default_image

1 year ago

May 27, 2023

नेपालसँग खेल्नु अघि जिम्बावेका अनुभवी ब्याटरको सानदार प्रदर्शन

129 views

0 Bookmark

एजेन्सी – आइसिसी एकदिवसीय विश्वकप छनोटमा तीन सातापछि घरेलु मैदानमा नेपालसँग खेल्नुअघि जिम्बावेका अनुभवी ब्याटर क्रेग इर्विनले सानदार प्रदर्शन गरेका छन् । विश्वकप छनोटको लागि तयारी स्वरुप खेलेको अभ्यास खेलमा जिम्बावे सेलेक्टबाट इर्विनले पाकिस्तान शाहिन्सविरुद्ध सानदार प्रदर्शन गरेका छन् ।

लिष्ट ए मान्यता प्राप्त छैटौं एकदिवसीय अभ्यास खेलमा हरारे स्पोर्ट्स क्लबमा टस हारेर पहिला ब्याटिङको निम्तो पाएको जिम्बावे सेलेक्टले निर्धारित ५० ओभरमा ७ विकेट गुमाउँदै ३ सय ८५ रन बनाएको थियो ।

जिम्बावेका ३७ वर्षीय क्रेग इर्विनले १ सय ४८ बलमा २२ चौका र ६ छक्कासहित १ सय ९५ रनको सानदार ब्याटिङ गरे । उनी विकेटकिपर हसिबउल्लाह खानबाट रन आउट भएपछि दोहोरो शतक बनाउन मात्रै पाँच रनले चुकेका थिए ।

त्यस्तै अर्का ओपनर इनोसेन्ट कैया ७९ बलमा १० चौका र ३ छक्कासहित ९२ रनमा आउट भए । दोस्रो विकेटका लागि इर्विन र इनोसेन्ट कैयाले १ सय ८७ रनको उत्कृष्ट शतकीय साझेदारी गरेका थिए । यस अघि चौथो अभ्यास खेलमा पाकिस्तान शाहिन्सविरुद्ध क्रेग इर्विनले १ सय ४४ बलमा १९ चौका र ३ छक्कासहित १ सय ६१ रनको सानदार शतकीय इनिङ खेलेका थिए । इर्विन जिम्बावेका प्रमुख ब्याटर हुन् ।

उनले जिम्बावेबाट १ सय १० ओडिआई खेलमा ३ शतक र १८ अर्धशतकसहित ३ हजार ३५ रन बनाएका छन् । त्यस्तै उनीसँग २० खेलमा टेस्टको अनुभव छ । जिम्बावेले पाकिस्तान शाहिन्ससँग पहिलो रोजाईको टोलीलाई नै अभ्यास गराएको छ । पाकिस्तानले भने आफ्नो ए स्तरको टोली पठाएको छ ।

विश्वकप छनोट आगमी जुन १८ देखि जुलाई ९ सम्म जिम्बावेमा हुनेछ । समूह ए मा नेपाल, जिम्बावे, वेस्टइन्डिज, नेदरल्यान्ड्स र अमेरिका छन् । समूह बी मा श्रीलंका, आयरल्यान्ड, स्कटल्यान्ड, ओमान र युएई छन् । जिम्बावेले पहिलो खेल जुन १८ मा नेपालसँग खेल्दै सुरुवात गर्नेछ । शीर्ष तीन टोली सुपर सिक्समा प्रतिस्पर्धा गर्नेछन् ।

सुपर सिक्समा अर्को टोलीबाट आएका तीन टोलीसँग खेल्नेछन् । जसबाट शीर्ष दुई टोली फाइनलमा पुग्दै विश्वकपमा पुग्नेछन् । जसमा वेस्टइन्डिज र श्रीलंका प्रमुख दाबेदारको रुपमा छन् । जिम्बावेलाई विश्वकप छनोट खेल्न यी दुई देश मध्य एकलाई पछि पार्नुपर्ने हुन्छ ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.