default_image

12 months ago

May 25, 2023

नेदरल्यान्ड्सका प्रमुख खेलाडी नहुँदा नेपाललाई फाइदा

135 views

0 Bookmark

काठमाडौं (हाम्रो खेलकुद) – नेदरल्यान्ड्सका प्रमुख खेलाडीले आइसिसी विश्वकप एकदिवसीय विश्वकप छनोट गुमाउने भएपछि नेपाललाई फाइदा हुने भएको छ । इंग्ल्यान्डको चर्चित घरेलु क्रिकेट काउन्ट्री च्याम्पियनसिप डिभिजन वानबाट खेलाडी नछोडेपछि नेदरल्यान्ड्सका केहि प्रमुख ब्याटरले विश्वकप छनोट गुमाउने भएका छन् ।

नेपालकै समूहमा रहेका नेदरल्यान्ड्सका प्रमुख खेलाडीलाई काउन्ट्रीले नछोडेपछि सुपर सिक्समा स्थान बनाउन सहज हुने भएको छ । नेदरल्यान्ड्सका मध्यक्रमका भरपर्दा ब्याटर टम कुपर, कोलिन एकरम्यान, तीव्र गतिका बलिङ अलराउन्डर पल भान मार्केन र फर्द क्लासेन लगायतका खेलाडीले गुमाउने भएका छन् ।

मध्यक्रमका भरपर्दा ब्याटर कोलिन एकरम्यान र टम कुपर नहुँदा नेदरल्यान्ड्सको ब्याटिङमा ठूलो असर पर्नसक्छ । गतवर्ष टि२० विश्वकपमा नेदरल्यान्ड्सले दक्षिण अफ्रिकालाई १३ रनले हराउँदा प्लेयर अफ द म्याच चुनिएका एकरम्यान इंग्ल्यान्डका लेस्टरशायरबाट घरेलु क्रिकेट खेल्दै सानदार प्रदर्शन गर्दै आएका छन् ।

उनले दक्षिण अफ्रिकाविरुद्ध २६ बलमा ३ चौका र २ छक्कासहित ४१ रनको उत्कृष्ट इनिङ खेलेका थिए । त्यसै खेलमा १९ बलमा २ चौका र २ छक्कासहित ३५ रनको आक्रामक इनिङ खेलेका टम कुपर पनि टोलीमा छैनन् ।

टम कुपरलेले ३२ ओडिआई खेलमा १ शतक र १२ अर्धशतकसहित कुल १ हजार ३ सय १९ रन बनाएका छन् । उनले प्रथम श्रेणीमा १३ शतक र ३४ अर्धशतकका साथ ६ हजार ५ सय ३३ रन बनाएका छन् । लिष्ट ए मा १० शतक र ३८ अर्धशतकका साथ ५ हजार ८ सय ४८ रन बनाएका छन् ।

विश्व फ्रेन्चाइज लिगमा कुपरले राम्रो प्रभाव छाड्दै आएका छन् । कोलिन एकरम्यानले १ सय ५८ प्रथम श्रेणी खेलमा २१ शतक र ६० अर्धशतकका साथ ९ हजार ८ सय ५७ रन बनाएका छन् । उत्कृष्ट प्रदर्शन २ सय ७७ नट आउट छ ।

त्यस्तै अनुभवी दुई तीव्र गतिका बलर पल भान मार्केन र रोलेफ मर्वे पनि टोलीमा छैनन् । नेदरल्यान्ड्सको पहिलो रोजाईको तीव्र गतिको बलिङ आक्रामण विश्वकप छनोटमा हुनेछैन । जसले गर्दा नेपाली ब्याटरलाई रन बनाउन केहि सहज हुनसक्छ ।

काउन्ट्रीले नछोडेपछि तीव्र गतिका बलरमा पल भान माक्रेन, ब्रेन्डन ग्लोभर, फर्द क्लासेन, टिम भान डर गुर्टेन, शेन स्नेटर र रोलेफ भान मर्वे टोलीमा छैनन् । त्यस्तै गतवर्ष टि२० विश्वकपमा सानदार प्रदर्शन गर्ने स्पिनर टिम प्रिन्गल पनि टोलीमा छैनन् । फर्द क्लासेन र ब्रेन्डन ग्लोभरको पहिलो तीव्र गतिको आक्रामण नेदरल्यान्ड्ससँग हुनेछैन ।

मध्यक्रमका प्रमुख दुई ब्याटर र पहिलो रोजाईका तीव्र गतिका बलर टोलीमा नहुँदा नेपाललाई ठूलो फाइदा पुग्ने देखिएको छ । विश्वकप छनोटको समूह ए मा नेपाल, नेदरल्यान्ड्स, अमेरिका, वेस्टइन्डिज र जिम्बावे छन् । नेपालले नेदरल्यान्ड्स र अमेरिकालाई पराजित गरेको खण्डमा सुपर सिक्स स्थान बनाउने उच्च सम्भावना देखिन्छ । नेदरल्यान्ड्स र नेपालबीचको विजेता सुपर सिक्समा पुग्न सक्ने अनुमान गरिएको छ ।

शीर्षक्रमका २३ वर्षीय युवा ब्याटर नोह क्रोसले अष्ट्रेलियाबाट घरेलु क्रिकेटमा सानदार प्रदर्शन गर्दै आएका छन् । उनी पहिलो पटक नेदरल्यान्ड्सको टोलीमा परेका हुन् । उनी भने सरप्राइज प्याकेज बन्नसक्छन् । त्यस्तै १९ वर्षीय युवा अलराउन्डर माइलक लेभिटलाई पनि नेदरल्यान्ड्सले टोलीमा मौका दिएको छ ।

स्कट एडवार्ड्स, म्याक्स ओडाउड, विक्रमजित सिंह र बास डि लिडे नेदरल्यान्ड्सका प्रमुख ब्याटर हुन् । गत मार्चमा जिम्बावेविरुद्ध ओडिआई खेलमा १ सय १० रनको सानदार शतकीय इनिङ खेलेका तेजा निडामनुरुले तल्लोक्रम सम्हाल्नेछन् । नेदरल्यान्ड्स आइसिसी विश्वकप सुपर लिगबाट पुछारमा रहँदै विश्वकप छनोटमा स्थान बनाएको हो ।

समूह बी मा श्रीलंका, आयरल्यान्ड, स्कटल्यान्ड, ओमान र युएई छन् । हरेक समूहका शीर्ष तीन टोली सुपर सिक्समा स्थान बनाउनेछन् । सुपर सिक्सबाट शीर्ष दुई टोलीले विश्वकपमा स्थान बनाउनेछन् । प्रतियोगिता जुन १८ देखि जुलाई ९ सम्म जिम्बावेमा हुनेछ ।

नेदरल्यान्ड्सको टोली :

स्कट एडवार्ड्स (कप्तान तथा विकेटकिपर), म्याक्स ओडाउड, लोगन भान विक, विक्रमजित सिंह, आर्यन दत्त, भिभियन किंग्मा, बास डि लिडे, नोह क्रोस, रयान क्लेन, तेजा निडामानुरु, वेस्ली व्यारेसी, शरिज अहमद, क्लेटन फ्लोयड, माइकल लिभित र सकिब जुलफिकर ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.