default_image

11 months ago

May 24, 2023

क्वालिफायरमा पुग्न लखनऊलाई मुम्बईको बलियो लक्ष्य

एजेन्सी – पाँच पटकको च्याम्म्पियन मुम्बई इन्डियन्सले इन्डियन प्रिमियर लिग (आइपिएल) २०२३ को एलिमिनेटर खेलमा लखनऊ सुपर जायन्ट्सलाई १ सय ८३ रनको बलियो लक्ष्य दिएको छ । चेन्नईमा टस जितेर पहिला ब्याटिङको निम्तो पाएको मुम्बईले निर्धारित २० ओभरमा ८ विकेट गुमाउँदै १ सय ८२ रन बनायो । मुम्बईका क्यामरन ग्रीनले २३ बलमा ६ चौका र […]

79 views

0 Bookmark

एजेन्सी – पाँच पटकको च्याम्म्पियन मुम्बई इन्डियन्सले इन्डियन प्रिमियर लिग (आइपिएल) २०२३ को एलिमिनेटर खेलमा लखनऊ सुपर जायन्ट्सलाई १ सय ८३ रनको बलियो लक्ष्य दिएको छ । चेन्नईमा टस जितेर पहिला ब्याटिङको निम्तो पाएको मुम्बईले निर्धारित २० ओभरमा ८ विकेट गुमाउँदै १ सय ८२ रन बनायो ।

मुम्बईका क्यामरन ग्रीनले २३ बलमा ६ चौका र १ छक्कासहित सर्वाधिक ४१ रनको योगदान दिए । एक समय विशाल योगफलको सम्भावना देखाएपनि एकै ओभरमा सूर्य र ग्रीन आउट भएपछि मुम्बईको रनको गति रोकिएको थियो ।

ओपनर तथा कप्तान रोहित शर्मा १० बलमा १ चौका र १ छक्कासहित ११ रनमा आउट भए । रोहित तीव्र गतिका बलर नविन उल हकको बलमा कभरमा आयुष बदोनीबाट क्याच आउट भएका थिए । युवा तीव्र गतिका बलर यश ठाकुरको पाँचौं ओभरको दोस्रो बलमा एज लागेर विकेटकिपर निकोलस पुरनबाट १५ रनमा क्याच आउट भए । किशनले १२ बलमा ३ चौका प्रहार गरे ।

तेस्रो विकेटका लागि सूर्यकुमार यादव र क्यामरन ग्रीनले ३८ बलमा ६६ रनको साझेदारी गर्दै राम्रो योगफलको सम्भावना देखाएका थिए । तर नविनले ११ औं ओभरमा सूर्य र ग्रीन दुबैलाई आउट गरेपछि लखनऊ खेलमा फर्किएको थियो ।

चौथो बलमा सूर्य कृष्णाप्पा गौतमबाट क्याच आउट भए । लेगकटर बलमा सूर्य मिडअफमा क्याच आउट हुन पुगेका थिए । सूर्यले २० बलमा २ चौका र २ छक्का प्रहार गरे । एक बलपछि ग्रीन बोल्ड भएपछि मुम्बई दबाबमा परेको थियो । दुबै स्वलोअर बलमा आउट भएका थिए ।

नेहाल वढेरा १२ बलमा २ चौका र २ छक्कासहित २३, तिलक बर्मा २६, टिम डेविड १३ र क्रिस जोर्डन ४ रनमा आउट भए । लखनऊका नविन उल हकले ४ ओभरमा ३८ रन खर्चेर ४ विकेट लिए । यश ठाकुरले ४ ओभरमा ३४ रन खर्चेर ३ विकेट लिए । मोहसिन खानको नाममा एक विकेट रह्यो ।

यस खेलको विजेता टोली दोस्रो क्वालिफायरमा स्थान बनाउनेछ । पहिलो क्वालिफायर खेलमा चेन्नई सुपर किंग्सले गुजरात टाइटन्सलाई १५ रनले हराउँदै फाइनलमा स्थान बनाएको छ । शुक्रबार गुजरात र एलिमनिटेरबीच खेल हुनेछ । जसको विजेता टोलीले आइतबार फाइनलमा चेन्नईसँग खेल्नेछ ।

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

April 17, 2024

आइपिएलमा दिल्लीसँग गुजरातको हार

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा तेस्रो जित हासिल गरेको छ । दिल्लीले बुधबार गुजरात टाइटेन्सलाई ६ विकेटले हराएको छ । टस जितेर फिल्डिङ रोज्ने दिल्लीको निर्णय सहि साबित भएको थियो । ९० रनको सामान्य लक्ष्य पछ्याएको दिल्लीले ६७ बल बाँकी रहँदा ४ विकेट गुमाएर ९२ रन बनाएको थियो । दिल्लीका लागि […]

Success

Thank you for your time.