1 year ago
May 26, 2023
एजेन्सी – अमेरिकी तीव्र गतिका बलर अली खानले अन्तर्राष्ट्रिय क्रिकेट परिषद् (आइसिसी) को प्रतिबन्धको कारण आगमी महिना जिम्बावेमा हुने विश्वकप छनोटमा नेपालविरुद्ध खेल्न नपाउने भएका छन् ।
अघिल्लो महिना नामिबियामा सम्पन्न आइसिसी विश्वकप क्वालिफायर प्लेअफमा जर्सीविरुद्ध ७ विकेट लिएका अली खानको खेल भावना विपरित कार्य गरेपछि दुई अन्तर्राष्ट्रिय खेलमा प्रतिबन्ध लागेको थियो ।
खेलमा अनुशासन उलंघनको कारण उनलाई कारबाही स्वरुप एक डीमेरिट प्वाइन्ट पाएका थिए । त्योसँगै उनीसँग २४ महिना भित्रमा ४ डीमेरिट प्वाइन्ट भएपछि दुई खेलमा प्रतिबन्ध लागेको थियो । उक्त प्रतिबन्धपछि अमेरिकाले कुनैपनि अन्तर्राष्ट्रिय खेल खेलेको छैन र विश्वकप छनोट अघि खेल्ने तालिका पनि छैन ।
त्यसैको कार विश्वकप छनोटमा सुरुवाती दुई खेल वेस्टइन्डिज र नेपालसँग खेल उनले खेल्न पाउने छैनन् । अमेरिकाले पहिलो खेल १८ जुनमा वेस्टइन्डिजसँग खेल्नेछ । त्यसपछि २० जुनमा नेपालसँग खेल्ने कार्यक्रम छ । अमेरिकाले २२ जुनमा नेदरल्यान्ड्स र २६ जुनमा जिम्बावेसँग खेल्नेछ । अन्तिम दुई खेल भने उनले खेल्न पाउनेछन् ।
अली खान अमेरिका प्रमुख तीव्र गतिका बलर हुन् । उनले जर्सीविरुद्ध ओडिआई खेलमा ९.४ ओभरमा ३२ रन खर्चेर ७ विकेट लिएका थिए । ३२ वर्षीय उनले १२ ओडिआई खेलमा ३० विकेट लिएका छन् । अली खानले विश्वका फ्रेन्चाइज लिगमा लगातार राम्रो प्रदर्शन गर्दै आएका छन् । २०२० को इन्डियन प्रिमियर लिग (आइपिएल) मा उनी कोलकाता नाइट राइडर्सको टोलीमा थिए ।
गतवर्ष आइसिसी विश्वकप लिग २ मा नेपाली खेलाडीविरुद्ध पनि अभद्र व्यहबार गरेका थिए । सामाजिक सञ्जालमा नेपाली समर्थक संसारकै खराब बताएका थिए । त्यसपछि उनको चौतर्फी आलोचना भएको थियो । फिल्डिङका क्रममा नेपाली समर्थकलाई उत्तेजित पार्ने हर्कत गरेका अली खानले दोस्रो खेल जितेपछि नेपाली समर्थककै अगाडी भाङ्ग्रा नाच देखाएका थिए ।
अमेरिकाले आइसिसी विश्वकप एकदिवसीय विश्वकप छनोट खेल्ने १४ सदस्य टोली घोषणा गरेकोछ । अमेरिका स्टार अलराउन्डर इयान होलान्डले भने विश्वकप छनोट नखेल्ने भएका छन् । उनी काउन्टी च्याम्पियनसिपको कारण अमेरिका टोलीमा उपलब्ध नहुने भएका छन् । होलान्डले ह्याम्पाशायरबाट काउन्टी खेल्दै आएका छन् ।
अमेरिका टोली :
मोनांक पटेल (कप्तान तथा विकेटकिपर), आरोन जोन्स (उपकप्तान), शयान जहाँगिर, नोस्थुश केंजिगे, अली खान, सुशान्त मोदानी, साई मुकामल्ला, सौरभ नेत्रवालकर, अभिषेक परादकर, निसर्ग पटेल, कायल फिलिप, उस्मान रफिक, गजानन्द सिंह, जेसी सिंह र स्टिभ टेलर ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]