default_image

9 months ago

May 21, 2023

कोलकातालाई एक रनले हराउँदै लखनऊ प्लेअफमा

एजेन्सी – लखनऊ सुपर जायन्ट्सले इन्डियन प्रिमियर लिग (आइपिएल) २०२३ को ६८ औं खेलमा कोलकाता नाइट राइडर्सलाई एक रनले हराउँदै प्लेअफमा स्थान पक्का गरेको छ । योसँगै लखनऊले तेस्रो स्थानमा रहँदै एलिमिनेटर खेल्ने पक्का हुँदा कोलकाता बाहिरिएको छ । जितको लागि १ सय ७७ रनको विजयी लक्ष्य पछ्याएको कोलकाताले निर्धारित २० ओभरमा ७ विकेट गुमाउँदै […]

105 views

0 Bookmark

एजेन्सी – लखनऊ सुपर जायन्ट्सले इन्डियन प्रिमियर लिग (आइपिएल) २०२३ को ६८ औं खेलमा कोलकाता नाइट राइडर्सलाई एक रनले हराउँदै प्लेअफमा स्थान पक्का गरेको छ । योसँगै लखनऊले तेस्रो स्थानमा रहँदै एलिमिनेटर खेल्ने पक्का हुँदा कोलकाता बाहिरिएको छ ।

जितको लागि १ सय ७७ रनको विजयी लक्ष्य पछ्याएको कोलकाताले निर्धारित २० ओभरमा ७ विकेट गुमाउँदै १ सय ७५ रन बनायो । कोलकातालाई अन्तिम ओभरमा २१ रन चाहिँएको थियो । रिंकु सिंहले अन्तिम तीन बलमा दुई छक्का र एक चौका प्रहार गरेपनि टोलीको झिनो हार टार्न सकेनन् ।

तीव्र गतिका बलर यश ठाकुरले पहिलो बलमा वैभव आरोरालाई एक रन दिए । लगत्तै अर्को बल वाइड फ्याँले । त्यसपछि दुई बल रिंकुलाई डट राखेका थिए । लगत्तै वाइड फ्याँलेका थिए । चौथोमा छक्का, पाँचौं बलमा चौका र अन्तिम बलमा छक्का प्रहार गरेपनि जित भने दिलाउन सकेनन् ।

कोलकातालाई अन्तिम १२ बलमा ४१ रन जितको लागि आवश्यक हुँदा रिंकुले सानदार प्रदर्शन गरेका थिए । १९ औं ओभरमा रिंकुले नविन उल हकलाई सुरुवाती तीन बलमा लगातार चौका र पाँचौं बलमा छक्का प्रहार गर्दै अर्को ओभरमा जितको आशा कायमै राखेका थिए ।

सानदार प्रदर्शन गरेका रिंकु ३३ बलमा ६ चौका र ४ छक्कासहित ६७ रनमा नटआउट रहे । ओपनर जेसन रोय २८ बलमा ७ चौका र १ छक्कासहित ४५ रनमा आउट भए । अन्य कुनैपनि कोलकाताका खेलाडीले राम्रो गर्न सकेनन् । वेंकटेश ऐर २५, नितिश राणा ८, रहमानउल्लाह गुरबाज १० र आन्द्रे रसेल ७ रनमा आउट भए ।

लखनऊका रवि विश्रोईले ४ ओभरमा २३ रन खर्चेर २ विकेट लिए । यश ठाकुरले ३ ओभरमा ३१ रन खर्चेर २ विकेट लिए । क्रुनाल पान्ड्या र कृष्णाप्पा गौतमले समान एक विकेट लिए ।

त्यसअघि इडेन गार्डेन कोलकातामा टस हारेर पहिला ब्याटिङको निम्तो पाएको लखनऊले निर्धारित २० ओभरमा ८ विकेट गुमाउँदै १ सय ७६ रन बनाएको थियो । लखनऊका निकोलस पुरनले ३० बलमा ४ चौका र ५ छक्कासहित सर्वाधिक ५८ रनको योगदान दिए । ओपनर क्विन्टन डि कक २८, प्रेरक माकांड २६ र आयुष बदोनी २५ रनमा आउट भए ।

एक समय ७३-५ को दयनीय अवस्थामा पुगेको लखनऊलाई छैटौं विकेटका लागि पुरन र बदोनीले ४७ बलमा ७४ रनको महत्वपूर्ण साझेदारी गरेका थिए । कोलकाताका शार्दुल ठाकुर, सुनिल नारायण र वैभव आरोराले समान दुई विकेट लिए ।

गुजरात १३ खेलमा ९ मा जित र ४ मा हारसहित १८ अंकका साथ शीर्ष स्थानमा छ । चेन्नई १४ खेलमा ८ मा जित र ५ मा हारसहित १७ अंकका साथ दोस्रो स्थानमा रह्यो । लखनऊ १४ खेलमा ८ मा जित र ५ मा हारसहित १७ अंकका साथ तेस्रो स्थानमा छ । चेन्नईको नेटरनरेट ०.६५२ र लखनऊको ०.२८४ छ ।

शीर्ष दुईमा गुजरात र चेन्नई हुने पक्का भएको छ । पहिलो क्वालिफायरमा यी दुई टोली भिड्नेछन् । अव बेंगलोर, मुम्बई र राजस्थान मध्य एक टोलीले अन्तिम चारमा स्थान बनाउँदै एलिमिनेटरमा लखनऊसँग खेल्नेछन् ।

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

February 22, 2024

क्यानडा-११ ले टस जित्यो

काठमाडौं (हाम्रो खेलकुद) – नेपाल ‘ए’ र क्यानडा-११ बीच जारी एकदिवसीय सिरिजको निर्णायक खेलमा क्यानडा-११ ले टस जितेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिएका छन् । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी भएका कारण उपस्थित नहुँदा […]

February 21, 2024

कचनकवल अन्तरपालिका क्रिकेटको फाइनलमा

हिमाल खरेल, बिर्तामोड कचनकवल गाउँपालिका प्रथम झापा जिल्ला अन्तरपालिका टि–२० पुरुष क्रिकेट प्रतियोगिताको फाइनल प्रवेश गरेको छ । बर्खा स्मृति प्रतिष्ठान बुद्धशान्तिको आयोजनामा बुधबार भएको प्रतियोगिताको पहिलो सेमिफाइनलमा मेचीनगर नगरपालिकालाई ५ विकेटले हराउँदै कचनकवल अन्तिम दुईमा पुगेको हो । पहिले ब्याटिङ राजेको मेचीनगर निर्धारित २० ओभरमा १३.२ ओभरमा अलआउट हुँदै ८९ रन बनाएको थियो । […]

Success

Thank you for your time.