1 year ago
May 23, 2023
एजेन्सी – इन्डियन प्रिमियर लिग (आइपिएल) २०२३ को पहिलो क्वालिफायर खेलमा आज चेन्नई सुपर किंग्स र गुजरात टाइटन्सबीच प्रतिस्पर्धा हुँदैछ । खेल नेपाली समय अनुसार साँझ ७ : ४५ मा चेन्नईको घरेलु मैदान चेपौकमा सुरुहुनेछ । दुबै टोली जितका साथ सोझै फाइनलमा स्थान बनाउन चाहन्छन् ।
यस खेलको विजेता टोली फाइनलमा पुग्नेछ । पराजित हुने टोलीले दोस्रो क्वालिफायर खेल्ने अवसर पाउनेछ । चेन्नई महेन्द्रसिंह धोनी र गुजरात हार्दिक पान्ड्याको कप्तानीमा मैदान उत्रनेछ । आइपिएलका सर्वाधिक सफल कप्तान धोनीको कप्तानी सामु हार्दिकको परिक्षा हुनेछ ।
धोनी खेल अनुसार नतिजा मोड्न सक्छन् । उनी खेलाडीको क्षमता भन्दापनि विश्वासमा बढी ध्यान दिन्छन् । गुजरातका युवा ब्याटर शुभमन गिल उच्च लयमा छन् । गिलले १४ खेलमा २ शतक र ४ अर्धशतकसहित कुल ६ सय ८० रन बनाएका छन् । उनीअघि सर्वाधिक रन बनाउने खेलाडीमा रोयल च्यालेन्जर्स बेंगलोरका फाफ डु प्लेसिस ७ सय ३० रनका साथ शीर्ष स्थानमा छन् ।
गिलले पछिल्ला दुई खेलमा रोयल च्यालेन्जर्स बेंगलोर र सनराइजर्स हैदराबादविरुद्ध लगातार शतक हानेका थिए । गिलको प्रदर्शन गुजरातको लागि महत्वपूर्ण हुनेछ । त्यस्तै विजय शंकर पनि राम्रो लयमा छन् ।
डेविड मिलर गुजरातका प्रमुख हिटर ब्याटर हुन् । उनी क्रिजमा टिक्दा सहज जित निकाल्न सक्छन् । मिलरको विकेट महत्वपूर्ण हुनेछ । हार्दिक पान्ड्या, राहुल टेवाटिया र राशिद खान पनि राम्रो ब्याटिङ गर्ने गर्दछन् ।
उता राशिद खान र नुर अहमदको स्पिनर जोडी चेन्नईलाई घातक बन्नसक्छ । यी दुई स्पिनर गुजरातका प्रमुख बलिङ हतियार हुन् । नयाँ बलका साथ मोहम्मद शामीले लगातार राम्रो प्रदर्शन गर्दै आएका छन् ।
यता चेन्नईका ओपनर ऋतुराज गायकवाड र डेभन कन्वे प्रमुख ब्याटर हुन् । यी दुबै ओपनरले यस सिजनमा सानदार प्रदर्शन गरेका छन् । कन्वेले यस सिजनमा ५ सय ८५ र गायकवाडले ५ सय ४ रन बनाएका छन् । यी दुई ब्याटरबाट चेन्नई राम्रो सुरुवात चाहन्छ । यस सिजनमा अजिंक्या रहाणेले फरक शैलीमा प्रस्तुत हुँदै आक्रामक ब्याटिङ गर्दै आएका छन् । रहाणेबाट मध्यक्रममा गुजरातको स्पिन आक्रामण सामु आक्रामक ब्याटिङ चाहन्छ ।
शिवम दुबे चेन्नईका क्लिन हिटर हुन् । उनले यस सिजनमा उत्कृष्ट प्रदर्शन गर्दै आएका छन् । दुवेको क्लिन हिट गुजरातलाई निराश बनाउन सक्छ । मोईन अली, रविन्द्र जडेजा र धोनी जस्ता खेलाडी तल्लोक्रममा हुँदा चेन्नईको ब्याटिङ मजबुत छ । धोनी राम्रो लयमा छन् ।
चेन्नईका तीव्र गतिका बलर महिशा पाथिरानाले डेथ ओभर र दीपक चाहरले पावर प्लेमा उत्कृष्ट प्रदर्शन गर्दै आएका छन् । तेस्रो पेश आक्रामणमा तुषार देशपान्डेले साथ दिनेछन् । स्पिन चेन्नईको सधैं मुख्य हतियार हुने गर्दछ । महेश थिक्सेना र रविन्द्र जडेजाको प्रदर्शन स्पिनर सहयोगी चेन्नईको पिचमा अझ प्रभावकारी हुनेछ । मिचेल सान्टनार र मोईन अली पार्टटाइम स्पिनरको रुपमा हुनेछन् ।
चेन्नई र गुजरातबीच तीन खेल भएका छन् । जसमा चेन्नई तीनै खेलमा पराजित भएको छ । यस सिजनमा पहिलो खेलमा चेन्नई गुजरातसँग पाँच विकेटले पराजित भएको थियो ।
यस खेलमा पराजित हुने टोलीले दोस्रो क्वालिफायर खेल्नेछ । दोस्रो क्वालिफायरमा एलिमिनेटरको विजेता आउनेछ । बुधबार एलिमिनेटर खेलमा लखनऊ सुपर जायन्ट्स र मुम्बई इन्डियन्सबीच प्रतिस्पर्धा हुनेछ । उक्त खेलको विजेताले फाइनलमा स्थान बनाउन शुक्रबार पहिलो क्वालिफायरमा पराजित टोलीसँग खेल्नेछ । फाइनल आइतबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]