एजेन्सी – भारी वर्षाको कारण इन्डियन प्रिमियर लिग (आइपिएल( २०२३ को फाइनलमा चेन्नई सुपर किंग्स र गुजरात टाइटन्सबीचको खेल रोकिएको छ ।

उपाधि जित्न २ सय १५ रनको विशाल लक्ष्य पछ्याएको चेन्नईले तीन बलमा ४ रन जोड्दा खेल रोकिएको छ । नरेन्द्र मोदी स्टेडियम अहमदाबादमा कभरले ढाकिएको छ ।

आइतबार वर्षाको कारण टस पनि हुन नसकेपछि आज फाइनल भएको हो । गुजरातको पहिलो इनिङ सकिएपछि हल्का वर्षाको कारण केहि समय खेल रोकिएको थियो । खेल सुरु भएपनि पुन रोकिएको हो । आगमी दुई घण्टासँग खेल सुरु भएमा ओभर घट्ने छैन । आगमी दुई घण्टासम्म खेल सुरु हुन नसके ओभर घट्नेछ ।

यदि पाँच ओभरको खेल भएमा चेन्नईले कुनै विकेट नगुमाई ४३ रन बनाउनु पर्ने हुन्छ । डकवर्थ लेविस पद्धतिको आधारमा नतिजा निकाल्न ५ ओभर चेन्नईले खेलेको नै हुनुपर्छ । चेन्नईले पाँच ओभरमा विकेट नगुमाउँदा ४३, एक विकेट गुमाउँदा ४८, दुई विकेट गुमाउँदा ५५ र तीन विकेट गुमाउँदा ६३ रन बनाउनु पर्ने हुन्छ । विकेट अनुसार डकवर्थ लेविस पद्धतिमा लक्ष्य भरपर्छ ।

टस हारेर पहिला ब्याटिङ थालेको घरेलु टोली गुजरातले निर्धारित २० ओभरमा ४ विकेट गुमाउँदै २ सय १४ रन बनाएको थियो । गुजरातलाई विशाल योगफलमा पुर्याउन सुदर्शनले ४७ बलमा ८ चौका र ६ छक्कासहित सर्वाधिक ९६ रनको इनिङ खेले । अनुभवी विकेटकिपर ऋद्धिमान शाहले ३९ बलमा ५ चौका र १ छक्कासहित ५४ रनमा आउट भए । चेन्नईका मथिसा पाथिरानाले ४ ओभरमा ४४ रन खर्चेर २ विकेट लिए । दीपक चाहर र रविन्द्र जडेजाले समान एक विकेट लिए ।