default_image

1 year ago

May 18, 2023

इपिएलले पैसा नदिएपछि चितवनले मुद्दा फिर्ता लिएन

182 views

0 Bookmark

काठमाडौं (हाम्रो खेलकुद) – एभरेष्ट प्रिमियर लिग (इपिएल) बाट आफूले पाउनु पर्ने पैसा नदिएको भन्दै फ्रेन्चाइज टोली चितवन टाइगर्सले नेपाल क्रिकेट संघ (क्यान) र राष्ट्रिय खेलकुद परिषद् (राखेप) विरुद्ध दायर गरेको मुद्दा फिर्ता नलिने भएको छ ।

इपिएल र बाँकी पाँच फ्रेन्चाइज टोलीले मुद्दा फिर्ता लिएपनि चितवनले भने नलिने जनाएको छ । चितवनले आफूहरुले पाउनुपर्ने रकम नपाएको कारण मुद्दा फिर्ता नलिएको हाम्रो खेलकुदलाई जानकारी दिएको छ ।

‘इपिएलका प्रमुख आमिर अख्तरले पैसा दिन बाँकी रहेकै कारण हामीले मुद्दा फिर्ता नलिएको हो । पैसा कसैलाई पनि दिएका छैनन् । कति पैसा पाउने नै ठ्याक्कै थाहा छैन । टिकट लगायतको पैसा कसैलाई पनि दिएको छैन’, चितवनकी अप्रेशन डाइरेक्टर बिनिता चौधरीले हाम्रो खेलकुदसँग भनिन् ।

‘पहिला ललितपुर प्याट्रीयट्स र पोखरा राइनोजले मात्रै मुद्दा फिर्ता लिने मात्रै कुरा गरेका थिए । अरुहरुले मुद्दा फिर्ता नलिने भनेका थिए । पछि अख्तरको के बुझाईले मुद्दा फिर्ता लिए । हामीले सुरुदेखि नै आर्थिक रुपमा सबै छिनोफानो नहुँदासम्म मुद्दा फिर्ता नलिने भनेर अख्तरलाई भनेका थियौं’, चौधरीले भनिन् ।

यता इपिएलमा प्रमुख आमिर अख्तरले चाँडैनै उक्त पैसा दिने बताए । ‘ब्रोडकाष्टको पैसा क्लियर भएको छैन । अबको १ हप्ता-१० दिनमा हामी पठाउँछौं’, उनले भने । गत चैतमा ६ फ्रेन्चाइज टोलीले इपिएललाई गेट टिकेट र ब्रोडकास्टिङ वापतको रकम यथाशिघ्र उपलब्ध गराई हिसाब मिलान गर्न संयुक्त रुपमा पत्र बुझाएका थिए ।

क्यानले नेपाल टि२० लिग आयोजना गर्ने भएपछि आफूहरुले पनि इपिएल गर्न पाउनु पर्ने भन्दै सर्वोच्चमा मुद्दा दायर गरेका थिए । क्यानले नेपाल टि२० लिग भारतीय कम्पनी सेभेन थ्रीलाई ८ वर्षका लागि ३३ करोडमा ठेक्का दिएको थियो । यता नेपाल टि२० लिगमा म्याच, स्पट फिक्सिङ र अपार्दशिता लगायत विभिन्न विवाद उत्पन्न भएका भएपछि क्यानले गत माघमा सम्झौता रद्द गरेको थियो । क्यानले मुद्दा फिर्ता लिन इपिएललाई आग्रह गर्ने जनाएको थियो ।

क्यानले इपिएल आयोजना गर्न दिने भएपछि मुद्दा फिर्ता लिएको अख्तरले बताए । ‘क्यानले हामीलाई १५/२० दिन अघि एउटा चिठी दिएको छ । हामी इपिएल आयोजना गर्न तयार छौं । पहिला जस्तै चाहन्छौ भने मुद्दा फिर्ता लिनुस भनेको थियो । सेभेन थ्री स्पोर्ट्ससँग वहाँहरुको सम्झौता सकियो । त्यो सम्झौता अनुसार अरु फ्रेन्चाइज लिग गर्न नपाउने भन्ने थियो । आएको चिठ्ठी हामीले वकिललाई देखायौं । किन लडाई झगडा गर्ने भनेर मुद्दा फिर्ता लिएका छौं’, अख्तरले भने ।

त्यसैमा उनले थपे, ‘इपिएल कसरी गर्ने कुरा भएको छैन । प्रक्रियामा नै छ । क्यानले हामीलाई यो गर्न मिल्ने वा नमिल्ने भनेपछि हामी स्पष्ट रुपमा भन्नेछौं ।’

यता क्यानका अध्यक्ष चतुरबहादुर चन्दले नेपाल टि२० लिग पहिलो प्राथमिकतामै रहने बताए । ‘इपिएल कुन मोडालिटीमा गर्ने भन्ने हो । क्यानले नेपाल टि२० लिग वा नेपाल प्रिमियर लिग गर्छ । दोस्रो प्राथमिकतामा अन्य लिग हुन्छन्’, चन्दले भने ।

त्यसैमा चन्दले थपे, ‘मुद्दा फिर्ता लिएपछि छलफल गरेर कुन स्तरको गर्ने भनेर हामी चिठ्ठी दिएका थियौं । कति विवाद कायम राख्ने भनेर आग्रह गरेका थियौं । मुद्दा फिर्ता लिएपछि छलफल गरेर टुङ्गो लगाउने गरि पत्र लेखेका थियौं । के आधारमा फिर्ता लिएको छ पछि छलफल गरेर टुंगो लगाउँछौं ।’

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.