default_image

1 year ago

May 18, 2023

कोहलीको शतकमा बेंगलोरको सानदार जित

126 views

0 Bookmark

एजेन्सी – ओपनर विराट कोहलीको शतकमा रोयल च्यालेन्जर्स बेंगलोरले इन्डियन प्रिमियर लिग (आइपिएल) २०२३ को ६५ औं खेलमा सनराइजर्स हैदराबादलाई ८ विकेटले हराएको छ । यो जितसँगै बेंगलोरले शीर्ष चारमा रहँदै सोझै प्लेअफ खेल्ने सम्भावना उच्च बनाएको छ ।

जितको लागि १ सय ८७ रनको बलियो विजयी लक्ष्य पछ्याएको बेंगलोरले १९.२ ओभरमा २ विकेट गुमाउँदै पूरा गर्यो । बेंगलोरका ओपनर विराट कोहलीले ६३ बलमा १२ चौका र ४ छक्कासहित १ सय रनको शतकीय इनिङ खेले । कोहलीको यो आइपिएल करिअरको छैटौं शतक हो ।

पहिलो विकेटका लागि कोहली र फाफ डु प्लेसिसले १७.५ ओभरमा १ सय ७२ रनको साझेदारी गर्दै जितको आधार तय गरेका थिए । डु प्लेसिस ४७ बलमा ७ चौका र २ छक्कासहित ७१ रनमा आउट भए । ग्लेन म्याक्सवेल ५ र माइकल बेसवेल ४ रनमा नटआउट रहे । हैदराबादका टि नटराजन र भुवनेश्वर कुमारले समान एक विकेट लिए ।

त्यसअघि टस हारेर पहिला ब्याटिङको निम्तो पाएको घरेलु टोली हैदराबादले २० ओभरमा ५ विकेट गुमाउँदै १ सय ८६ रन बनाएको थियो । हैदराबादका विकेटकिपर हेनरिक क्लासेनले ५१ बलमा ८ चौका र ६ छक्कासहित सर्वाधिक १ सय ४ रनको उत्कृष्ट शतकीय इनिङ खेलेपनि टोलीलाई जिताउन सकेनन् ।

उनको यो आइपिएल करिअरको पहिलो शतक थियो । चौथो विकेटका लागि ह्यारी ब्रुक र हेनरिक क्लासेनले ३६ बलमा ७४ रनको साझेदारी गरेका थिए । ब्रुक १७ बलमा २ चौका र १ छक्कासहित २७ रनमा नटआउट थिए ।

त्यसपघि कप्तान एडेन माक्ररम र क्लासेनले तेस्रो विकेटका लागि ५० बलमा ७६ रनको साझेदारी गरेका थिए । माक्ररम २० बलमा १८ रनमा आउट भए । ओपनर अभिषेक शर्मा ११ र राहुल त्रिपाठी १५ रनमा आउट भएका थिए । दुबै ओपनर स्पिनर माइकल ब्रेसवेलको बलमा क्याच आउट भएका थिए ।

बेंगलोरका माइकल ब्रेसवेलले २ ओभरमा १३ रन खर्चेर २ विकेट लिए । मोहम्मद शिराजले ४ ओभरमा १७ रन खर्चेर १ विकेट लिए । हर्षल पटेल र शहबाज अहमदले समान एक विकेट लिए ।

बेंगलोर १३ खेलमा ७ मा जित र ६ मा हारसहित १४ अंकका साथ चौथो स्थानमा छ । बेंगलोरले आइतबार गुजरातसँग खेल्नेछ । उक्त खेलमा बेंगलोर विजयी हुँदा १६ अंकमा पुग्नेछ । नेटरनरेटको कारण मुम्बईलाई पछि पार्दै प्लेअफ खेल्नेछ । मुम्बई १३ खेलमा ७ मा जित र ६ मा हारसहित १४ अंकका साथ पाँचौं स्थानमाछ । मुम्बई नेटरनरेटमा पछिछ ।

गुजरात टाइटन्स १३ खेलमा ९ मा जित र ४ मा हारसहित १८ अंकका साथ शीर्ष स्थानमा रहँदै क्वालिफायर खेल्ने पक्का भएको छ । चेन्नईको १३ खेलमा ७ मा जित र ५ मा हारसहित १५ अंकका साथ दोस्रो स्थानमा छ । समान खेल र नतिजाका साथ १५ अंक भएपनि नेटरनरेटका कारण लखनऊ तेस्रो स्थानमा छ ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.