले छक्का हान्दै कीर्तिमानी जित दिलाएका थिए ।

हैदराबादका ग्लेन फिलिप्स ७ बलमा १ चौका र ३ छक्कासहित २५ रन बनाउँदै खेलको प्लेयर अफ द म्याच चुनिए । ओपनर अभिषेक शर्मा ३४ बलमा ५ चौका र २ छक्कासहित ५५, अनोमलप्रीत सिंह ३३ र एडेन माक्ररम ६ रनमा आउट भए । राहुल त्रिपाठी २९ बलमा २ चौका र ३ छक्कासहित ४७ तथा हेनरिक क्लासेन १२ बलमा २ चौका र २ छक्कासहित २६ रनमा आउट भए ।

अब्दुल सामद ७ बलमा २ छक्कासहित १७ रनमा नटआउट रहे । राजस्थानका युजभेन्द्र चहलले ४ ओभरमा २९ रन खर्चेर ४ विकेट लिएपनि टोलीको हार टार्न सकेनन् । कुलदीप यादव र रविचन्द्रन आश्विनले समान एक विकेट लिए ।

त्यसअघि जयपुरमा टस जितेर पहिला ब्याटिङ रोजेको राजस्थानले निर्धारित २० ओभरमा २ विकेट गुमाउँदै २ सय १४ रन बनाएको थियो । राजस्थानका ओपनर जस बटलरले ५९ बलमा १० चौका र ४ छक्कासहित सर्वाधिक ९५ रनको योगदान दिएपनि टोलीले जित्न सकेन । तीव्र गतिका बलर भुवनेश्वर कुमारले १९ औं ओभरको तेस्रो बलमा एलबीडब्लू आउट गरेपछि बटलर आइपिएल करिअरको छैटौं शतक बनाउन पाँच रनले चुकेका थिए । भुवनेश्वरले रिभ्युका साथ पेभेलिएन फर्काएका थिए ।

दोस्रो विकेटका लागि कप्तान सञ्जु स्यामसन र जस बटलरले १ सय ३८ रनको सानदार शतकीय साझेदारी गर्दै विशाल योगफल बनाएका थिए । राजस्थानका युवा ओपनर यशस्वी जैसवालले १८ बलमा ५ चौका र २ छक्कासहित ३५ रन जोड्दै आउट भए ।

सन्जु स्यामसन ३८ बलमा ४ चौका र ५ छक्कासहित ६६ रनमा अविजित थिए । शिम्रन हेटमायर ५ बलमा ७ रनमा अविजित रहे । हैदराबादका भुवनेश्वर कुमार र मार्को यानसनले समान एक विकेट लिए ।

राजस्थान ११ खेलमा ५ मा जित र ६ मा हारका साथ १० अंकका साथ चौथो स्थानमा छ । हैदराबाद १० खेलमा ४ मा जित र ६ मा हारका साथ नवौं स्थाानमा छ । गुजरात ११ खेलमा ८ मा जित र ३ मा हारका साथ १६ अंक जोड्दै शीर्ष स्थानमा छ ।

April 27, 2025

लखनउलाई मुम्बईको चुनौतीपूर्ण लक्ष्य

एजेन्सी – ओपनर रायन रिकोन्टन र सूर्यकुमार यादवको अर्धशतकमा मुम्बई इण्डियन्सले इन्डियन प्रिमियर लिग (आइपिएल) मा लखनउ सुपर जायन्ट्सलाई २ सय १६ रनको चुनौती पेश गरेको छ। लेखनउले टस जितेर फिल्डिङ रोजेको थियो। मुम्बईले ७ विकेटको नोक्सानीमा २ सय १५ रन बनाएको छ । पछिल्ला खेलमा उत्कृष्ट प्रदर्शन गरिरहेका ओपनर रोहित शर्मा १२ रन बनाएर […]

April 26, 2025

पन्जाबका दुई खेलाडीको अर्धशतक

जेन्सी – ओपनर प्रियांस एय्यर र प्रभश्रीमन सिंहको अर्धशतकको मद्दतमा पन्जाब किंग्सले इन्डियन प्रिमियर लिग (आइपिएल) कोलकाता नाइट राइडर्सलाई‌ २ सय २ रनको लक्ष्य दिएको छ। टस जितेर पन्जाबले ब्याटिङ रोजेको थियो। प्रियांसले ६९ र प्रभश्रीमनले सर्वाधिक ८३ रन बनाए । पन्जाब ले ४ विकेटको नोक्सानीमा २ सय १ रन बनाएको छ।

April 26, 2025

पन्जाबले टस जित्यो

एजेन्सी – पन्जाब किंग्सले इन्डियन प्रिमियर लिग (आइपिएल) मा आज कोलकाता नाइट राइडर्सलविरुद्धको खेलमा टस जितेको छ। पन्जाबले टस जितेर पहिले ब्याटिङ गर्ने निर्णय गरेको‌ छ। ८ खेलमा १० अंकसहित पन्जाब पाँचौं र ६ अंकका साथ कोलकाता सातौं स्थानमा छ।

Success

Thank you for your time.