default_image

2 years ago

May 11, 2023

दिल्लीलाई हराउँदै चेन्नई प्लेअफ नजिक

156 views

0 Bookmark

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा बुधबार दिल्ली क्यापिटल्सलाई पराजित गर्दै प्लेअफ पुग्ने सम्भावना बलियो बनाएको छ ।

चेन्नईले दिल्लीलाई २७ रनले हराउँदै सिजनको सातौं जित दर्ता गरेको हो । चेन्नईले प्रस्तुत गरेको १ सय ६८ रनको लक्ष्य पछ्याउने क्रममा दिल्लीले २० ओभरमा ८ विकेट गुमाएर १ सय ४० रन मात्र जोड्न सक्यो । कप्तान डेविड वार्नर दोस्रो बलमै खाता नखोली आउट हुँदा दिल्ली समस्यामा परेको थियो । दिल्लीका लागि राइली रुसोले सर्वाधिक ३५ रनको योगदान दिए ।

चौथो विकेटका लागि रुसो र मनिष पाण्डेले ५९ रनको साझेदारी गर्दै इनिङ उकास्ने प्रयास गरेपनि अन्य ब्याटर क्रिजमा टिक्न नसक्दा दिल्ली पराजित हुन पुग्यो । बायाँ हाते स्पिनर रविन्द्र जडेजा र मोइन अलीले कसिलो बलिङ गर्दा दिल्ली पराजित हुन पुग्यो । जडेजाले ४ ओभरमा १९ रन खर्चेर रुसोको विकेट लिए । अलीले ४ ओभरमा मात्र १६ रन खर्चिए । दिल्लीका लागि मनिष पाण्डेले २९ बलमा २७, फिल साल्टले १७ र अक्षर पटेलले २१ रनको योगदान दिए ।

त्यसअघि टस‌ जितेर पहिलो ब्याटिङ रोजेको चेन्नईले निर्धारित २० अ‍ोभरमा चेन्नईले ८ विकेट गुमाउँदै १ सय ६७ रन जोडेको थियो । चेन्नईका ६ ब्याटरले २० रन पार गरेपनि २५ रन कटाउन सकेनन् । अन्त्यतिर कप्तान महेन्द्र सिंह धोनीले आक्रामक ब्याटिङ गर्दै चेन्नईलाई राम्रो योगफल सम्म पुर्याएका थिए ।

धोनीले अन्तिम अ‍ोभरमा आउट हुनुअघि १ चौका र २ छक्कासहित २० रन प्रहार गरे । रुतुराज गायक्वाद २४, अजिङ्क्या रहाने २१ र शिवम दुवे सर्वाधिक २५ रनमा आउट भए । अम्बटी रायुडु २३ र रविन्द्र जडेजाले २१ रनको योगदान दिए । दिल्लीका लागि मिसेल मार्सले २ तथा अक्षर पटेलले २ विकेट हात पारे ।

यस जितसँगै चेन्नई १२ खेलमा १५ अंक जोड्दै दोस्रो स्थानमा छ । शीर्षस्थानको गुजरातले ११ खेलमा १६ अंक जोडेको छ । दिल्ली भने ११ खेलमा ८ अंकसहित पुछारमा छ ।

June 18, 2025

बिबिएल ड्राफ्टमा ६ नेपाली क्रिकेटर

एजेन्सी – अस्ट्रेलियाको बिग बास लिग(बिबिएल) को ड्राफ्टमा नेपालका ६ क्रिकेटर अटाएका छन् । बिबिएलको १५औं संस्करणमा नेपालका ६ खेलाडी समावेश भएका बिबिएलले जनाएको छ । यस संस्करणको बिबिएल ड्राफ्ट बिहिबार हुनेछ । बिबिएल ड्राफ्टमा सन्दीप लामिछाने, देव खनाल, शेर मल्ल, अर्जुन साउद, विपिन शर्मा र आरिफ शेख रहेका छन् । नेपालबाट सन्दीपले मात्र बिबिएल […]

June 17, 2025

नेपालले स्कटल्याण्डलाई हरायो

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको तेस्रो खेलमा घरेलु टोली स्कटल्याण्डलाई २ विकेटले हराएको छ । सिरिजमा नेपालको यो पहिलो जित हो । स्कटल्याण्डले प्रस्तुत गरेको ९८ रनको लक्ष्य नेपालले ८ विकेटको क्षतिमा अन्तिम ओभरमा पूरा गरेको हो । यस जितसँगै नेपाल अंक तालिकाको दोस्रो स्थानमा उक्लेको छ । […]

June 17, 2025

बलर चम्कँदा नेपाललाई सामान्य लक्ष्य

काठमाडौं (हाम्रो खेलकुद) – नेपालले स्कटल्याण्डमा जारी त्रिकोणात्मक टि२०आई सिरिजको तेस्रो खेलमा घरेलु टोलीबाट ९८ रनको सामान्य लक्ष्य प्राप्त गरेको छ । नेपालका लागि बलरहरुले उत्कृष्ट प्रदर्शन गरेपछि स्कटल्याण्ड १९.४ ओभरमा मात्र ९७ रनमा अलआउट भएको हो । लेग स्पिनर सन्दीप लामिछानेले ४ ओभरमा १ मेडनसहित ११ रन मात्र खर्चिए । सन्दीपले पावरप्लेमा अन्य बलरले […]

Success

Thank you for your time.