default_image

9 months ago

June 2, 2023

श्रीलंकामाथि अफगानिस्तानको सहज जित

एजेन्सी – अफगानिस्तानले युवा ओपनर इब्राहिम जद्रानको उत्कृष्ट ब्याटिङसँगै पहिलो ओडिआई खेलमा घरेलु टोली श्रीलंकालाई ६ विकेटले पराजित गरेको छ । योसँगै तीन खेलको सिरिजमा १-० को अग्रता लिएको छ । जितको लागि २ सय ६९ रनको प्रतिस्पर्धात्मक विजयी लक्ष्य पछ्याएको अफगानिस्तानले ४६.५ ओभरमा ४ विकेट गुमाउँदै पूरा गर्यो । अफगानिस्तानको जितमा युवा ओपनर इब्राहिम […]

93 views

0 Bookmark

एजेन्सी – अफगानिस्तानले युवा ओपनर इब्राहिम जद्रानको उत्कृष्ट ब्याटिङसँगै पहिलो ओडिआई खेलमा घरेलु टोली श्रीलंकालाई ६ विकेटले पराजित गरेको छ । योसँगै तीन खेलको सिरिजमा १-० को अग्रता लिएको छ ।

जितको लागि २ सय ६९ रनको प्रतिस्पर्धात्मक विजयी लक्ष्य पछ्याएको अफगानिस्तानले ४६.५ ओभरमा ४ विकेट गुमाउँदै पूरा गर्यो । अफगानिस्तानको जितमा युवा ओपनर इब्राहिम जद्रानले ९८ बलमा ११ चौका र २ छक्कासहित सर्वाधिक ९८ रनको योगदान दिए । तीव्र गतिका बलर कसुन रजिथाको बलमा ३० औं ओभरको अन्तिम बलमा डीप स्क्यायर लेगमा वकैल्पिक फिल्डर समराव्रिकमाबाट क्याच भएपछि शतक बनाउन चुकेका थिए ।

रहमात शाह ८० बलमा ३ चौकासहित ५५ रनमा आउट भए । दोस्रो विकेटका लागि जद्रान र शाहले १ सय ४६ रनको शतकीय साझेदारी गर्दै जितको आधार तय गरेका थिए । कप्तान हश्मातुल्लाह शाहिदी ४७ बलमा ४ चौकासहित ३८ र ओपनर रहमानउल्लाह गुरबाज १४ रनमा आउट भए । मोहम्मद नाबी २८ बलमा ४ चौकासहित २७ र नाजिबउल्लाह जद्रान ७ रनमा नटआउट रहे ।

डेब्यू खेल खेलेका मथिसा पाथिराना ८.५ ओभरमा ६६ रन खर्चेर १ विकेट लिए । कसुन रजिथाले १० ओभरमा ४९ रन खर्चेर २ विकेट लिए । लाहिरु कुमाराको नाममा १ विकेट रह्यो ।

त्यसअघि टस हारेर पहिला ब्याटिङको निम्तो पाएको श्रीलंका निर्धारित ५० ओभरमा २ सय ६८ रनमा अल आउट भएको थियो । श्रीलंकाका मध्यक्रमका बायाँ हाते ब्याटर चरिथ असलांकाले ९५ बलमा १२ चौकासहित ९१ रनमा रन बनाएपनि जितको लागि पर्याप्त हुन सकेन । अन्तिम ओभरको पहिलो बलमा रन आउट भएपछि उनी ओडिआई करिअरको दोस्रो शतक बनाउन ९ रनले चुकेका थिए ।

धनन्जय डि सिल्भा ५९ बलमा ५ चौकासहित ५१ रनमा आउट भए । पाँचौं विकेटका लागि चरिथ र डी सिल्भाले १ सय ८ बलमा ९९ रनको साझेदारी गरेका थिए । श्रीलंकाका अन्य ब्याटरले भने राम्रो प्रदर्शन गर्न सकेनन् । तीव्र गतिका बलर फजलहक फारुकीको बलमा अनुभवी ओपनर दिमुथ करुणारत्ने ४ रनमै एज लागेर रहमात शाहबाट क्याच आउट भएका थिए ।

लामो समयपछि ओडिआई टोलीमा फर्किएका दिमुथको सुरुवात राम्रो हुन सकेन । फारुहकीकै बलमा स्क्वायर लेगमा कुशल मेन्डिस शाहबाट ११ रनमा क्याच आउट भएका थिए । एन्जिलो म्याथ्युज १२ र दासुन शनाका १७ रनमा आउट भए । डेब्यू खेल खेलेका दासुन हेमान्था २० बलमा १ चौका र १ छक्कासहित २२ रनमा आउट भए ।

अफगानिस्तानको जितमा तीव्र गतिका बलर फजलहक फारुकीले ९ ओभरमा ५८ रन खर्चेर २ विकेट लिए । फरिद अहमदले ८ ओभरमा ४३ रन खर्चेर २ विकेट लिए । आजमतुल्लाह ओमरजाई, मुजिब उर रहमान, नूर अहमद र मोहम्मद नाबीले समान एक विकेट लिए । दोस्रो खेल आइतबार र तेस्रो खेल बुधबार हुनेछ । श्रीलंकाले तीन सातापछि जिम्बावेमा हुने आइसिसी विश्वकप छनोट अघि उक्त खेलको सिरिज खेलेको हो ।

श्रीलंका विश्वकप छनोटमा समूह बी मा छ । समूह बी मा श्रीलंका, आयरल्यान्ड, स्कटल्यान्ड, युएई र ओमान छन् । समूह ए मा नेपाल, जिम्बावे, वेस्टइन्डिज, अमेरिका र नेदरल्यान्ड्स छन् । श्रीलंका उपाधिको प्रमुख दाबेदार टोली हो ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.